Luku 12:37 - Ka Lamana'a Monoꞌi Lu Mu Tifiꞌehina Ka Yabe

³⁷ To kaba bo'aniuba oto koko panana'a bu enagalina enubu'i mekese geba hite nehinogomo yalo ana koko pana'alobo enofokehi halabe. Nani lu nolepube. Sipi bouba ai'a kata'a li hupa mone huto hepiloto'a to gilimi'a iloto hitalo enele'mo moloto ai'a nose'na gabu ito epilina'mu yabe.

Luku 12:37 ပူးပေါင်းရင်းမြစ်များ

Matiu 24:42

Ya hu'ehinagi lenali Mesiau alina kana'a mekeheli'ahanagi kaba hu bati hite minalo.

Luku 12:36

To lenali bona'i luga'amagi kaba bo'ani he'mi epololoto ana gukete nehanaga bu'ehigo lele hite nehago kaba bo'aniuba oto gelo bi epoloto enofokehi nohana suhi lite lenali minalo. Ya hite, geba kaba bo'ani hite nehago kaba bo'aniuba oto kasito noigomo mele'isi kafe nekisi etabe.

Luku 12:43

Alihi sipi bo'a oloto koko pana'a bu galina koyapa'i lu eto'ehina'a huto nohutomo ya'mana koko pana'a gelo bilibe, luto Yesu lu'ehina.

Luku 17:8

O'e, ya lulata menohane. Nose'na'ni li loloba hu netoloto gilimika i hetofa nohuto nose'na'ni alifito ito oto nimitogo nani yata'a nolenogo'ni kaika alihi nose'naka nalane, luto lulata nohibe.

Luku 21:36

Lenali kana'amu kana'amu ute etehi asaga yupahi kaba hu bati hite minalo. Lenali asaga yupahi Hu'mamofitoga nunumu foya liba liba hinogo ai amuya lepilibe. Ya hinogo asaga'na huto hilinamofihi lenali li lenemegesaga nemelete Kokulumaguti limi'ehina Bo ai okabalo ho tilana'mu yabe luto lu'ehina.

Luku 22:27

To butinilo kiyi'afu kaba bo nohibe ai mino laba huto nose'na nonanaubafi to ai koko kako humo emilata nohinaubabe? Ai mino laba huto nose'na nolata nohinauba kaba bo nohibe. Ya hu'ehina nani folagahatinigu nohuna ya koko bo legi huto lenehe'malube luto nohube.

Yoni 12:26

To bona'i moneuba foya'ni li netalube'mu nohuto'a nemege'i malalina'mu yabe. Ana kele kele pana'ni suhi huto nani nominonaga ai hiti minalu'ibe. Ana bo foya'ni netalata nohigo afo'nifu le'mo ho tito sipi gi molo etalibe.

1 Koliti 2:9

Ya hu'ehina'mu kaga mone ma lite mono bukugu fayahi keye'ahanamo ni'ibe: Bona'magi bu mege'ahana to enegekesatu mekeheli'ahana nasana, to bona'magihi komopa'anigu mekeheli'ahana nasana, ya'ma Hu'mamofihi komopa'ani emi'ehilana bonatoga le'mo huto hilina'mu yabe.

Filipai 1:21

Kilisito ai mino hepito minoto ho tito hiluna nasana'ni lolo nohibe. To filise'na yanauba tito mino'ehina nasana li huto huto molo netalibe.

Filipai 1:23

To loe lae nasana'mu ni'igo hena'ni hilube? Nani mone'namufi mone'namu laga nebesilata nohibe. Metogati Kilisitou nele'mo hulenogo ai hiti minose'na hiluna laga'ni nebesilago yanauba ya'ma nasana tito ni'ibe.

2 Pita 1:11

Ya hite nehinogo Sipi Botiuba linogo lenubuto bise'na bo Yesu Kilisitohi kapo'a minolata nohinanamofihi kasihi li hokolo hu lepelenogo keta mehise hite bite falalabe luto Hu'mau ya'ma lu molo lete'ehinamo ni'ibe.

2 Pita 3:14

Komopa'ni lepi'ohuna bona'ise. Lenali ana'ina ya suhi hana'mu geba hite Hu'mamofihi bulo komopatini ketipa ito fi fana toto gulu gulu linogo foipanatini meminenogo minalune lite aitoga bati hite amuya malalo.

Huto Hilina Ka 14:13

Ya hulago kokulumaguti nogo moneuba ma luto limigo keheli'ohuna: Kai kaga ya'ma fayahi akoyobo. Ya'ma kana yupahi ifo'aga Sipi Bomofitoga foya'a lilete ise gite fililana'a enali komopa'anigu lamana'a kehelilana enali kumu bati hi epalalina'mu yabe. Ya luto ligo Sikalafu'uba ai ka nona'a ma luto emi'ehina: Lama'naka. Enali ya'ma sipi foya'animofihi molo legege hite melete enabasu bite mino fulu hilana'mu yabe. Ya hilete nebinogo minete lite hi'ahanamofihi lamana'a enemege'i moloto bilina'mu yabe.

Huto Hilina Ka 16:15

Kehelilo. Nani gumina baukalo bona'magi suhi huto topa nehenogo henetiluna'mu yabe. Ya nehinogo luga'amagi enali enugufa yapako minalanamagi ya'ma enubuya hu laligi komopa'ani kosaba hinogo minete gukete ikolo bi etete kaba hite minalana enali enegelo bilune'mu habe.

Huto Hilina Ka 3:21

Nani amuya moloto Satahi be ligilogo afo'nifu ya'ma ai'a sekele mamu'a hiti kefa hisa minolatana nohinalo minolata nohube. Luga'amagi enali monolugu amuya melete mine lite bite Satahi luba'a be ligilana'a ya'ma ana suhi hite nani'ni ya'ma elesa melenogo nani sekele mamu'a hiti kefa hisalo nohuna namaha'aga moneka minaluta'mu yabe.

Huto Hilina Ka 7:17

Kefa hisa folagaha'agu sipisipi nala'a nohina ai'a ya'ma kaba hu epalalina'mu yabe. Ya hinogo minoba minoba nasanamofihi ipi opohi notilina nagamitoga enele'moto bilube'mu hibe. Ya hulenogo Hu'mau ai'a enubu nogoya kele li epalalina'mu yabe luto enali aku'i yibi mehilana'mu lu nimi'ehina yabe.