Luku 13:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Ya hu'ehina yatai ma a'i Abalahahi tata'afu yabe. To Satau kufu kanagu 18 le'mo naga i'ehina yabe. Ya hu'ehina fuli kanalo nani ana naga'i ya li gulu noho etobe luto Yesu lu'ehina yabe.

Luku 13:16 ပူးပေါင်းရင်းမြစ်များ

Matiu 4:10

Ya ligo Yesu Satahi ho lifito ma lu'ehina: Satao, abufa hubo. Mono kauba: Hu'mamofihi Sipi Bo aisigo gi'a li saga huto fokehi hoto agoya hu emibo, luto lulata nohibe.

Maki 2:27

To mone hiti ma luto lu epi'ehina: Hu'mau fuli yupahi hena'mu le'mo huto hu'ehibe? Bona'mu le'mo buto hu'ehina yabe. Lenali bona'mo fuli yupapomu'i lenele'mo huto mehu'ehina ni'ibe.

Luku 16:24

To, bu nogoto kehe ito ma lu'ehibe: Oho. Abalahao, afo'nigase. Keke'i nolu netobo. Kai Lasalasi ho lifigo ai yaha'a nagamilugu mololoto kenetufa'niloga mololenogo ketipa ilina'mu yabe. Nani mana logo guluya me'mogu nagabu'ni sipi nogigo nohunagihe.

Luku 19:9

Ya ligo Yesu ma luto Sakiasi kumu lu emi'ehina: Yatai kaika naga'i Hu'mau a'enele'mo'ehibe. Ya'ma bo hiti ai Abalahahi tata'afu nohibe.

Luku 3:8

To lenali foipanatiniguti i gelehe hilanana'muko kehelite minalo. Ya hilenogo nelepilata bu galube. Lenalitiniguti ka mone lu ho tite Abalaha tatatifu yabe lite melilo. Lenali lenegekesa kehelite Abalahau kaba hu letalibe lite ya melilo. To nani lu nolepube. Hu'mau ma efahi lito Abalahahi tata'afi lolo hilibe.

Yoni 8:44

Lenali foipa bo Sataha yagapana'mo nehanago ai mege'i malalune'mu nehabe. Yata'a kanagu bona'i enoho fili'ehina yabe. Ai bati suhi mege'i moloto memino'ehina hena'mugope aitoga bati hapa'a meni'igo yabe. Ai faga lusemofihi afo'afu nohinago faga luse'namoya aitoga bai toto ni'ibe. To faga fagauba kaga'a lamana'a lolo hulata nohina bo nohibe.

Aposolo 13:26

Abalahahi tata'agita to ma fegutoga bona'i hiti Hu'mamofihi agoya hu emilata nehanamagita nalalu'nigitase. Hu'mamofihi kaga'auba lali'i lele'mo lubuto bilibe lu'ehinana alimi'ehibe.

2 Timoti 2:26

Ana bona'magi Satau koyapa kelefu'agu enohoto ai mege'i malalabe luto naga'i epi'ehinamagi komopa'ani i gelehe hinogo to enegekesa hokolo hinogo Hu'mau Sataha naga'aguti enubuto bilina'mu yabe.