Luku 10:40 - Ka Lamana'a Monoꞌi Lu Mu Tifiꞌehina Ka Yabe

⁴⁰ Ya nohigo Matau aisigo nose'na laita hula to fato lili'na lila ya hula nohigo kosele hago Matau Yesuhi ma luto lu emi'ehina: Sipi Bo, asaga lili'na Maliau he'mito nani'igo nimigo noluna kai nani'i kegekesa yigi menonimipihe? Kai Maliahi le'mo he'mitogo ai oto nani'i nehe'malibe, luto Matau lu'ehina yabe.

Luku 10:40 ပူးပေါင်းရင်းမြစ်များ

Matiu 14:15

Utehe kana nohigo Yesuhi koko pana'a aitoga elete ma lite lu emi'ahana: Ma hepatoga bona'i menehabe, to sinihi agilina'a nohibe. Ya nohinagi kai boana'i enoho lifitogo enali abino. Enali hepatoga bila ela hite nose'na'ani sa sa hite nalabe.

Matiu 16:22

Ya ligo Pitau le'mo beletoga moloto amuya ka emekiloto ma luto lu emi'ehina: Sipi Bo, enali ya mehi ketalana'mu yabe. Ya'mana suhi kaitoga huto mehilina'mu yabe.

Luku 10:38

Yesu koko panana'a hiti kapo melete bilete hepa'i moneto nehetigo a'i mone gi'a, Mata yabe, luto nohina a'uba Yesuhi noha'aluga le'moto bu'ehina yabe.

Luku 10:41

Ya noligo Yesu ka lu emito lu'ehina: Matao, Matao. Kaiya kekesa yigiba yigiba silaga'namu'i nohuto kipakagu keta hulata nohane.

Luku 12:29

Ya hu'ehinagi lenali lenekesa yigi babu lite hena nose'nati nalune lila to hena nagamiti nalune lila ya hite melilo. Lenali lenegekesa yigiba yigiba mehilo.

Luku 9:55

Ya lite ha'igo Yesu i gelehe huto: O'e, luto ka etemeki'ehina.

Yoni 11:1

Hepato mone Betani analugu bo mone Lasalasi yabe gi'a nelana ai minoto besi'ehina. Ya'ma Betani hepa'i loe ate Malia to Mata mine'aha'ina.

Yoni 11:5

To Yesu Matahi to gona'a hiti'i to Lasalasi hiti komopa'a epi'ehina yabe.

Yoni 12:2

Ana hepato enali Yesu kumu nose'na mone laita hite loloba nehago Matau guna ito epigo Lasalasi hiti Yesu hiti hitalo minete ne'ahana.

Yoni 6:27

Minoba minoba mehilina nose'nalo lenali foya melite minomo tito minoba minoba hilina nose'naloko foya lilo. Ai ya'ma nose'na mino bati minoba minoba huse'namo yabe. Hu'mau Pana'amofihi ya'mana nose'na mino kosaba husemofihi lepilibe luto gi'a a'emi'ehibe.