Luku 11:36 - Ka Lamana'a Monoꞌi Lu Mu Tifiꞌehina Ka Yabe

³⁶ To asaga kugufaka fana mehi huto bai toto mone metepuna nila ya hula mehu'ehinogomo ai besa asaga kapoga bilina'mu yabe. To libi'uba fana meha'a kaitoga besa besa nolana'a hilina'mu hapakamofihi hetofana'a ahuto hilibe.

Luku 11:36 ပူးပေါင်းရင်းမြစ်များ

Matiu 13:52

Ya lago Yesu lu epi'ehina: Ya hu'ehigo asaga keya kaga enelepise bona'i enali kokulumamofihi kapo'alo kaga'mu enelepise lite akeheli su he'ahabe. Enali sipi nohi mone'mofihi afo'a legi hite nehabe. Ai situa noha'agu tiloto yuhufana hiti tafana hiti li munu munu huto lito fegutoga limilata nohina suhi lite nehabe.

Matiu 5:15

Bona'i enali libi'i li kulu tilete somotu ifi metalibe. Enali ifo hitalo malago nonugu nehana bonatoga kululu tuto fi besa lo baga igo be ge fana tete minelata nehabe.

Luku 11:35

Ya hu'ehinagi kai asaga yupahi kaba hu bati hubo fana mehena kailugu nina asaga'i metepu i lalibe'mu nolube.

Luku 11:37

Yesu ana kaga lu su holago Felosi bo moneuba: Noha'nigu buto nose'na nani'i hiti nalu'ibe luto kehe igo Yesu buto hitalo minoto nose'na nalube'mu hu'ehina.

2 Koliti 4:6

Hu'mau ai koyapa'i metepuhi ni'inagu fi besa lobo luto ligo go'i lu besa lo'ehina. To ai'asigo ya'ma lulago komopatigu ai'a kamofihi fana meha'auba mino kikipa hago Kilisitohi gobisalo Hu'mamofihi silikeha fayaha'a huto hu lamana nohigo bu golata nohune.

Efeso 4:14

Lali ya huto lagaso yagapana'i tegina meminose amuya moloto nohinogoti limi'i melelata bo enali faga faga li liminogo faga faga kamofihi yasi'auba lele'mo miyalo malo hinogo miyalo i ke'malupi malo i ke'malupi lu liluta hu laligi. Enali'i bona'i luga'amagihi enimi'i melete enele'mo keheli sibina nehana yabe. To laliya lele'mo keheli sibina hi lalabe.

Kolose 3:16

Kilisitohi hetofa hetofa kaga'a komopatinigu mineno. Keheli bati hite ai ka lepinogo ai ka lepinogo hite minalo. To Hu'mamofihi gepohi lite yege fise nama litetini to Sikalafu'i komopatinigu lepi'ehina nama litetini laga hina nama ya'ma lite Hu'mamofitoga ana nama asaga'i lilo.

Hibulu 5:14

Nose'na amuya melete yamofihi olopa bona'magi enali nasana ni'ibe. Enegekesa komopa'ani hokolo higo foipanamofihi bati'namofihi hapa'a keheli bebe sete nehana enali nasana ya ni'ibe.

Yemesi 1:25

Bona'i luga'amagi Hu'mau keya ka lu'ehina lama'naka lite enehe'mo'ehina kagamofihi Hu'mamofihi hapa'amu sa sa helite nebinogo enegekesu mehenogo keheliya ite minalana ya'ma Hu'mau lusa gi epelenogo enegelo bite minalune'mu nehabe.

2 Pita 3:18

Ya nehite Sipi Botiuba lubuto bilata nohina bo, Yesu Kilisitohi lenehe'mose'na to ai hapa hapa'a keheli hokolo hite kehelise'na hiti lenalitoga minenogo yamu'i hofa tete minalo. To ai fana meha'auba minoto minomo buto yatai ana suhi huto mino lito buto mino bai toto mineno. Ma'naka.