Luku 14:1 - Ka Lamana'a Monoꞌi Lu Mu Tifiꞌehina Ka Yabe

¹ Mone yupahi fuli kanagu Yesu sipi bo Felosimofihi hepato buto nose'na nalube'mu nohigo asaga bona'i ana nonuga minana Yesuhi mapahi fi'ahana.

Luku 14:1 ပူးပေါင်းရင်းမြစ်များ

Matiu 12:12

To bouba sipisipi yaga be ligito nohibe. Ya hu'ehinagi fuli kanagu bona'i enele'mo bati hilo luto keya kagatiuba nolibe.

Maki 3:2

To ana nonugu bo mone yahi yufu no'ehina bo nohigo, enali Felosi bomagi Yesu fuli yupapogu le'mo bati hilifi lite mapahi fite mine'ahana yabe. Enali ai ya hulenogo bugu ka emekilune lite mapahi fite mine'ahabe.

Luku 11:37

Yesu ana kaga lu su holago Felosi bo moneuba: Noha'nigu buto nose'na nani'i hiti nalu'ibe luto kehe igo Yesu buto hitalo minoto nose'na nalube'mu hu'ehina.

Luku 14:2

Bo mone gi yahi hofa tago nominana bo Yesu nohina nonuga ti'ehina.

Luku 17:20

Felosi bona'i luga'amagi Hu'mamofihi Kapo'a hiya yupahi huto hilina ni'ibe, lite Yesuhi loka he'ahana. Ya lago Yesu ka'anilo ma luto lu epi'ehina: Hu'mamofihi Kapo'a alina yupahi boana'magi enubu'anitu'i be megalana'mu yabe.

Luku 20:20

Ya hago enali fato kanalo naga'i emilune lite mapahi fite bi'ahana. To Yesuhi mapahi fite minalabe lite bona'i luga enoho lifigo bi'ahana yabe. Enali ya'mana bona'i enali bati bona'i suhi hite Yesuhi lalu'agita nohune lite bi'ahana yabe. Enali ya hite bite nehite loka babu lite heba heba hite fi taga hi etelenogo ai Yesu kaga bati hinaga lilifi to bati mehinaga nolinogomo naga ito le'mete sipi gamani bo nohinalo bilune lite mine'ahana yabe.

Luku 6:7

To Felosi bona'i hiti keya ka kehelise bona'i hiti Yesuhi mapahi fite mine'ahana. To enali fuli kanagu enebesise bona'i enele'mo bati hilifi to enele'mo bati mehilifi lite mapahi fite mine'ahana. To enali fisa ilune'mu ka foyagu Yesuhi le'mo malalana kapo'mu kaba hite mine'ahana.

Yoni 3:1

Yuta bona'magi kaba bo'ani mone mino'ehina ai Felosi nagaluguti bo gi'a Nikotimasi yabe.

Aposolo 5:34

Ya hago kanisole bona'magihi folagaha'aniguti bo mone ho ti'ehina. Ai gi'a Gamelieliu, Felosi bo yabe. Ai keya ka lu enelepilata bo, to enali asaga boana'magi ya nohinana'mu lite sipi fokehi lilata nehana, ai aposolo bona'i enoho lifigo fegutoga limi'ahana.