Luku 15:6 - Ka Lamana'a Monoꞌi Lu Mu Tifiꞌehina Ka Yabe

⁶ Ya huloto kofito buto to hepatoga nehetiloto'a falu'agi hiti to bona'agi kehe noibe. To neenogo ma luto lu epibe: Sipisipi yaga'ni fenene hu'ehinana huto higo le'moto oto lenali hiti nani hiti legelo bilunagihe. Ya lu'ehina kilihe'i yabe.

Luku 15:6 ပူးပေါင်းရင်းမြစ်များ

Luku 1:58

Enali Elisapetihi hepa'alo bona'i to ai naga'a ya huto Hu'mau Elisapetihi ginaga fi emigo pana'i mone keto'ehibe lana'a kehelilete Elisapeti hiti enali asaga'i enofokehi he'ahana.

Luku 15:10

To nani ana huto, ma luto lu nolepube. Foipa bouba sibi hapa'a he'mito to komopa'a i gelehe hinogomo, Hu'mamofihi agelomagi ya'ma bomofi kumu yege filana'mu yabe.

Luku 15:24

Ya'ma pana'nimo fili'ehina legita minoto aku'i nohibe. To fenene huto minoto yatai aku'i huto hu'ehibe. Ya ligo enali hapi fite nose'na nenete enegelo nebite mine'ahana yabe.

Luku 15:5

To sa sa huto bu goba bu goba huto'a to etafa huloto fokehi nolito nu nokibe.

Luku 15:7

To nani ana huto ma luto lu nolepube. Foipa bo moneuba foipa hapa'a he'mito to komopa'a i gelehe hinogomo ifo muya nehanamagi kokulumalugu gofana hite enegelo bilana'mu yabe. To bona'i yege yege'namagi hapa'ani bati'na ni'ina to komopa'ani i gelehe mehise nehinogomo, enali kumu kokulumalugu yege nesi'a filabe. To foipa bouba, ai foipa hapa'a he'mito, to komopa'a i gelehe hinogomo, lusina hite enegelo bilana'mu yabe. Yesu ya luto lu epi'ehina yabe.

Yoni 15:14

Lenali kaga nolenelepunalo mege'i melelata nehana nalalu'nigita yabe luto lilube'mu hube.

Yoni 3:29

To bo moneuba a'i mone lilagomo ana a'i ai'a liha'a minolata nohibe. To liha'a lina bomofihi lalu'afu ho tito bagaguti lina kaga keheliloto gelo sipi bito liha'a ma'asi li'ehina bomofihi bagaguti kaga kehelilata nohibe. Ya'ma suhi luto yatai nani komopa'nigu sipi negelo nobube.

Aposolo 11:23

Banabasiu ana hepato buto henetiloto Hu'mamofihi boana'a bati hite nehago bu enogoloto gelo sipi biloto bati hite nehanagi ana suhi lite fulunaguti koguna ite asaga komopatini Sipi Bomofitoga emite mino mana hilo luto enogo'na bi'ehina yabe.

Aposolo 15:3

Yesuhi kaga kehelise bona'magi ana hepatogati enoho lifigo enali Fonisia kegi'a bite to Samalia kegi'a bilete li'ahana: Fegutoga bona'magi Hu'mamofitoga komopa'ani emi'ahanamofihi kaga lu epi'ahana. Enalalu'anigi ya'ma kaga kehelilete enegelo sipi bi'ahana yabe.

Filipai 1:4

Lenali ka lamana'a yata'a hapi fite kehelilete ana'asi nani ana kaga lili'nalo nehe'mete minete hi'ahana ya'mu kehelugo lenali kumu yabe luto komopa'nigu bati higo minoto Sipi Bomofitoga fokehi luba luba huto nominobe.

Filipai 2:17

Lenali Hu'mamofitoga keheli ule'ale hite agoya hu emilatana ya'ma yaga hoto efaha hitalo go emilatana suhi luto ni'ibe. Ya huto ni'igo fatehe bona'magi nehe fililenogo golaha'ni yamofihi gupisalo hekiluna suhi luto ni'ilibe. To ya hi netelenogo nani lenali kumu yabe luto negelo bilube.

Filipai 4:1

Ya'mu komopa'ni lepi'ohuna nalalu'nigita komopa'niuba ya'ma lenali kumu mone'a hiti nonebesibe. Lenali foya'nimofihi legeya'a lolo hi'ahago lenali kumu negelo bilata nohube. Lenali amuya melete Sipi Bomofitoga hepite mino hetofa hite ai naga'i lolo hite minalo.

1 Tesalonika 2:19

Lenali kumu yabe luto laga'a kehelilata nohune. Yamofihi ma huto ni'ibe. Sipi Boti Yesu oto nehetilina yupahi ya'ma gobisalo hiya bona'magi lali foyatimofihi legeya'a lolo hilabe? Lenalitinigo ya'ma lali foyamofihi legeya'a lolo hilune'mu habe. Ya'ma huto hilina yupahi lali sa huto geba nohune. Ya nehinogo lenali kumu legelo bito minalune.

1 Pita 2:10

Koyapa'i lenali Hu'mamofihi bona'a memine'ahana. Yatai ya'ma Hu'mamofihi naga'i lolo hite neminabe. Koyapa'i lenali mino bati hite memine'ahana. Yatai ya'ma Hu'mau ginaga fi limise bomofihi komopa'agu nehabe.

1 Pita 2:25

Lenali sipisipi yaga suhi hite lopi fite mine'ahanamo yabe. Yatai ya'ma lenemehatinimofihi kaba bo'a ai lenele'mo behe higo aitoga huto hite neete mege'i nemalabe.