Luku 11:29 - Ka Lamana'a Monoꞌi Lu Mu Tifiꞌehina Ka Yabe

²⁹ Babu bona'i li nupa hite Yesu le'mo folagahi hite minago Yesu ka mone ma luto lu epi'ehina: Yatai boana'ise, bati mehana boana'i nehabe. Enali sipi lili'nakamofi kumu topa hose'na'a Hu'mau bati huto yabe lilina yamofihi hu lelepibo lite noloka nehanaya nani hu meenelepiluna moneko Yonaha topa hose'na'a hu enelepiluna'mu yabe luto Yesu lu'ehina.

Luku 11:29 ပူးပေါင်းရင်းမြစ်များ

Matiu 3:7

Yoniu Felosi bona'i to Satusi bona'i babu lite nagami'i folo letalane lite ago bu enogoloto ma luto lu epi'ehina: Lenali foipa osifa'mofihi yagapana'a, kuyu'afu lu lepigo Hu'mamofihi italuga logo bise'na alihi huto hilube'mu nohina koli falalune'mu nehabe luto ka epeki'ehina yabe.

Maki 8:38

To bo moneubafi ya'ma ka mekehelise foipa nehana kanagu nani kumu to ka'nimu megesa hu nimilenogo, nani Kokulumaguti limi'ohuna Bomofita, alihi ana huto nemegesa hu emito minalube. Nani alihi afo'nifu nele'mo bati hulenogo to fana meha'ni besa lago nohuto'ni to hetofa agelomagi hiti aluna kanagu nani ana bo'mu nemegesa hu emito minalube. Yesu ya luto lu epi'ehina yabe.

Luku 11:16

To luga'a bona'magi Yesuhi mi'i malalune'mu ma lite lu emi'ahana: Kai kokulumalugu Hu'mamofihi babeyafa'a hu lepibo lite li'ahana.

Luku 11:50

Ya hu'ehina enali yatai boana'magi koyapa'i kokuluma'i hiti me'i hiti huto nohigo minete fili'ahana lu huto huto bona'magi kumu lite ka foyagu bite Hu'mau osahi epilinamo ya'ma lilana'mu yabe.

Luku 12:1

Babu boana'i li nupa hite yege yege'magi ikini ikini hite ai gufalo ai gufalo hite mone'mofihi gigusalo i sala kose suhi hite nehago ana kana'alo Yesu pana'alobo'a yata'a luto lu epi'ehina: Lenali Felosi bona'magi faga faga lilana'mu hapa'ani kaba hu bati hite minalo.

Luku 9:41

Yesu ka'alo lu'ehina: Akae. Lenali yatai kanalo boana'ise, lenali ka kehelise'natini meminabe to komopatini bebe soto meminolata hibe. Henaki yupahi lenali hiti nani minoto keheli sibinanatini kofeli'ali nohube? Panaka le'moto maga obo.

Yoni 2:18

Yesu ya hu'ehigo Yuta bona'magi i behe hite loka he'ahana: Kai amuya lili'na hena huse'i sipi li huto hitogo kai ma'naka luto kigi ni'igo ya'mana lili'na noline lilune?

Yoni 6:30

Ya ligo enali loka he'ahana: Amuya babeyafana hena huse'i kai li lubulo hitogo bu goloto kaitoga komopati kimilune? Kai hena foya li huto hilata ni'ibe?

Yoni 8:44

Lenali foipa bo Sataha yagapana'mo nehanago ai mege'i malalune'mu nehabe. Yata'a kanagu bona'i enoho fili'ehina yabe. Ai bati suhi mege'i moloto memino'ehina hena'mugope aitoga bati hapa'a meni'igo yabe. Ai faga lusemofihi afo'afu nohinago faga luse'namoya aitoga bai toto ni'ibe. To faga fagauba kaga'a lamana'a lolo hulata nohina bo nohibe.

1 Koliti 1:22

Yuta naga'magi enali ya'ma ka kehelilune lite topa hose nasana hulenogo bu galune lite amuya nehabe. Giliki bona'i ana hite enali ananamofihi hapa'a kehelilune'mu nelite sa sa nehite kupomo'i fite minelata nehabe. Ya nehanaya lali ya'ma Kilisitohi malipu yafalo he'ahanamofihi kaga lunogo Yuta bona'magi enali keheligo keta hulata nohibe. To Giliki bona'i enali kehelite negi ka yabe lite lilata nehabe.