Luku 14:7 - Ka Lamana'a Monoꞌi Lu Mu Tifiꞌehina Ka Yabe

⁷ Asaga bona'i ana nonugati ete nose'na nalune'mu ana bona'i enali yata'a siatoko minalune'mu hago Yesu bu enogoto bame ka mone ma luto lu epi'ehina:

Luku 14:7 ပူးပေါင်းရင်းမြစ်များ

Matiu 13:34

Yesu asaga kaga boana'i lu epi kagaya bame kagutigo lu epi'ehina yabe. Ai kaga mone lu hokolo huto lu meepi'ehina yabe. Ai bame kagutigo lu epiba epiba hu'ehina yabe.

Matiu 23:6

Mono nonugu enali Felosi bona'magi kefa hisa bati hinalo bona folaganugu mino saga hite nehago asaga bona'magi lenebe tigite lenigitini bona enubulo li saga hilata nehabe. To asaga bona'i li gehesa hite nose'na nete minelata nehanagu ana hilata nehabe.

Luku 11:43

Ehe, lenali Felosi bona'ise. Lenali mono nonugu sia'a bati hinalo bona folaganugu minelago asaga bona'magi lenebe tigite lenigitini li saga bona folaganugu hilata habe.

Luku 20:46

Lenali keya ka babafi bona'i kaba hu bati hite minalo. Enali yatama yatama gukete li hekelelete enali yole'ale ite humofa'na nehago asaga bona'magi soso hu epelete enebe tigite hila asaga bona'i li nupa hite minelata nehana enubulo hilata nehabe. To enali mono nonugu asaga boana'magi enubulo minelete to sipi nose'na nelata nehanalo hepa'i bati'a lite minelata nehago asaga li nupa hite minana bona'magi, akae enali hetofa bona'i yabe lite lu epelelata nehabe.

Filipai 2:3

Lenalitinimu kehelite lenugufa lelitetiti nehanamofihi melilo. To lenigi le'mo saga mehilo. To lenegekesa yigite ligiti enebe ligilune lite ya melilo. Lenali komopatini lelite limite melelete lenigibo lenagabo enali kumu kehelinogo tilibe.

3 Yoni 1:9

Nani Kilisitohi yagapana'magihi ya'ma fayahi hupamone'isi mone koyo'ohunaya, Tiotelefeu ai bo enogo'anifita minalube luto lulata nohilina kaga'ni ya'ma keheli he'milata nohibe.