Luku 10:8 - Ka Lamana'a Monoꞌi Lu Mu Tifiꞌehina Ka Yabe

⁸ To hepa'i moneto nebinogo ana hepato bona'magi lenele'mo hepalugu melete noha'aniluga lenele'mete nebinogomo lenali nose'na guna ite lepilana nose'nasigo nalo lu'ehina.

Luku 10:8 ပူးပေါင်းရင်းမြစ်များ

Matiu 10:40

Bo moneubafi moneuba lenebe tigilinaya nani'i nebe tigilina'mu yabe. To nani'i nebe tigilina bona'iya ai noho lifigo limi'ohuna bomofihi be tigilina'mu yabe.

Luku 10:10

To lenali mone hepato bite tilune'mu nehinogo ana hepato bona'magi lenele'mo noha'aniluga melete nose'na melepinogomo lenali bite ana hepa'mofihi kapolo ho ti'ehite ma lite lilo:

Luku 9:48

ma luto lu epi'ehina: Bo moneuba ma lagaso yagapana'i nani kumu he'malina ai nani'i nehe'malina'mu yabe. To bo moneuba nani'i nehe'malina ai nani'i noho lifigo limi'ohuna bo he'malina'mu yabe. Bo mone folagahatiniguti nesi bo laba huto nohilina ai sipi bo nohibe.

Yoni 13:20

Ma'naka lu nolepube. Enali nani ho lifi'ohuna bomofihi be tigilana enali ana suhi hite nani nebe netigibe. To ana huto nani nebe tigilana bona'magi enali ya'ma noho lifi'ehina bo Afo'nifu be netigibe.

1 Koliti 10:27

To Hu'mamofihi kaga mekehelilata bo moneuba nose'namu elesa molo lepi'ehinogo ya'ma noha'agu tilune litemo tilanagihe. Tinogo nose'na lenubulo molo lepilenogo ya'ma lenegekesa kehelinogo komopatini keta mehinogo fa'mene nalabe. Fa'mene nelete felemagihi seba'a ni'ifihe lite loka mehe etalo.

1 Koliti 9:14

To ai Sipi Bomofihi ka'a leli'ali bona'i lali ana suhi huto ka lamana'a keheli'ahanaloti lugufamofihi nose'na lilabe luto lu lepolo'ehinamo ni'ibe.