Luku 15:5 - Ka Lamana'a Monoꞌi Lu Mu Tifiꞌehina Ka Yabe

⁵ To sa sa huto bu goba bu goba huto'a to etafa huloto fokehi nolito nu nokibe.

Luku 15:5 ပူးပေါင်းရင်းမြစ်များ

Luku 15:32

To ya'ma kogonaka fili'ehina legita minoto yatai nohibe. To fenene huto minoto yatai huto hu'ehibe. Ya hu'ehinana'mu lali bati huto yege fito lofokehi nolune, luto lu'ehina. Yesu ya lu epi'ehina kilihe'i yabe.

Luku 15:4

Lenali bonatini moneuba sipisipi yaga'a babu lite 100 nehago to mone fenene hinogo, hena nohibe? Sipisipi yaga'a yege yege'na holupa hepatoga enehe'mito ya'ma fenene hu'ehinamofihi buto sa sa nohibe.

Luku 15:6

Ya huloto kofito buto to hepatoga nehetiloto'a falu'agi hiti to bona'agi kehe noibe. To neenogo ma luto lu epibe: Sipisipi yaga'ni fenene hu'ehinana huto higo le'moto oto lenali hiti nani hiti legelo bilunagihe. Ya lu'ehina kilihe'i yabe.

Luku 19:9

Ya ligo Yesu ma luto Sakiasi kumu lu emi'ehina: Yatai kaika naga'i Hu'mau a'enele'mo'ehibe. Ya'ma bo hiti ai Abalahahi tata'afu nohibe.

Luku 23:43

Ya ligo Yesu ma luto lu emi'ehina: Nani ma'naka luto lu nokumube. Yatai ma'asi kai nani hiti miya omihi foyagu minalu'ibe.

Yoni 15:11

Nani komopa'nigu haya noinago komopatinigu ana suko huto haya ilina yauba i futili huto bai toto minalibe luto kaga ya'ma lu lepi su hoto nominobe.

Efeso 2:10

Lali Hu'mamofihi yahi fayaha'a nohutogo ai'a Yesu Kilisitotoga molo emutamofihi foya lilabe luto lele'mo huto hu'ehibe. To ana foyamo lite bona'magi enehe'mete minalabe luto koyapa'i lu kehelito molo leto'ehina yabe.

Efeso 3:7

To Hu'mamofihi ka lamana'amofihi foya'a lito kele kele'i bo minalane luto lu nimi'ehina yabe. Ya hilane luto Hu'mamofihi hetofa mehi nimise'na'a to ai'a amuya'a hiti nanitoga li huto huto molo'ehinamo ni'ibe.

1 Tesalonika 1:5

Ka lamana'a ito buto lu lepi'ohuta yabe. Lali labagagutiko ka lepi'ohuta meni'ibe. O'e, Hu'mamofihi amuya'a hiti ni'igo ai Sikalafu'uba ya'ma lamana'a ni'ibe luto lu lepi'ehinamo yabe. Lali lenalitoga mino'ohuta hapati abu ge'ahanamo ni'ibe. Lenali kumu yabe luto lenele'mo bati hilune luto lamana huto mino'ohuta bu ge'ahabe.

2 Timoti 2:26

Ana bona'magi Satau koyapa kelefu'agu enohoto ai mege'i malalabe luto naga'i epi'ehinamagi komopa'ani i gelehe hinogo to enegekesa hokolo hinogo Hu'mau Sataha naga'aguti enubuto bilina'mu yabe.

Hibulu 12:2

Ya nohutoti keheli ule'ale huse'nati'mu lele'mo kohe tolatana to yanamofihi legeya'a li huto hulata bo, Yesu ya'ma babeyafa'amofihi suhi huto minoto aigo'isi bu go bati huloto hololu luto buto minalune. Ai gelo bise'na ya'ma o nehetibe luto lu'ohunamo yamofihi keheliloto li pigi bise'na fela'amofihi gupisalo ti'ehina'mu keheligo fa'menena lolo higo malipu yafalo sipi keke'i lu'ehina. Ya huloto Hu'mau nohina sekele mamu'a hiti kefa hisalo yahi lamaga'aga tito mino'ehina yabe.

1 Pita 1:5

Ya huloto Hu'mau amuya'aloti haka fi lepele'ehinogo keheli amuya melete nehinogo kana'a su halina yana yupahi lenubuto bilina'mu yabe. Yamofihi li nupa huto huto lenele'mo bati hilinamofihi geba hite minalabe.