Luku 13:33 - Ka Lamana'a Monoꞌi Lu Mu Tifiꞌehina Ka Yabe

³³ Ya hu'ehina yatai hiti yago hiti to ologo hiti nani kapo moloto Yelusale hepato biluna'mu yabe. Hena'mugope bo mone hete enali fato hepato memalabe. Enali Yelusale hepatoko he fili melelata hi'ahana ni'ibe.

Luku 13:33 ပူးပေါင်းရင်းမြစ်များ

Matiu 20:18

Lenali kehelilo. Lali Yelusale hepato yatai notune. To nani Kokulumaguti limi'ohuna Bo, enali nele'mete bite sipi mono bona'i to keya kaga lu enelepise bona'i enali enayanuga bilana'mu yabe. Enali ka foya li netete to ho fililune lite kaga lu hetofa hilana'mu yabe.

Matiu 21:11

To babu boana'i Yesu hiti kapo melete banamagi ma lite li'ahana: Ai kaga lu yege hose bomo Yesu Nasalete hepato Galili kegi'a bomo nohibe.

Luku 9:53

Ya hinamo Samalia hepato bona'momagi enali Yelusale hepato bilube'mu nohibe lana akehelilete enali Yesu hepatigu mealibe lite be metigi'ahana yabe.

Yoni 11:54

Yana'mu Yesu Yutia metoga folaganugu kapo memoloto anagati he'mito mone hepa'i gi'a Efelemu ka metoga lebato'i ana hepato buto minoto pana'alobo hiti mine'ahana yabe.

Yoni 11:9

Ya lago Yesu lu epi'ehina: Yege tilengo mone yupahi go'i luto fana talibe. Bona'i moneuba kapo moloto nobinogo yege notigo efanuguti kanafu tito mekalina'mu yabe. Hena'mube? Fana tose'namofihi melugu bu go bati huto ho koto mekalibe.

Yoni 12:35

Ya lago Yesu lu'ehina: Lenali folaganugu fana tose'nauba bula ola huto hu'ehinamofihi hupamone kana su halina'mu. Lenali ya'ma fana tose'na ni'igo analo nehilo. Ya hite, metepuna lenalitoga lenebe ligi lalibe luto lu'ohube. Bona'i metepunagu minoto kapo bilina bu go bati mehuse kapo'a menokehelibe.

Yoni 4:34

Ya nehago Yesu lu epi'ehina: Noho lifi'ehina bouba lili'na malalina agoya hu emito lili'na'a li baga iluna ya'ma nose'na'ni legi huto ni'ibe.

Yoni 9:4

Lali yege lenogo noho lifi'ehina bo afo'nifihi lili'na'a lilata nohune. To sinihi ginogo bona'magi lili'na melilune'mu nehabe.

Aposolo 10:38

Yesuhi Nasalete bomofitoga Hu'mamofihi Sikalafu'auba amuya emi'ehinamofihi lenali nekehelibe. Ai asaga kapoga bula ola huto hetofa suhi huto Satau naga'i epi'ehina bona'i enele'mo gulu ho'ehina. Hena'mugope Hu'mau ai hiti moneka nohigo yabe.

Aposolo 13:27

Enali Yelusale bona'magi hiti kaba bona'amagi hiti Yesu ai lele'mo lubuto bilina bo nohibe lite mekehelila to kaga lu yege holata bomagi asaga fuli yupahi leka selata hana kaga hiti keheliya mei'ahana yabe. Enali Yesuhi faga lite fisa inauba kaga lu yege hose bona'mofihi kaga'aniuba pa so'ehina yabe.