Luku 14:18 - Ka Lamana'a Monoꞌi Lu Mu Tifiꞌehina Ka Yabe

¹⁸ O'e. Mebilune, ai ya ligo ai ya ligo enipa'ani nehite soya ka ana kele kele pana'amofihi lu emite fato fato ka lu emi'ahabe. Mone: Ke. Me'mo mone yuhufasi mina fi'ohunagi ya'ma buto bu galube'mu nohube, luto lu emi'ehibe.

Luku 14:18 ပူးပေါင်းရင်းမြစ်များ

Luku 14:17

To laita nohina yupapogu kele kele pana'a ho lifigo, buto kehe i'ehina: Alo. Alo, luto, nose'na li nupa hunogo nalanagi alo, luto lu epigo, enali asaga'i:

Luku 14:19

To mone: Ke. Bulumaka yagamo nayahi luga luga su hago yuhufasi mina fi'ohuna yabe. Foya'nigu me'mo kifise'na kefefe hite me'i lilabe luto mina fi'ohunagi buto babeyafa hilube'mu nohube, luto lu emi'ehibe.

Luku 18:24

Yesu ana bo bu gana yogo fe'noha'amu luto ginaga nofigo ma luto lu epi'ehina: Bona'i enali yogo fe'noha'ani babu lito nina bona'i Hu'mamofihi Kapo'alo bilune'mu hilana keta epesinogo metilana'mu yabe.

Luku 8:14

To ufehe naga'i hapa'agu limo ina nose'na biha'amoya ma huto hapa'a ni'igi bona'i enali kaga kehelilata nehabe ya nehana enelesa luse'na to yogo fe'nohi bati'amu to enegelonaguti ma melugu minose'nauba neminanalo komopa'anigu bai toto minoto ka mana'a kehelinamofihi le'mo emagu mololago nose'na biha'a mana'a enaliluguti huto hulata menohibe.

Yoni 1:11

Ai'a me'alo o'ehinagi aku'i ai'a bona'amagi bu go bati hite be tigite agoya hu meemi'ahana yabe.

Yoni 5:40

Nani ya'ma mino kosaba huse'na lepilube luto nolugo lenali lilune lite aku'i nanitoga mealune'mu nehabe.

Filipai 3:4

Lali ya huto minoto nohutaya to nani koyapa'i enali suhi luto mono'momu nugufa laga hu'ohunalo bati huto minalune luto lu'ohuna yabe. To bona'i luga'a enali enugufa laga hi'ahanalo enigi'ani liyafa nehafihe? Nani yanamomu enebe ligi'ohuna yabe.

2 Timoti 4:10

Temasiu ai ya'ma melugu nasana'mu laga besigo keheligo tigo he'mi netoto Tesalonika metoga bu'ehinagi kai oletogo bati hu netalibe. Keleseniu ai Galesia metoga bu'ehina. To Taitasiu ai Talamesia metoga bu'ehina yabe.

2 Timoti 4:4

Enali i behe hite, lusi mono kamofihi legeya'a ya'ma enemegesa hu emilete gusunupa'a meni'ina kilihe'i kagalo bite i hepilabe.

Hibulu 12:16

Ya nehite lenalitogati moneubafi moneuba Isau bu'ehina kapolo mone mebilibe. Mokolo bona'i enali mino eto hite meminalata to metoga bona'i mone'amagi mono kagaloga mege'i memalalata ya suhi huto meminalune lite kaba hu bati hilo. Ya'ma Isau ai moneko nose'namu yabe luto ema'aga yege'a nohinalo alihi huto hu emilina felisa fe'nohi yama he'mi'ehinamo ni'ibe.