Luku 10:25 - Ka Lamana'a Monoꞌi Lu Mu Tifiꞌehina Ka Yabe

²⁵ Keya ka keheli bati huse bo moneuba Yesuhi mi'i malalube luto Yesu nohinalo tiloto ma lu'ehina: Tisao, nani hena huloto'ni mino kosaba hepa'i lilube? luto loka ho'ehina.

Luku 10:25 ပူးပေါင်းရင်းမြစ်များ

Maki 10:17

To alihi Yesu kapo malalube'mu nohigo, bo moneuba hololu luto oto aitoga lahupa nohi fito ma luto loka ho'ehina: Oho afo'nigabe. Bati bo nohane. Nani hena'ni hulenogo'ni nemehuba minoba minoba hilibe? Lu nimibo.

Maki 10:3

Ya lite lago ai ma luto lu epibe: Moseu hena ka luto koyo'ehina nekehelifiye?

Maki 12:28

To enali Yesuhi kaga ya'ma loka nehago, to Yesu ka'anilo kaga bati huto lu noepigo, mono ka enelepise bo moneuba anaga minoto kehelito oto Yesuhi ma luto loka ho'ehina: Keya ka asaga'i ni'igo, to hiya'a hofa toto be ligi'ehina ka ni'ibe? Lu nimibo.

Luku 10:24

To hena'mube? Enali koyapa lu huto huto bona'i hiti to gihiti bona'i enali kumu lu nolepube. Lenali bu gela to lenekesagu kehelila nehanana ana huto lekesagu kehelila to lubutiguti bu galune lite helebe helebe hanaya enali mekehelila to bu megalana suhi habe lu'ehina.

Luku 10:26

Ya ligo Yesu ma luto ana bo loka ho'ehina: Mono ka fayahi ge'ahanagu henabe luto ni'ibe? To hena huto lu gelehe huto leka solata nohane?

Luku 18:18

Yuta bo moneuba ma luto Yesuhi loka ho'ehina: Tisao, hetofa bo yale, nani hena huloto'ni minoba minoba hepato bilube?

Luku 7:30

To ya hu'ehina enali Felosi bona'i to keya kaga babafi bona'i enali Yonihi yanuga nagami'i mefele'ahana. Yamomu'i lite enali Hu'mamofihi kapo hetofa'a noenelepinamo enali enemegesa hu emite mine'ahana yabe.

Yoni 8:6

Enali fisa ilune'mu ya'ma kaga mi'i melete loka he'ahana. Ya hana ai Yesu melugu lipi tipi huto yahi kosa'atu mumusopagu fayahi goto mino'ehina yabe.

Galesia 3:18

Hu'mamofihi mono lusamofihi lubuto bise'na'a ya'ma keya kaguti ni'itita yamofihi Hu'mau kaga lu leto'ehina kagaguti melutita'mu yabe. Ya hu'ehina'a ya'ma meni'ibe. Hu'mau henabe luto Abalaha lusa gi eto'ehibe? Abalahau keya ka kehelito mege'i molo'ehinalo ni'ifi? O'e, ai Hu'mau lu molo eto'ehina ka'alo yabe. To lali lubuto bise'na'a lilutana ana huto ai lu molo leto'ehina ka'alo ni'ibe.