Luku 15:22 - Ka Lamana'a Monoꞌi Lu Mu Tifiꞌehina Ka Yabe

²² Ya ligo afo'afu lili'nalo bona'a kehe ito ma luto lu epi'ehina: Me'me hite bite laga hina kata lite ete hepi etalo. To sahi yaha'alo bilina'a, to su'mo gigusa'alo bilina'a lite ete emilo.

Luku 15:22 ပူးပေါင်းရင်းမြစ်များ

Luku 15:21

To pana'auba ma luto lu'ehibe: Ke. Afo'niga, nani Hu'ma kumu to kai kumu foipana hu'ohunagi kai yatai pana'ni yabe, luto nigi mehalata'mu yabe.

Luku 15:23

To bulumaka yaga nose'na emi'ohuta yaga bite keye lite laita hilo. Lofokehi hilutagihe.

Romu 13:14

Lenali lenugufaluga laga besise'namofihi foipa nasanamu'i lenegekesa yigi yigi mehite ananamofihi le'mo laba hilo. Sipi Boti, Yesu Kilisitohi helegu'i lite ya suhi hite neminana bona'i lenali li so kite aitoga minete ule'ale hite minalo.

Romu 3:22

Bona'i moneuba komopa'a Yesu Kilisitotoga molo emigo Hu'mau ana bomo le'mo bati hilibe. Ai asaga bona'i komopa'ani Kilisitotoga mele emi'ahanamagihi enele'mo bati hilibe. Hu'mamofihi bulo silaga bona'i moneko babeyafa hite nehago bu golata nohibe.

Romu 8:15

To ya'ma Hu'mau lepi'ehina Sikalafu'uba koko pana'a lenele'mo lolo huto lenelesa melu'ehibe. Lenali Hu'mamofihi lusi pana'amagita li tifito logogose'namagi neminete ai kumu: Apaobe, Apaobe, lite kehe neibe.

Galesia 3:27

Mono nagami'i felelete Kilisitotoga molo emi'ahana silaga'i Kilisitohi legegeto suhi molo emite hepi'ahana.

Efeso 6:15

To Hu'mau bona'i enele'mo fulu hilata nohina ka lamana'a lite minalana yanauba enigigusagu fegu lolo hu lepelenogo kapo melete minalo.

Huto Hilina Ka 19:8

Enali liha'a koholi gukete gulu gulu ho'ehina Hu'mau emi'ehina'a i kololo bi ete'ahana. Ya'ma kata i kololo bi'ehina'a Hu'mamofihi bona'amagi foya lamana'a li'ahanamo ni'ibe.

Huto Hilina Ka 2:17

Sikalafu'uba Hu'mamofihi yagapana'a li gehesa hi'ahana ya'ma kaga ya luto lu noepina ya'ma enegekesa hokolo hinogo keheliya ite kehelilabe. Luga'amagi mono kagu ule'ale hite bite Satahi luba'a be ligilana'a ya'ma fala kito nose'na legeya'a mana yabe luto kokulumaguti limi'ehina nose'na epilube'mu hube. To kala efahi hapa'a ya'ma eto eto huto epilenogo yalo'i gi'a fayahi kosaba'i minenogo efapofihi afo'afu ai'asigo kehelilube'mu hibe luto nolibe.

Huto Hilina Ka 3:18

Ya hu'ehina'mu lenegekesa lito lu lepilugi kehelilo. Lenali nanitogati goli efahi hetofana'a mina'a tito ni'ina ya'ma mina filenogo bati fe'nohatini hiti bona'i minalanagihe. To koholi guketemofihi hapa'a mina filete lite i kolo bite lenugufa yapako minago buya ligo fi etalabe. To lenubutinimofihi mesebe'amofihi mina filete lenubuluga ya'ma felenogo aku gili gili hilibe.

Huto Hilina Ka 6:11

Ya lite lilago koholi gukete hapa'a gu'i enemeto enemeto epi su holoto ma luto lu epi'ehina: Agoya yagapana'i lenalalutinigi luga'a ana hite enoho fililana enali Hu'mau lu keheli'ehilina'a li eto hilina'mu geba hite nesi'asi minalo.

Huto Hilina Ka 7:9

Ya hulago nubu egolago buto mana bu go'ohuna: Noto noto bona'i luga'amagihi babeyafa'a fato fato enugufa hiti to fato fato naga'i hiti to kaga'ani fato fato'i to naga'i babu lite ya'ma bo moneuba leka so su mehose suhi enali sekele mamu'a hiti kefa hisamofihi gobisalo to sipisipi nala'a ai maha'aga ho tite nehago bu enogo'ohuna. Enali ya'ma koholi kata li hekelete lose lose'na fekilite enayanugu ya'ma lose lose'na hekele ite lila lila hite mine'ahana.