Luku 10:27 - Ka Lamana'a Monoꞌi Lu Mu Tifiꞌehina Ka Yabe

²⁷ Ana bouba loka hanalo ma luto lu'ehina: Sipi Bo, Hu'makafu yabe to kai lutumopaka asaga'i ai'i emi su hobo to kemehaka asaga'i ai emi su hobo to amuyaka asaga'i ai emi su hobo to kehelise'naka emi su hobo. To kaika kugufakamofihi nohata'a huto kalalukafihi le'mo laga hubo.

Luku 10:27 ပူးပေါင်းရင်းမြစ်များ

Matiu 19:19

Kai itokafinogo afokafinogo agoya hu etimibo. To kaika kele'mo bati hilana suhi luto kalalukagihi enele'mo bati hubo.

Luku 10:26

Ya ligo Yesu ma luto ana bo loka ho'ehina: Mono ka fayahi ge'ahanagu henabe luto ni'ibe? To hena huto lu gelehe huto leka solata nohane?

Romu 13:9

To keya kaluguti ma luto lu'ehina: A'i gumina mefolobo. Bona'i ho mefilibo. Gumina melibo. Bona'mofihi fe'noha'a lilube luto kubu naga'i mehobo. Ya'ma keya ka asaga'i li nupa hu'ehina'amofihi hapa'a ma ni'ibe: Kai kugufaka kaba hulata nohata supo huto asaga bona'magihi kaba hu epoloto kiginaga fi epibo.

Galesia 5:13

Nalalu'nigita, anamofihi nagalugu mone meminalabe luto elesa molo lepi'ehinamo ni'ibe. To nagalugu meminana'mu yabe lite lenugufamofihi bita hulata nohina nasanamofihi kele kele'i mehi etalo. Komopatini epilete ai he'menogo ai he'menogo hite minalabe.

Hibulu 8:10

Koyapa kana'a bulago alihi Isilaeli bona'i enali hiti ma luto ka'a lu mu tifilube'mu nohube luto Sipi Bouba lu'ehibe. To nani lu laga huse kaga'ni enegekesagu melenogo'ni minalina'mu yabe. Ya huloto komopa'anigu fayahi koyo melenogo minalibe. To nani Hu'ma'anifita lolo huto minalugi enali yagapana'ni lolo hite minalanagihe.

Yemesi 2:8

To ya'mu mono bukugu Hu'mau keya ka lu'ehina kaguti amuya ka mone ma luto ni'ibe: Kaika'mu kehelilata nohata ya suhi huto kalalukagi kumu kehelito kaba hu epoloto komopaka epibo, luto lu'ehinamo ni'ibe. Lenali ana keya ka lu'ehina ka'a keheliya ilana ya'ma ana'ina lamana'a lilana ni'inaya.

1 Yoni 3:18

Palala'ni pana'nimagitabe. Lali komopati Hu'mamofi hiti lalalutigi hiti noepito ya'ma kagatuko to labagagutiko melilune. Komopatiguti layatuko to labagatuko luto moloto hilune.