Luku 13:24 - Ka Lamana'a Monoꞌi Lu Mu Tifiꞌehina Ka Yabe

²⁴ Lenali felisatini li amuya melete minalana Hu'mamofihi hepatoga bilana kapogu kitili'a folo hokolo hite bilana'mu yabe. Nani lu nolepube. Asaga bona'i ana hite ana kapogu folo hokolo hite tilune'mu hilanaya folo hokolo hite metilana'mu yabe.

Luku 13:24 ပူးပေါင်းရင်းမြစ်များ

Matiu 11:12

Yoni huto hina kanaloti minomo tito yalo'i kana'alo ago luba nehana bona'magi kokulumamofihi kapo'a li he'milune'mu nehite luba hiba hiba hi'ahana.

Luku 13:23

Ya nohigo bo moneuba ma luto Yesuhi lu emi'ehina: Sipi bo, Hu'mau bona'i loe'asi enele'malina ni'ifihe? Ya luto loka hago Yesu ma luto lu epi'ehina:

Luku 21:36

Lenali kana'amu kana'amu ute etehi asaga yupahi kaba hu bati hite minalo. Lenali asaga yupahi Hu'mamofitoga nunumu foya liba liba hinogo ai amuya lepilibe. Ya hinogo asaga'na huto hilinamofihi lenali li lenemegesaga nemelete Kokulumaguti limi'ehina Bo ai okabalo ho tilana'mu yabe luto lu'ehina.

Yoni 13:33

Oho, pana'nimagita. Lenali hiti nani nesi kanasi minoto'ni ma'asi atibilube. Lenali nani kumu sa hilete koyapa'i Yuta bona'i lu epi'ohuna: Biluna hepatoga mebilana'mu ya'ma lenali hiti ana hite anaga mebilabe luto lu nolepube.

Yoni 5:4

To kana'amu kana'amu Hu'mamofihi agelo'auba ana nagami gelumu'i li mopo nohigo besi'ehina bo moneuba kohe toto ana gelumu nagamilugu nokago besise'na le'mo ye kolata hu'ehina.

Yoni 6:27

Minoba minoba mehilina nose'nalo lenali foya melite minomo tito minoba minoba hilina nose'naloko foya lilo. Ai ya'ma nose'na mino bati minoba minoba huse'namo yabe. Hu'mau Pana'amofihi ya'mana nose'na mino kosaba husemofihi lepilibe luto gi'a a'emi'ehibe.

Yoni 7:34

Ya hinogo'ni lenali nani'i sa sa hilana bu menagalana'mu yabe. To nani minaluna hepatoga lenali mealana'mu yabe.

Yoni 8:21

Yesu aku'i ma luto lu epi'ehina: Nani abu'ehinogo'ni lenali sa sa hilapa hinogo foipanatinigu fililana'mu yabe. Nani biluna hepato lenali mebilana'mu yabe.

Romu 10:3

Enali Hu'mau bona'i le'mo bati huse hapa'a yamofihi mekeheli'ahabe. Enali enegekesa'ani keheli'ahanamofihi hapa'a mege'i nemalabe. Enali Hu'mau enele'mo bati huse hapa'a mekehelite aitoga agoya hu meemi'ahabe.

Kolose 1:29

To nani ana lili'nalo amuya moloto liba liba nohube. Komopa'nigu Kilisitohi amuya'auba nehe'mago ana lili'na nolube.

Hibulu 4:11

To lalitogati moneuba amuya memolose foipana nasanamofi kumu luto bona'i koyapa'i ka'a pelesa ite Hu'mamofihi minoba minobanamofihi hepatoga mebilune'mu enipakafa enehese kapolo bi'ahanamo analo'i bu lalunigi minoba minoba hepatoga bilune luto amuya malalune.

2 Pita 1:10

Nigibo nalalu'nigita, lenali kumu ya'ma Hu'mau lenele'mo ho tito elesa molo lepi'ehina yamofihi legeya'a huto hilibe luto amuya malalo. Lenali ya hite, kosele kasele'i hete fa'mene'mu limite mekalana'mu yabe.