Luku 12:46 - Ka Lamana'a Monoꞌi Lu Mu Tifiꞌehina Ka Yabe

⁴⁶ Ya nehinogo sipi bo'a oto bu galina lele mehuse nohinogo italuga logo binogo kai bati mehata koko pana'i yabe luto keye luto emitatu'i ibe laga hube huto nesi nesi huto kegeiyo hina'mu luto he'milina'mu yabe.

Luku 12:46 ပူးပေါင်းရင်းမြစ်များ

Matiu 24:50

Ya huto ya'mana lili'nalo pana'uba sipi bo'a geba huto meminalinalo ana kana'asilo sipi bo'a nehetilibe. To ana pana'uba alina kana mekehelise nohilinalo yabe.

Matiu 24:51

Ya huto nohinogo sipi bo'auba naga osatu ana pana'i bi yigiloto le'moto buto fagalo bona enayanuga bilina'mu yabe. Ya hinogo enali ya'managa nehite sipi yibi bena nehite enagabu kumu usegi asegi ise hepato buto minalina'mu yabe.

Luku 12:40

Lenali hiti ana hite lele hite minalo. Kokulumaguti limi'ehina Bo ana huto lenali lenekesa meyigise fa'mene nehinogo ya'ma kanagu alina'mu yabe.

Luku 12:45

To ya hu'ehina ya'mana koko pana'auba ma luto ekesa kehelilibe: Kaba bo'ni minoba minoba nohuto mele'isi menoabe, ya luloto ai luga'a koko pana'a hiti luba hilete boana'i asaga'i amuya nagami'i nelete negi nagi nete minalabe.

Luku 12:47

Sipi bo'amofihi hapa'a akeheli'ehilina bo ai aku'i ana'ina'a le'mo lele mehuse kegeiyo huto sipi bo'amofihi ka'a keheli meemise nohilina sipi bo'auba ana koko pana'a osahi sipi halina'mu yabe.

Huto Hilina Ka 16:15

Kehelilo. Nani gumina baukalo bona'magi suhi huto topa nehenogo henetiluna'mu yabe. Ya nehinogo luga'amagi enali enugufa yapako minalanamagi ya'ma enubuya hu laligi komopa'ani kosaba hinogo minete gukete ikolo bi etete kaba hite minalana enali enegelo bilune'mu habe.