Luku 14:27 - Ka Lamana'a Monoꞌi Lu Mu Tifiꞌehina Ka Yabe

²⁷ To bo moneuba ai malipu yafa'a kofiloto nani'i nemege'i memalalina nani koko pana'ni lolo mehilina'mu yabe.

Luku 14:27 ပူးပေါင်းရင်းမြစ်များ

Matiu 10:38

To bo moneuba malipu yafa'a lito kofiloto nemege'i memalalinauba ai nani nalalu'nifu lolo mehilina'mu yabe.

Matiu 13:21

Ya hu'ehina ai lufusa'a me'i komopa'alo mebu'ehibe. Ya hu'ehigo ai nesi kanasi minoto hosopa ilata nohibe. Alihi bona'i luga'amagi Hu'mamofihi kaga'a lu sibina hilune'mu hilete enali ana bomofihi ketana li kofi etete foipana suhi babu lite li huto hi etalana'mu yabe. Ya hinogo ana bomofihi hetofa kaga kehelito minose'na'a mele'isi he'mi etolata nohibe.

Maki 10:21

Ya ligo, Yesu ai'i bu goto minoto ginaga nofigo ma luto lu emi'ehina: Kaika hapaka moneko'isi mehu'ahatana ni'ibe. Kai buto fe'nohakaloti'i mina'a lilotoka ito buto enumuhi menina bona'magihi epiletogomo Hu'mau kokulumaga kemetahanaka yege yege'na molo ketalina'mu yabe. To ya'ma hulotoka oto nemege'i molobo.

Maki 15:21

To le'mete nebago bo moneuba Sailini naga'i nohina bo gi'a Simoni, Alekasatahi to Lufusihi afo'atitifu yagi, ai ana kapolo kifiguti noago enali bu gete le'me kefefe hite naga'i emite Yesuhi malipu yafa'a gupisalo li malago ai kofito bu'ehibe.

Luku 14:28

To bo mone lenali folagahatiniguti ai yatama yatama nohi gilago tilube lutomo ai yata'a ana noto mina'a he'milina'amu melugu minoto yaki'a he'mito ana nohi gilunagi luto ekesa yigi bati hulata nohibe. Ai ekesa yigiloto henaki'a efatu'i ana nohi gi baga ilufi luto kehelilata nohibe.

Yoni 19:17

To Yesu ai malipu yafa'alo kofito nobigo enali hepatogati he'mite mone lataha felisa'a hepato bite neheti'ahana. Yana hepa'i Hibulu kaluguti Gologota yabe nelana.

Aposolo 14:22

Ya hilete etali Yesuhi kaga'a kehelise bona'magihi amuya melete mono ka lu epiba epiba hite li pili kalo lite lu epi'aha'ina. Ketana babu luto yata'a kofito bulototi alihi Hu'mamofihi kapo'agu tilune lite Polugo Banabasiugo lu epi'aha'ina yabe.

2 Timoti 1:12

To nani keke'i luse'na kehelilatana yamofihi nugupisalo tilata nohina yana'mu nubuya'ni menohibe. Nani nokehelugo amuya molo'ohuna bo ya'ma keheli'ohube. To negekesa loegu mekehelise ya'ma luto keheli fe nolube. Hu'mau amuya afo'afu nohinaya komopa'ni emi'ohuna. Ya'mu kaba hu netoto nobibe. To nani emi'ohunana ya'ma kaba huto buto kana'a molo'ehina huto hilina'mu yabe.

2 Timoti 3:12

To bona'i Yesu Kilisito aitoga bite i hepite mono kapolo bilana ya'ma enali asagatoga kalana'i melelata nasana enali enugupisalo tilube'mu hibe.