Luku 14:32 - Ka Lamana'a Monoꞌi Lu Mu Tifiꞌehina Ka Yabe

³² To ai gimi bo'a babu lite menehagomo ai amuya molo fato gihiti bo haluna'a huto menohube luloto'a fateha'a foto'i nohigo luba mehilu'ina aku'i fulu hilu'ibe luto kaga leli'ali bolo kaga he'mi etago bulata nohibe.

Luku 14:32 ပူးပေါင်းရင်းမြစ်များ

Matiu 5:25

To bo moneuba ka foyagu kele'mo malalube'mu kele'moto nobinogomo kapoga nebitetiti kai mele'isi hololu luto ipakafa mehoto kiya yogokolo hu emibo to ka hetofa'a lu emito koguna ito minobo. Bonaka ana bouba yasimofihi yato kele'mo melenogo to yaloti ya'mauba polisi bomofihi yato kele'mo melenogo yaloti polisi bouba naga foyagu kele'mo molo lalibe.

Matiu 5:42

To bo moneuba ana'ina nimibo luto kehe inogomo kai emibo. To ana'ina kaitogati yoka'i lilune lite kehe neinogomo kai o'e luto kemegesa hu meepibo.

Luku 12:58

To bo moneuba ka foyagu kele'mo malalube'mu kele'moto nobinogomo kapoga nebite ana bo kaga le'mo bati huto mone'na lu emibo. Bonaka ka foyagu kefefe huto buto koti kaba bomofihi yanugu melenogo koti kaba bomagi kele'mete bite gimi bomagihi epinogo enali nagalugu lenele'mo mele lalabe, luto Yesu lu'ehina.

Luku 14:31

To gihiti bo moneuba fato gihiti bo hiti luba hilu'ibe luto bilube'mu nohutomo ai minoto ma luto ekesa yigi bati huto ma luto nolibe. Nani gimi bo'ni 10 tauseni enele'moto nobinogo'nimo ai fato gihiti bouba 20 tauseni gimi bo'a hiti enele'moto alina'mu keheli bati huloto ma luto lulata nohibe. Ai ya'mana 20 tauseni gimi bo'a nehana gihiti bouba nani'i nohoto nele'mo he'milifi luto yata'a ekesa yigi bati hulata nohibe.

Luku 14:33

Yesu ana kaga'a lu baga i'ehina: Ana suhi huto mone bomaka asaga yogo fe'nohaka kemegesa hu emiloto ya suhi meminalata nani koko pana'ni lolo mehilata'mu yabe lu'ehina yabe.

Luku 19:14

Ya nohigo hepa'alo bona'magi enali ana bo sipi ipakafa he'ahana. Ya nehago ana bo abufa nohigo bona'i luga'a enoho lifigo kaga lite mege'i lifite bite enali ma lite li'ahana: Ya'ma bouba ai lali gihiti boti lolo mehilibe luto keheli'ohune li'ahana yabe.

Aposolo 12:20

To Taiya hepatoga bona'i hiti Saitoni hepatoga bona'i hiti enali'i Helotiu sipi enipakafa holoto italuga logo bigo nohigo enali bu galune lite li nupa hite monekolugu e'ahana. Enali Balasitosiu kibina bomofihi nokana hepato kaba hulata bomofito yata'a kaga ai hiti lu bati hulototi yabe lite enalitoga le'mo mele'ahana. Ya hilete ya'ma kibina bomofihi hepaluguti nose'na enali hepa'anilo lite bago nelata nehana'mu lite Helotihi ya'mana bona'i aku'i enele'mo fulu hubo lite aitoga yibi hi'ahana yabe.