Luku 11:9 - Ka Lamana'a Monoꞌi Lu Mu Tifiꞌehina Ka Yabe

⁹ Ya'mu'i nani lu nolepube. Lenali Hu'mamofitoga loka henogo ai ana'ina lepilibe. Lenali ana'ina'mu sa sa huba huba hilete alihi li huto hilabe. Lenali kasito begele begele nehinogo Hu'mau kafe sigi lepalalibe.

Luku 11:9 ပူးပေါင်းရင်းမြစ်များ

Matiu 21:22

Lenali komopatini Hu'mamofitoga melelete ana'ina mone kumu'i nunumu hilana ana nunumutinilo nona'a lilana'mu yabe, luto Yesu lu epi'ehina yabe.

Matiu 21:31

Yalo lenali lu nimilo luto Yesu lu'ehina: Ya'ma loe pana'male'i kuyu'afu afo'atitifu lu etimina kagalo mege'i molo'ehibe? Ya ligo enali Yesuhi lu emi'ahana: Yege pana'auba yabe lite, ya lago Yesu ma luto lu epi'ehina: Nani lusiga luto lu nolepube, takisi efahi nelina bo hiti to mokolo ana'i hiti enali kohe tete Hu'mamofihi kapo'agu nebabe.

Matiu 6:29

Nani lusiga luto lu nolepube. Solomoni fe'noho bo minana'a huto gukete'a ma lose tose kifinamagi li nehekalana'a huto li hekoloto memino'ehina yabe.

Maki 11:24

Ya'mu nani kaga lu nolepunagi keheli'ehilo. Kai Hu'mamofitoga nunumu huto ana'ina loka nohotoka, to komopakagu: Hu netalibe luto lama'naka keheli ule'ale huto ya huletogo Hu'mau ai lolo hu ketalina'mu yabe.

Maki 13:37

Nani ya'ma lu nolepuna ka asaga bona'magihi ana huto lu noepube. Bu go bati hite kaba hite minalo.

Luku 11:10

Asaga bona'i Hu'mamofihi loka holenogo ai ana'ina epilina'mu lilata nehabe. To bo moneuba ana'ina'mu sa sa huloto li huto hulata nohibe. To bo moneuba kasito begele begele nohigo Hu'mau kafe sigi etolata nohibe.

Yoni 14:13

To lenali hena hena nasana'mu nigi'nilo lite loka helenogo nani ya'ma huto hu lepalalube. Afo'nifihi pana'a nohunagi ya hu lepalalube'mu hugo bona'magi kehelite Afo'nifihi enofoke ka li emilabe.

Yoni 15:16

Lenali nani'i ya'ma nele'mo eto menehabe. Nani ya'ma lenele'mo eto hugo lenali bite legeya'i li huto hilenogo amuya moloto minoba minoba huto minalibe luto lu lepolo'ohuna. Ya hilete nani nigi'ni kehelite ana'ina henana'mufi Afo'nifitoga buka tilana'alo lepilube'mu hibe.

Yoni 15:7

Lenali ya'ma nani hiti minototi kaga'ni komopatinigu minalina ana'ina'mu buka tilana huto hu lepilube'mu hibe.

Yoni 4:10

Ya ligo Yesu ka'alo nona'a lu emi'ehina: Hu'mau hetofana epilata nohina hiti to nagami'i hefi nimibo luto koloka nohana bo hiti kai keheli'ahatita, ai'i loka hatago mino kosaba nagami'i kimitita'mu yabe.

Romu 2:7

To bona'i luga'amagi Hu'mamofitoga agoya hu emite hetofana hiba hiba nehana to fana tose hepato bilune'mu nehite Hu'mau lele'mo ho tilibe lite nelana mino kosaba huse'namofihi kapogu bilune'mu nehana enali'i Hu'mau enele'mo kosaba hilibe.

2 Koliti 6:2

Hu'mau lu'ehina ka'a ya'ma ma huto ni'igo kehelilo: Nani lenehe'mose kapo hokolo hu'ohuna kanagu lenali ka keheli'ohunamo ni'ibe. To lenubuto bise kanalo lenele'mo bati hu'ohunamo ni'ibe. Ya lu'ehibe. Kehelilo. Kana lamana'a yata'isigo ni'ibe, lubuto bise kana ya'ma ana huto yatai ya'ma ni'ibe.

Hibulu 11:6

Keheli ule'ale huse'nati meeminenogo nehinogoti Hu'mau bu goto fokehi melilibe. Hu'ma ai'a nohibe luto yamofihi keheli ule'ale huto to ai hapa'amu amuya melete sa sa hilana bona'magi ya'ma mina'a limilibe luto komopatitu keheliya ito ai maha'aluga buse'na ni'ibe.

Hibulu 4:16

Ya hu'ehina'mu lali Hu'mamofihi kefa hisalo tubuto yalo lelesa meligo lehe'mose'na'a ni'igo tito babahi hinogo nehetilune. Ya nohinogoti keta huse nasana moneubafi moneubafi oto logobisalo neminenogomo Hu'mau ai'a lali kumu ginaga fi limilina'mu to lehe'malina'mu komopa'atu molo leto'ehina ya'mu luto nohinogo ana'asi lele'mo bati hilibe.

Yemesi 1:5

Lenalitogati bo moneuba keheliya ise'na'amu sa sa hulotomo Hu'mamofitoga loka henogo emilube'mu nohibe. Hu'mau ya'ma bona'i asaga'i enele'mo hetofa huto nohina bouba ka meepekise ana'ina kehelise'na sipi huto epilata nohibe.

Yemesi 5:15

Hu'mamofitoga enemehi emite keheli ule'ale hilete gi'a halana yamofihi Sipi Bouba le'mo hetofa hinogo besi'ehina bo ye koto ho tilina'mu yabe. Foipana'a ni'ilina yamofihi Hu'mau li he'mi etalina'mu yabe.

1 Yoni 3:22

To ka'a kehelilototi ai bulo minoto moloto nohunogo bati hulata nohibe. Ya'mu ya'ma aitoga lutogo limilata nohibe.

Huto Hilina Ka 2:24

To Taitaila hepatoga bona'i luga'amagi ana faga ka'a keheli he'milata nehabe. Ya hite, bona'i luga'amagi Satahi hapa hapa'a keheli fotogo huto keheli'ohune lite lilete nehana bona'magihi ka'ani lenali ya'ma kehelise mehabe. Lenali kumu lilugi kehelilo. Nani keta'a hiti nasana luga'a ya'ma lenugupisalo memalalube'mu hube.