Luku 11:54 - Ka Lamana'a Monoꞌi Lu Mu Tifiꞌehina Ka Yabe

⁵⁴ Yesuhi bagalo ka fato fato babeyafa hite loka helete kaba bagalo hi'ehite ka mone sibina'a nolinogomo ka foyagu le'mo malalune lite hi'ahana yabe.

Luku 11:54 ပူးပေါင်းရင်းမြစ်များ

Matiu 22:15

Enali Felosi bona'magi Yesuhi fi taga huto kaga loka mika halune lite enali lu keheli'ahana.

Matiu 22:18

Yesu mi'i malalune'mu nehana kaga'ani akeheliloto ma luto lu epi'ehina: Lenali fagalo bona'i. Lenali henabe lite nimi'i nemalabe?

Matiu 22:35

Ya hago keya ka tisa bo moneuba Yesuhi loka mika hoto mi'i malalube'mu huloto ma luto loka ho'ehina:

Maki 12:13

Bite yalo Felosi bomagi luga'a to Heloti naga'i bomagi luga'a hiti enoho lifigo,

Maki 3:2

To ana nonugu bo mone yahi yufu no'ehina bo nohigo, enali Felosi bomagi Yesu fuli yupapogu le'mo bati hilifi lite mapahi fite mine'ahana yabe. Enali ai ya hulenogo bugu ka emekilune lite mapahi fite mine'ahabe.

Luku 11:53

Yesu ana hepa'i he'mito nobigo Felosi bona'i to loto kaga kehelise bona'magi enali ipakafa Yesuhi helete enali amuya enipa hulago kaga Yesunugu lu bilune lite li'ahana. Ya hite enali

Luku 20:20

Ya hago enali fato kanalo naga'i emilune lite mapahi fite bi'ahana. To Yesuhi mapahi fite minalabe lite bona'i luga enoho lifigo bi'ahana yabe. Enali ya'mana bona'i enali bati bona'i suhi hite Yesuhi lalu'agita nohune lite bi'ahana yabe. Enali ya hite bite nehite loka babu lite heba heba hite fi taga hi etelenogo ai Yesu kaga bati hinaga lilifi to bati mehinaga nolinogomo naga ito le'mete sipi gamani bo nohinalo bilune lite mine'ahana yabe.

Luku 20:26

Yesu ka'anilo lu epina kagauba enoholago enelesa ligo babu bona'i minanalo Yesuhi naga ilupi naga meilupi lilete kaga melise enabaga hekini lelete fa'mene mine'ahana yabe.

Aposolo 23:21

Ya li'ahanagi kai ka'anilo mekehelibo. Hena'mugope? Ai'i ho fililune lite luga'a bona'i 40 magihi kapogu kofohi moloto gimi gilune li'ahabe. To enali yatai kai o'yo lilapi lite kegeba hite ka lilata ka kehelilune'mu nehabe.