Luku 1:80 - Ka Lamana'a Monoꞌi Lu Mu Tifiꞌehina Ka Yabe

⁸⁰ To ana pana'i hofa toloto gufa'amo hiti meha'amo hiti amuya molo'ehina. Ai ka melugu mino'ehina kanagu baga ilenogo Isilaeli bona'i enubu'anilo huto hu'ehibe.

Luku 1:80 ပူးပေါင်းရင်းမြစ်များ

Matiu 11:7

Ya luto Yesu kaga lu su holago Yonihi koko pana'a abilago Yesu Yoni kumu kaga babu boana'i lu epi'ehina: Koyapa'i lenali bona'i menehana kamelugu bi'ahana henana bu galune lite bi'ahanabe? To lenali akepa mone'mofihi habafahuba li pisi hu'ehina bu galune litefihe?

Matiu 3:1

Ya'mana yupahi Yoniu Yutia kamelugu humofa'na huto mono ka ma luto lu epimofa'na hu'ehina:

Luku 1:15

Ai Sipi Bomofihi bu'alo sipi gi'a lilina'mu yabe. To ai bai nagami'ifi to amuya nagami'ifi menalina'mu yabe. Ito'afihi ipa'agu nohinogo Hetofa Sikalafu'uba aitoga bai talina'mu yabe.

Luku 2:40

To ana pana'i olopa hoto amuya bo minoto'a kehelise'na'a hetofana babu luto minago Hu'ma lusa gise'nauba ai hiti minolata hu'ehina.

Luku 2:52

To Yesu sipi bo hulago kehelise'na'a hetofana huto minago melugu bona'i hiti to Hu'ma hiti enali bu gana hapa'a bati huto mino'ehina yabe.

Yoni 1:31

Nani ai'i keheli bati mehu'ohuna. Ya hu'ohunaya ya'mana bo Isilaeli bona'i enelepilube luto nagami lafahi boana'i folo epolo'ohuna yabe.

Aposolo 18:28

To ai asaga boana'magi enubulo Yuta bona'magi kaga bati mehina'a lilata nehana ana ka'anilo nona'a lu epigo ai ka'auba enali ka melugu ho fi to'ehina. To ai Yesu kumu ma'naka luto Mesiau nohibe luto Hu'mau mono kagu go'ehinaloti leka soloto enelepito higo enegekesa keheli amuya mele'ahana yabe.