Luku 11:35 - Ka Lamana'a Monoꞌi Lu Mu Tifiꞌehina Ka Yabe

³⁵ Ya hu'ehinagi kai asaga yupahi kaba hu bati hubo fana mehena kailugu nina asaga'i metepu i lalibe'mu nolube.

Luku 11:35 ပူးပေါင်းရင်းမြစ်များ

Matiu 6:22

Lubumoya lugufamofihi libi'a legi huto ni'ibe. Kubukauba bati huto ni'itomo asaga kugufakaloga i besa lo baga ilata nohibe.

Luku 11:34

Kugufamofihi libi'i logo'aya suhi huto kubuka ni'ibe. To kubuka bati huto ni'igomo asaga kugufaka bati huto fana toto minolata nohibe. To kubuka bati mehu'ehigomo asaga kugufaka metepu ito minolata nohibe.

Luku 11:36

To asaga kugufaka fana mehi huto bai toto mone metepuna nila ya hula mehu'ehinogomo ai besa asaga kapoga bilina'mu yabe. To libi'uba fana meha'a kaitoga besa besa nolana'a hilina'mu hapakamofihi hetofana'a ahuto hilibe.

Romu 1:22

Enali keheli baga i'ohune lilata nehanaya faga faga lite negi nagi nete mine'ahana yabe.

2 Pita 1:9

Luga'a enali nolunanaya, ya lite meminenogo enali kumu ma luto nolepube. Enali hapa'ani'mu enubu'ani fili ko'ehinamo suhi huto ni'ibe. Foipana'a kohe toto Hu'mau okala hu etoto le'mo lamana hu'ehina ya'ma ekesu ho'ehibe luto lilune.

2 Pita 2:18

Enali'ani keheligo ho tilata nehabe. Enali fa'mene kaga gusunupa'a meni'ina kaga lilete ya hite, bona'i yuhufasi foipa bona hapa'ani he'mi'ahana bona'magihi mi'mi hite aku'i foipa kapolo enele'mo malalune'mu nehabe. Ya nehite, foipa foya nelinanauba enogolagalo li malago nehetilago tafa komopa'aniuba enumu fililata nohibe. Ana'ina lilete'ani bona'i luga'a ya enali kelefugu halabe, lite lilete enali ya hilata hi'ahanamo ni'ibe.

Huto Hilina Ka 3:17

Lenali lenalitini'mu ma lite kehelilata nehabe: Lali babu yogo fe'nohi ni'ibe lite bati huto minalune'mu hune nelabe. Lali hena nasana'mu mone sa sa hulata nohune? Ana'ina lilata nohuta yanamofihi nasana'mu mone sa sa mehune lite lilata nehanaya, lenali amuya memele'ahana hapatini mekehelise bona'i mone muhi meni'ina bona'i ate ate li'ahana'a enugufa yapako nehite bu pisi lina bona'i suhi hite nehabe. Ya'amagi ya'ma enali keheli fe lite kehelilana'a mehabe.