Luku 11:7 - Ka Lamana'a Monoꞌi Lu Mu Tifiꞌehina Ka Yabe

⁷ To ya luto kehe noitogo ana noha'alugati kalalukafu ma luto lilina'mu yabe: Kafe ahekini loloto'ni yagapana'ni hiti sipalo ako'ohutagu hena hibe luto oto kosele nahanaga luto kehe kehe noine? Nani ko'ohunaguti ho tito buto anana li mekimiluna'mu yabe.

Luku 11:7 ပူးပေါင်းရင်းမြစ်များ

Matiu 25:10

Enali enekesa fe melina yafana'magi kalasini mina filune'mu a'nebago ya'mana bo liha'a yanugu lilube'mu hina bo neheti'ehina. Ya higo enali lele hite minana yafana'i ana bo hiti nonuga tilete ana bouba liha'a hiti etayanugu li'igo ana gukete nose'na babu lite nete mine'ahana. Ya nehago ana noto kasihi hekini lo'ehina yabe.

Luku 11:6

Mone nalalu'nifu kapo moloto nanitoga o'ehinagi nanitoga nose'na emiluna'a meni'igo kaitogati nimitogo ito buto emilube.

Luku 11:8

Yesu ma lu'ehina: Nani lusiga lu nolepube. Ana bo kai kalalukafu minana'a huto nose'na nimibo luto kehe itamo ai ho tito li mekimilube'mu hilinamoya to kai kubuya mehinogo kehe iba iba huto minata'mu ai kalalukafu alihi ana nose'na ho tito li kimilina'mu yabe.

Luku 13:25

Alihi nohi afo'afu ho tiloto kafe li hekini lolenogo lenali fegutoga ho tilete nehite kasito begele begele hiba hiba nehite: Kafe sigi letobo, nelinogo nohi afo'afu ma luto lilina'mu yabe: Lenali hiya'agati neana bona'i nehabe? Nani lenali'i mekeheli lepolo'ohuna bona'i nehabe luto lilina'mu yabe.

Luku 7:6

Ya lago Yesu ka'ani keheli epito ana bona'i hiti moneka bi'ahana. To ana bomofihi nohi kasitoga lebatosi nebago lalu'agihi enoho lifigo bite Yesuhi le'mo melete ma lite lu emi'ahana: Sipi Bo kai kosele kahalibe. To nani bati bo menohunagi noha'nigu kai metilane luto nokehelube.

Galesia 6:17

Ma kaga lu nolepuna su halibe. Kalana'i mele netete nehago nufuhe'i nugufalo ma ni'igo yamofihi nani Yesuhi kele kele bo'a nohube. Yamofihi hapa'a huto hulata nohinamo ni'inagi kaga ya'ma lu nolepuna mamofihi le'mo gupilo bo moneuba keta foya aku'i menimilina'mu yabe.