Luku 12:45 - Ka Lamana'a Monoꞌi Lu Mu Tifiꞌehina Ka Yabe

⁴⁵ To ya hu'ehina ya'mana koko pana'auba ma luto ekesa kehelilibe: Kaba bo'ni minoba minoba nohuto mele'isi menoabe, ya luloto ai luga'a koko pana'a hiti luba hilete boana'i asaga'i amuya nagami'i nelete negi nagi nete minalabe.

Luku 12:45 ပူးပေါင်းရင်းမြစ်များ

Matiu 22:6

Ya nehago luga'a bona'magi ana gihiti bomofihi koko pana'a enayato lilete naga osatu luga'a nebiyigite to luga enoho fili'ahana yabe.

Luku 12:44

Nani ma'naka luto lu nolepube. Sipi bouba asagana'alo ana bo kaba bo le'mo ho tilina'mu yabe.

Luku 12:46

Ya nehinogo sipi bo'a oto bu galina lele mehuse nohinogo italuga logo binogo kai bati mehata koko pana'i yabe luto keye luto emitatu'i ibe laga hube huto nesi nesi huto kegeiyo hina'mu luto he'milina'mu yabe.

Luku 21:34

Ya hu'ehina lenali kaba hu bati hilo. Lenali asaga yupahi amuya nagami'i nelete negi nagi ne lalabe. Lenali lenugufalo'namu'i lenekesa yigiba yigiba mehilo. Ya'mana suhi lenalitoga huto nohinogomo yalo Sipi Bomofihi Kana'a hololu luto analo mele'isi lenalitoga nehetilina'mu yabe.

Yoni 2:10

Asaga bona'magi bai nagami'i mana'a yata'a guna igo ne su helete alihi bai nagami'i nesi'a sibina hu'ehinana guna igo nelata nehanana ninaya kai bai nagami'i mana'amo mololoto nohatiti yatai lito ane.

Aposolo 2:18

To ana huto ya'mana yupahi asaga boana'i enali nani lili'na neli netanamagihi Sikalafu'nimofihi amuya'a enalitoga malalube, yahi nogo'ni enali babafi bana suhi lite kaga'ni lu yege halabe.

Romu 16:18

Enali ya hise bona'magi Sipi Boti Kilisitohi lili'na menelibe. Enali enugufa'ani laga enebesise'namofihi mege'i nemalabe. To enali legeso hite laga hina ka mi'mi hi'ahana ka lilenogo lenalitoga mone keheli bati mehilana bona'magi laga hina ka nelabe lite mege'i melelata nehabe. Lenali kaba hu bati hilo.

2 Koliti 11:20

To koko yagapanatini lenele'mo malalune'mu nehite, to nose'natini lenebesilite nalune'mu nehite, to fi taga hi lepelete nehite, to enigihiti bo lolo hi lepalalune'mu nehite, to lenogolaga lenabaga i gofa halune'mu nehinogo yana'mu lenali kele'na ka meepekise keheli epilata nehabe.

1 Tesalonika 5:7

Enubu'i kelata nehana bona'i enali sinihinaga enubu'i kelata nehabe. To amuya nagami'i nelata hite negi nenalana bona'i enali sinihinaga nete nehabe.

2 Pita 2:13

Ya nehite ana'ina foipa faipana hite lite fato bona'magihi enagabu gi epalago minelata nehana yanamofihi nona'a lilete enugupisalo keke'i lilune'mu nehabe. Enali yege kana'ani sipi nolago enugufa'ani enumu fililata nohina nasana foipana amuya melete minete lite nehana yana'mu enegelo bise'na lolo hu epilata nohibe. Enali folagahatinigu nose'nalo ya'ma lenali hiti nete minete ligopa napa hite lenimi'mi ka lite enegelo bilata nehago lenubuya hulata nohibe. To lenele'mo kolo telata nehana yabe.

2 Pita 2:19

Enali ma lite nelabe. Lali yatai keya kamofihi nagalugu menominone. Ya higo lipa nohinana'a fa'mene bati huto hiluta ni'ibe. Ya lite nelanaya to enali'ani komopa'ani tuguma nobilina'mu yabe. Yamofihi gegisagu nehite ya'ma kaga lilata nehabe. To bona'i luga'amagi ana'ina mone kumu mini mini hite minalanamagi enali ana'ina yamofihi naga gegisagu bite mino filite minalana'mu yabe.

Huto Hilina Ka 16:6

Kai Hu'mamofihi bona'a to mono ka leli'ali bona'a enali golahi li sibi hi'ahanamofihi li legege huto epilago nenabe. Foipa nasana li'ahanamofihi nona'a ya'ma osahi suhi noepilata bati huto noepine.

Huto Hilina Ka 18:24

To mono ka leli'ali bo to Hu'mamofihi pa sose bona'a to noto noto bona'i yege yege kumu yabe lite Bebiloni bona'magi enoho fili'ahanamofihi golaha'aniuba mina'a ya'ma ana hepa'i napaga mino'ehina ya'mu Hu'mau osahi epilina'mu ya suhi ma suhi huto hu eto'ehina yabe.