Luku 13:13 - Ka Lamana'a Monoꞌi Lu Mu Tifiꞌehina Ka Yabe

¹³ Ya luloto Yesu ana a'mofihi gufalo yahi ligo analo mele'isi besise'na he'mi etago ana a'i ho ti fefe luloto Hu'mamofihi gi'a li saga huto fokehi ho'ehina yabe.

Luku 13:13 ပူးပေါင်းရင်းမြစ်များ

Matiu 9:8

To boana'i enali anana huto hina be gelete koli hi'ahana. Hu'ma ya'ma huse amuyana bologa molo'ehibe lite enali akeheli'ahana yabe, ya hilete enali Hu'mamofihi gi'a liyafa hi'ahana yabe.

Maki 16:18

To enali osifa'i enayahi lilana to nalisa nagami'i nalanafi ya hilana mefililabe. To enali epesi'ehina bona'magihi enugufalo enayahi melenogo fa hu epalalibe. Hu'mamofihi amuyana'a enalitoga minenogo ya'ma topa hose foya suhi lilabe.

Maki 6:5

To enali enipa sibina higo, Yesu anaga topa hose foya melise nohuto epesi'ehina bona'i loe'asi yatu bako huto'a enele'mo bati hu'ehibe.

Maki 8:25

Ya ligo, Yesu mone hiti yatu bu'alo bako higo, ai gili gili huto nohuto'a bu'a i gili huto bu go bati hu'ehina yabe.

Luku 13:12

Yesu ana a'i bu goloto kehe i emito ma luto lu'ehina: A'ise, kai kebesise'naka ali nohe'mi ketobe.

Luku 18:43

Yesu ya luto noligo ana'asi ka'a mege'i moloto ana bomofihi bu'a i gili mele'isi hu'ehina yabe. Ya hulago ana bouba Yesuhi mege'i moloto nobuto Hu'mamofihi gelo bi emi'ehina yabe. To babu bona'magi anana huto hina bu gelete Hu'mamofihi ana hite fokehi hete gi'a li saga hi'ahana yabe.

Luku 4:40

To yege alimi falalube'mu nohigo babu bona'i enalalu'anigihi fato fato'na enebesi'ehina enele'mete Yesu nohinalo elago ai moneko moneko'isi enugufalo yahi ligo enebesise'na aku'i felele hu epolo'ehina yabe.

Aposolo 9:17

Ya luto lulago Ananiasiu buloto ana nonuga tiloto Solihi gufalo yahi li'ehina. Ya huloto ya'ma luto lu'ehina: Solio nalalu'niga. Sipi Bouba noho lifigo noobe. Maga nooto kapogu bu go'ahata bo Yesu ai'a yabe. Kai kubuka aku'i i gili nohinogo Sikalafu'i kaitoga limilibe luto nani'i noho lifi'ehibe.