Luku 14:22 - Ka Lamana'a Monoꞌi Lu Mu Tifiꞌehina Ka Yabe

²² To ya ligo kele kele pana'a buto ana huloto oto: Afo'niga, ya'ma lu nimi'ahatana to hepa'i keleko mone'i hibe, luto lu emigo

Luku 14:22 ပူးပေါင်းရင်းမြစ်များ

Luku 14:21

Ya lite lago, kele kele pana'mo i behe huto buto afo'afihi ya'ma kaga'ani asaga'na lu emigo, ai ipaluga logo bigo lu'ehina: Kai me'me huto buto hepatoga buto lagaso hepa'mo hiti sipi hepa'mo hiti sa sa hutoka fato bona'mo enelemoto obo. Kene'i nehana bona'i hiti enayahi sibina hu'ehina bona'i hiti enubu pisi lu'ehina bona'i hiti to enigigusa sibina hu'ehina bona'i hiti sa sa huto enele'moto obo, luto lu emi'ehina.

Luku 14:23

afo'afu ma luto lu emi'ehina: Kai aku'i buto olopa me kapolo hiti to kifigu hiti analo'i sa sa huloto malo'i enele'mo kefefe huto hepa'ni le'mo kikipa halabe luto enele'moto obo.

Yoni 14:2

Ifo muyalo Afo'nifihi hepa'i ni'inalo nohi babu luto ni'inagi nani kohe toto tito hepatini li kuguma hilube. Yanuga li kuguma hu su holoto'ni i behe hu limito lenali kumu lenele'malube luto'ni lenali hiti nani nohunalo minalune. Ya'ma huto hilinamo meni'itita lu hokolo hu leputita'mu yabe.

Efeso 3:8

To nani mono bona'i limite nehanaguti nani'i limito mino'ohunamofita nohunaya Hu'mau mehi nimise'na nanitoga huto higo Kilisitotoga keheli emilata bona'magihi enele'mo mino bati bati huse hapa'a leka soto soto su meholatanamofihi ka lamana'a ya'ma fegutoga bona'i lu huto huto lu epilane luto yamofihi foya kaga'a lu neto'ehinamo ni'ibe.

Kolose 2:9

To lenali nekehelibe. Kilisitohi komopa'agu Hu'mamofihi meha'a bai toto nominabe. To ai asaga kibina bomagihi kibina bo'ani to kaba bo'ani kokulumagufi melugufi nehanana ai enebe ligilata nohigo lenali to ai hiti moneka nehite lenemehatini bai toto bati huto ni'igo mine bati bati nehana yabe.

1 Yoni 2:2

Kilisitou ai'a ya'ma foipanati'mu Hu'mamofihi le'mo fulu hulata bo nohibe. To ya'ma lali foipanatigo ya hu letalata meni'ibe. Noto noto bona'i silaga kumu yabe luto foipana'ani li he'mi epololata bo nohibe.