Luku 10:7 - Ka Lamana'a Monoꞌi Lu Mu Tifiꞌehina Ka Yabe

⁷ Lenali ana nonugu legese hite minete nose'na lepi'ahanana nete minalo. Hena'mugope lili'nalo bouba lili'nalo mina'a lilube'mu hilina yabe. To lenali nohi fato fatolugu tila limila mehilo.

Luku 10:7 ပူးပေါင်းရင်းမြစ်များ

Maki 6:10

To ka mone hiti ma luto lu epi'ehina: Bite hepa'i moneto nehetite bo nohi tite kala'ina nopogu kelata hite minaliyo. Fato fato nopogu mekaliyo. Ya hite minetetiti alihi ana hepa'mo minala'ina'a kana su henogo ana nonuguti he'mite biliyo.

Luku 10:6

To fulu bo mone gufaluga bati hu'ehilina bo ana nonuga nohilina lenali kaga le'mo bati hite lu emite be netigite fulunatini lenalitogati emilo. To ana bona'i komopa mehana bohoya kagago nelana bona'mo nehinogomo lenali fulunatini i behe huto aku'i lenalitoga alina'mu yabe.

Luku 9:4

To enali lenebe tigilago nohi moneluga tilete analo nose'na nelata fatoga bila ela mehise ana nonugago nehite ana hepa'i he'mite fatoga bilune'muko bilata hilo.

Aposolo 16:15

Ai kaga keheliya ina'mu luto ai'a hiti lalameha'a hiti mono nagami'i fele'ahana yabe. Ai nagami'i afololoto ma luto kaga lu limi'ehina: Nani kumu Sipi Bomofitoga komopaka bati huto emi'ahane lite keheli'ehitemo nani noha'niluga ete minalo. Ya luto ana'uba koyo koyo bito kehe ina'mu luto noha'aluga buto mino'ohuta yabe.

Aposolo 16:34

Alihi Polunogo Silasinogo noha'aluga etele'moto tito nose'na etimigo ne'aha'ina. To ai'a hiti lalameha'a yatai Hu'mamofitoga komopati noemune lite enegelo gofa bi'ahana yabe.

Aposolo 16:40

Ya hago Polugo Silasiugo naga nonuguti fegutoga limilete Litiaha nonuga bi'aha'ina. Analo Hu'mamofitoga komopa'ani emite minana bona'i Hu'mamofitoga amuya melete komopatini aitogago emite minalo lite amuya kaga lu epilete he'mi epelete bi'aha'ina yabe.

Galesia 6:6

Kilisitohi mono ka kehelite neminana bo lenali ana ka le'mo eto eto nehana bo lenali ana'ina guna ite epilabe.

1 Timoti 5:13

Ya hilete ya'ma nonugu fato fato'na tila limila hite futu'a kaga lite minelata nehana to ya'asigo meni'ibe. Enali notu humofa'na hite fa'mene kagamo lite faga faga lite bona'magihi foyagu ukimi akimi hilata nehabe.

2 Timoti 2:6

To moneuba ai foya'a kafalube luto lili'na amuya moloto gobi nohenogo kafalina bouba legeya'a huto hinogo kohe toto lito nalube'mu hibe.