Luku 12:26 - Ka Lamana'a Monoꞌi Lu Mu Tifiꞌehina Ka Yabe

²⁶ To ana lagaso'na mone ya hite lolo menehanaloti hena hibe lite lenali fato'namu lenekesa yigi babu lilata nehabe, luto Yesu lu'ehina yabe.

Luku 12:26 ပူးပေါင်းရင်းမြစ်များ

Matiu 6:25

Ya'mu luto nani lu nolepube. Lenali nagami'i to nose'na nete minalana'mufi to gukete lenugufalo li hekelete minalanamu'i lenelesa nolinogo lenekesa yigiba yigiba mehilo. Bati huto minose'nauba nose'na ho'ehifi to bati huto minose'nauba guketemofihi ho'ehibe?

Luku 12:25

Ma nehana folagahatiniguti bo moneuba ekesa keheliba keheliba huto kufu kana'a mone hiti lugufaba minomo buto minalina ni'ifihe?

Luku 12:27

Lopi kifi'na talo'a tilata nehanamo hena hena hite tilata nehafi lenali bu galo. Enali lili'na lila to enali gukete'ani lolo hila menehabe. Ya hu'ehinagi nani lu nolepuna. Koyapa bo Solomoniu sipi fe'noho bo minana'a huto gukete mana'a li mehekolose kifi'na talo'a hetofa'amagi hana'a huto mino'ehina yabe.

Luku 12:29

Ya hu'ehinagi lenali lenekesa yigi babu lite hena nose'nati nalune lila to hena nagamiti nalune lila ya hite melilo. Lenali lenegekesa yigiba yigiba mehilo.

1 Pita 5:7

To Hu'mau ai'a bati huto kaba hu letoto lenele'mo gu i'ehinogo ya'mu lenali ana'ina'mu lenelesa linogo lenegekesa yigi yigi mehise ai lu eminogo kaba hu bati hu lepalalibe.