Luku 15:30 - Ka Lamana'a Monoꞌi Lu Mu Tifiꞌehina Ka Yabe

³⁰ To aku'i ya'ma panaka kapo ana'mo hiti efahaka he'mi su ho'ehina pana'mo ai ago bulumaka yagaka nose'na emi'ohutana ai kumu keye lu'ahatagihe.

Luku 15:30 ပူးပေါင်းရင်းမြစ်များ

Maki 12:44

Enali efaha'ani silaga'i ni'inaloti mone'a lite ete he'mi'ahabe. To ai muhi menina a'i nohuto efaha'a asaga'i ni'ina to nose'na mina fito nalube luto molo'ehina efaha'a ya'ma ahe'mi su ho'ehinagihe. Yana'mu ai'a hapa'a bati hu'ehinauba enebe ligi'ehibe, luto Yesu ya luto lu'ehina yabe.

Luku 15:29

ana pana'uba afo'afitoga ma lu emi'ehibe: Abo. Kaika lili'nakalo foya kana babu luto mino'ohuna yabe. To kaikamo kehelito minoto'ni akili mehu'ohunagihe. To kaimo meme yaga mone, lagaso'asi mone, menimise mino'ahata yabe. Nafalu'nifu hiti noloto yege fitita'mu yabe. Menimise mino'ahatagihe.

Luku 15:31

Ya ligo afo'afu ma lu emi'ehibe: Pana'ni. Kai hiti asaga yupahi nohu'ibe. To ana'ina'ni asaga'i kai'naka ni'inagi yege pana'ni nohatagihe.

Luku 15:32

To ya'ma kogonaka fili'ehina legita minoto yatai nohibe. To fenene huto minoto yatai huto hu'ehibe. Ya hu'ehinana'mu lali bati huto yege fito lofokehi nolune, luto lu'ehina. Yesu ya lu epi'ehina kilihe'i yabe.

Luku 18:11

Ai Felosi bouba ho tiloto faha'alo buto ho tito nohuto ma luto nunumu komopa'agu hu'ehina: O Hu'mao, nani bona'i luga'amagi suhi huto menohube ya'mu nani kegepohi nolube. Bona'i gumina felete to bo alobo loko hila ya hila nehana bomagihi suhi huto naniya menohube. Ana huto ya'ma bo ai takisi lilata nohina bo legi huto menohube.