Luku 11:22 - Ka Lamana'a Monoꞌi Lu Mu Tifiꞌehina Ka Yabe

²² To lusi amuya bo mone nehetiloto hepa kaba nominalina bo hiti luba hilete ana bo holoto gimi mage'a li su holoto asaga'na gumina lina fe'noha'a guna ito bona'i epilina'mu yabe.

Luku 11:22 ပူးပေါင်းရင်းမြစ်များ

Luku 11:21

To amuya bo moneuba gimi mage'i huloto nohi fe'noha'a kaba gimi gito minolata nohina ya yogo fe'noha'a bati huto enubu nini minolata nohibe luto Yesu lu'ehina yabe.

Luku 11:23

Bo mone ai nalalu'nifu legi huto menohilina ai'ya fateha'ni nohibe. To bo moneuba nehe'moto pana'alobo'ni enele'mo nupa mehilina ai ma'naka luto pana'alobo'ni enegene ito enele'mo tili tele hulata nohibe luto Yesu lu'ehina yabe.

Efeso 6:11

To Satau ai suguna'i lenimi'i malalube'mu nohinogomo lenele'mo sibina hu lalibe luto Hu'mamofitogati gimi mage'i luba nasana asaga'i li lenayanugu melelete minete kaba hite minalo.

Efeso 6:13

Lenali yana'mu Hu'mamofitogati gimi mage'i luba nasana lilete minete luba laga mehina'a amuya melete nehinogo fatehatini enali ete luba hilube'mu nehinogo lenali analo'i amuya melete minete koli mefelese ule'ale hite minalabe.

Kolose 2:15

Ya nohuto Satahi ka lepekilina'a ka foyagu lenele'mo malalina'a laga hu'ehibe. Kilisitou malipu yafalo fililoto foipanatini li he'mi nolepoloto Sataha naga'i enele'mo laba hu'ehigo fateha'a fi lehe toto nebago yatai asaga bona'i Hu'mamofihi amuya bo nohibe lite kehelilabe luto enelepi'ehina.

1 Yoni 3:8

To luga'amagi foipana lilata minalana enali Sataha bona'a neminabe luto lilune. Satau ai foipa nasana koyapa emagati lelito buto mino'ehina. To liloto nohigo Hu'mamofihi pana'auba ai'a Satahi foya'a ya'ma laga huto li sibi sibi huto he'milube luto oto huto hu'ehinamo ni'ibe.

1 Yoni 4:4

Palala'ni pana'nise, lenali Hu'mamofitogati huto hilete faga mono ka leli'ali bona'magihi amuya melete luba hite, ya suhi hite enebe ligi'ahanamo ni'ibe. Hiya hutobe? Lenali komopatinigu minolata nohina ai amuya'auba metoga nohina bo foipana'a ai'i amuya'a ya'ma be ligi'ehinagihe.