Luku 1:76 - Ka Lamana'a Monoꞌi Lu Mu Tifiꞌehina Ka Yabe

⁷⁶ Pana'nise, enebe ligi'ehina bo Hu'ma, ai'a kaga lu yege hose bo'a huto hilane. To ya'ma gi'a kai kumu bona'magi molo ketalabe. Kai yata'a kohe toto lili'na lito bulotoka Sipi Bomofihi kapo'a li hokolo hilane.

Luku 1:76 ပူးပေါင်းရင်းမြစ်များ

Matiu 14:5

Ya noligo Helotiu Yonihi lubaha'a laga hilube'mu hinaya asaga boana'magi enubulo koli huto he'mi eto'ehina yabe. Hena'mugope enali Yoniu lu yege hose bo nohibe lite lilata nehana'mu yabe.

Matiu 21:26

To ma melugu bona'magihina yabe liluta ya asaga boana kumu'i lelesa nolibe. Hena'mugope enali asaga'i Yoni kumu kaga lu yege nohana bo nohibe lite komopa'ani neeminamo yabe li'ahana.

Matiu 3:11

Lenali komopatini i gelehe hana'mu luto nani fa'mene nagamitu nofolo lepolobe. Ya nohunaya ai bo mone nani nemegesalo alina bouba ai Sikalafu'i to logo'a hiti folo lepalalina'mu yabe luto Yoniu lu epi'ehina.

Matiu 3:3

Hu'mamofihi baga'a lu huto huto bo Aisaiyau liyafa huloto ma luto Yoni kumu'i lu'ehina yabe: Bona'i menehanaga meluguti bo mone'mofihi bagaguti ma luto nolibe: Sipi Bomofihi kapo'a li loloba hi etalo. Kapo kuyugu hu'ehilina li fu nelite li yuhufana hi ete'ehinogo ai analo kapo malalibe.

Maki 11:32

To lali: Melugu bona'magi ho lifi'ahabe luto lilupiye? to asaga boana'magi Yoni kumu hetofa bo, lu huto huto bo yabe, lite nekeheligo ya'mu enali koli nehite Yesutoga bite ma lu emi'ahana: Lali mekeheli'ohune.

Luku 1:32

Ai sipi bo minalina'mu yabe. To yege yege bona'magi gi'a liyafa hite Sipi Boti enebe ligi'ehina bomofihi pana'a yabe lilana'mu yabe. To Hu'mau ai sipi gihiti bo le'mo ho tilina'mu yabe. Tata'afihi Tebitihi suhi luto minalina'mu yabe.

Luku 1:35

To agelouba Maliahi kaga'alo ma luto lu'ehina: Sikalafu'uba kaitoga alina'mu yabe. To Hu'mamofihi amuya'auba kifi talina'mu yabe. To ya hinogo ya'mana pana'i alihi ketalata'mu yabe, to bona'magi Hu'mamofihi Pana'a yabe lite gi'a liyafa hilana'mu yabe.

Luku 6:35

O'e. Lenali fatehatini enele'mo bati hilo. Ya nehite ana'ina lepilanalo aku'i nona'a limilabe lite melilo. To lenali ya hite minalana aliha'a lenali mina'a sipi lilete Sipi Bo Hu'mamofihi panana'a minalana'mu yabe. To ai ipa'a fokehi menehana bona'i hiti to foipa bona'i hiti noepito hetofana hu noepolobe.

Yoni 1:23

Ya lite lago Yoniu lu epi'ehina: Nani mana nohube: Bo moneuba ka meluguti Sipi Bomofihi Kapo'a bili etobo luto, sipi kehe noinamofihi nogo'a nohibe. Ya'ma kehe noinana nani nohube. Koyapa'i lu huto hulata bo Aisaiyau yanana luto lu'ehina yabe.

Yoni 1:27

Ai nani nemege'i alihi noabe ya nohina nani ana bomofihi gigu su'amofihi naga gulu ho etaluna'a huto bati menohube.

Yoni 3:28

Koyapa'i kaga mone ma luto lu lepi'ohunamo lenalitini akeheli'ahabe. Nani Mesia'ita menohunaya Hu'mau nele'mo kohe to etoto noho lifigo o'ohube.

Aposolo 16:17

Ai Polu hiti lali hiti lemege'i lifito nobuto ma luto sipi kehe i'ehina: Ya'ma bo enali ifo muyagu Hu'mamofihi koko pana'a nehabe. Lenali lenugufatini li lenubuto bilabe lite lu yege nehabe.