Luku 10:11 - Ka Lamana'a Monoꞌi Lu Mu Tifiꞌehina Ka Yabe

¹¹ Lenali hepatinigu mumusopauba ligigusagu minana aku'i ana hepatinilo li fopo nohune. Ya'ma lenemegesa hu epite ya nohutagi lenali ka mone'ya kehelilo, Hu'mamofihi Kapo'a anasi lenugufalo o leba notabe lite ana hepato bona'i lu epilo.

Luku 10:11 ပူးပေါင်းရင်းမြစ်များ

Matiu 10:14

To hepa'i monetotifi to nohi monelugutifi lenebe metiginogomofi to kagatini keheli melepinogomo lenali lenigigusagati mumusopa li tili nehite ana hepa'i he'mite fato hepatoga bilo.

Matiu 10:7

Lenali bite kaga ma lite lu epilo: Kokulumamofihi kapo'a anasi a'o leba notabe.

Matiu 3:2

Komopatini i gelehe hite foipanatini he'mi su halo lu'ehina. Hu'mamofihi kokulumalugu kapo'a hokolo hilina kana'a epi'ehina.

Maki 6:11

To mone hepato nehetila'inamo to enali letebe metigise to kagatiti mekehelise minenogomo letali ana hepatogati he'milu'ibe'mu nehitemo letigigusaloti me'ani kele li he'miliyo. Ya hinogo enali bu gete: Hu'mau ka lemeki'ehina yabe lite kehelilabe. Yesu ya luto lu epi'ehina yabe.

Luku 10:10

To lenali mone hepato bite tilune'mu nehinogo ana hepato bona'magi lenele'mo noha'aniluga melete nose'na melepinogomo lenali bite ana hepa'mofihi kapolo ho ti'ehite ma lite lilo:

Luku 10:9

Lenali yana hepato enebesi'ehilina bona'i enele'mo ye kelete ma lite lu epilo: Hu'mamofihi Kapo'a hokolo hilina kana'a anasi lenalitoga a'o leba notabe lite lu epilo.

Luku 9:5

To hepa'i mone luga nehe netinogomo nonuga lenele'mo menemelenogomo enubulo lenemegesatini epite he'milata hilo.

Aposolo 13:26

Abalahahi tata'agita to ma fegutoga bona'i hiti Hu'mamofihi agoya hu emilata nehanamagita nalalu'nigitase. Hu'mamofihi kaga'auba lali'i lele'mo lubuto bilibe lu'ehinana alimi'ehibe.

Aposolo 13:40

Ya hu'ehinagi lenali kaba hu bati hilo. Koyapa'i kaga lu huto huto hulata bomagi ka mone ma lite li'ahanauba lenalitoga o lalibe:

Aposolo 13:46

Ya nelago Polugo Banabasiugo ule'ale hilete ma lite kaga li'aha'ina: Ma'naka luto lenali Yuta bona'magita Hu'mamofihi ka'a kohe toto lu nolepu'ibe. Ya hu'ina lenali Hu'mamofihi ka'a keheli he'minana to lenali minoba minoba hepa'mofihi nasana'mu melebesibe lite lago le'ali he'mi lepoloto fegutoga bonatoga nobu'ibe.

Aposolo 13:51

Ya hago etali etigigusagu su'atiti kisite mumusopa i tili hilete Ikoniu hepatoga bi'aha'ina.

Romu 10:21

Ya hu'ehina'mu Hu'mau Isilaeli bona'magi kumu ka mone hiti lu'ehina ma ni'ibe: Nani asaga yupahi enele'malube luto nayatu babeyafa nohugo aku'i enali ka keheli he'mite to komopa'ani nunu gina boana'i nanitoga mealune'mu nehabe.

Romu 10:8

Yesuhi mege'i molose'namofihi hapa'a ya huto meni'ibe. Ana fayahi ma luto mono bukugu nolibe: Ka hapa'a foto'i meni'ibe. Lebato'isi ni'ito komopakagu kabagakagu ni'ibe. To lali kagamu'i lu yege nohota ka yabe.

Hibulu 1:3

Hu'mamofihi fana meha'amofihi sekele mamu'a hiti fuluna'a aitoga fi besa lo'ehinamo ni'ibe. To Hu'mau minoto lito hu'ehinamofihi legege hu'ehinamofihi aitoga ni'ina yanamofihi amuya'alo molo kehelito lulata nohina kaga'a yauba melugu kokulumagu ana'ina silaga'i le'mo hetofa hulata nohibe. Ai'a ya'ma foipanati nokala hu letolata nohina foya'a li su hoto ifoga gihiti bo amuya'a hiti enebe ligi'ehina bo Hu'ma ai nohinalo lamaga'aga buto mino moloto mino'ehina yabe.