Luku 15:10 - Ka Lamana'a Monoꞌi Lu Mu Tifiꞌehina Ka Yabe

¹⁰ To nani ana huto, ma luto lu nolepube. Foipa bouba sibi hapa'a he'mito to komopa'a i gelehe hinogomo, Hu'mamofihi agelomagi ya'ma bomofi kumu yege filana'mu yabe.

Luku 15:10 ပူးပေါင်းရင်းမြစ်များ

Matiu 10:32

Bo moneuba Yesuhi pana'i nohube luto lu yege homofa'na hilina nani alihi ana huto Afo'nifu kokulumalugu nohinamofihi bulo'i gi'a lu yege haluna'mu yabe luto Yesu lu epi'ehina yabe.

Matiu 18:10

Lenali ya'ma yagapana'i fa'menena nehabe lite li lalabe. Lenali kaba hu bati hilo. Nani ma'naka luto lu nolepube. Kokulumalugu nani Afo'nifihi bu'alo enali agelo'ani kaba hu epelete neminabe.

Matiu 18:14

Ya'mana suhi luto kokulumalugu Afotinifu nohinauba ma yagapana'i nehana folagaha'aniguti mone meminigilibe luto lulata nohibe.

Luku 12:8

To nani lu nolepube. Bo moneuba nani nigi'ni boana enubulo lu yege homofa'na hilina ana huto Kokulumaguti limi'ehina Bouba ai ana bomofihi gi'a lu yege homofa'na Hu'mamofihi agelo'amagihi enubulo hilina'mu yabe.

Luku 12:9

Ya hu'ehina to bo moneuba nani'i megesa hu nimito boana'magi enubugu buya hinogo minalina nani ana huto megesa hu emito Hu'mamofihi agelo'amagi enubulo minaluna'mu yabe luto Yesu lu'ehina yabe.

Luku 13:5

O'e. Nani lu nolepunaya, lenali foipanatini li mehe'milana lenali asaga'i enali hi'ahana suhi hite fili su halana'mu yabe, luto Yesu lu epi'ehina.

Luku 15:11

Yesu ka mone hiti lu'ehina: Bo moneuba pana'i loemo eteketo'ehina.

Luku 15:7

To nani ana huto ma luto lu nolepube. Foipa bo moneuba foipa hapa'a he'mito to komopa'a i gelehe hinogomo ifo muya nehanamagi kokulumalugu gofana hite enegelo bilana'mu yabe. To bona'i yege yege'namagi hapa'ani bati'na ni'ina to komopa'ani i gelehe mehise nehinogomo, enali kumu kokulumalugu yege nesi'a filabe. To foipa bouba, ai foipa hapa'a he'mito, to komopa'a i gelehe hinogomo, lusina hite enegelo bilana'mu yabe. Yesu ya luto lu epi'ehina yabe.

Luku 15:9

To sa sa huba huba hulago alihi efaha'a huto hinogomo, gi'a'agi hiti bona'agi kehe ito ago ma nolibe: Lenali nanilo li nupa hitemo legelo bilune. Efaha'ni fenene higo, yatai bu goto nolube. Ya lu'ehina kilihe'i yabe.

Luku 7:47

Yatai nani lu nokumube. Nani ya'ma a'mofihi babu foipana'a asaga'i li nohe'mi eto'ohunogo ai nani kumu sipina nobesibe. To bo mone'mofihi Hu'mau foipana'a nesi'asi li he'mi etalina aku'i ana bouba nani kumu'i nesi'asi nobesibe.

Aposolo 11:18

Ya ligo enali Pitahi bu fi kutu nehanana he'milete Hu'mamofitoga fokehi hete gelo bite ma lite li'ahana: Hu'mau fegutoga bona'magi komopa'ani i gelehe hulenogo enali hiti ana hite minoba minoba hilabe lite enegelo bi'ahana.

Aposolo 5:19

Ya hilago ana folugu'i Sipi Bomofihi agelo'auba naga gegisa li hokolo huloto aposolo bona'i enele'mo fegu toloto ma luto lu epi'ehina:

2 Koliti 7:10

Hu'mamofihi kamu'i liginaga filata nohinanamofihi le'mo gelehe hulata nasana li huto hinogo Hu'mau lubuto binogo minalune. Yamofihi liginaga fise nasana yamofiha'a li huto hilina aliha'a ya nasana'mu kehelinogo mone sibina mehilube'mu hibe. To mono'i mekehelise bona'i ginaga fise'na yauba negi nagi nasana li huto nohigo filite bilata nehabe.

Filemoni 1:15

Onesimasiu ai kele kele pana'i kaga lu laga hu'ahata'mu mekehelise he'mi keto'ehinamo yamofihi hapa'a ya huto ni'ibe. He'mi ketolagomo ya'ma kana nesi'a bu kebe liginogo i gelehe huto yamofihi kaitoga amuya moloto mino buto minalibe.

Hibulu 1:14

Ya luto agelomagihi lu meepi'ehinamo ni'ibe. Agelo silaga'i enali meha'a hiti Hu'mamofihi kele kele'a nehanaya bona'i enubuto bilatanamagihi enehe'mete enele'mo bati hilabe luto Hu'mau enoho nolifibe.