Luku 1:7 - Ka Lamana'a Monoꞌi Lu Mu Tifiꞌehina Ka Yabe

⁷ Mone'naya etali yagapana'atiti memine'ahana. Elisapeti namopa minoto yagapana'i meketose mino'ehina. To etali ya litana oyafale mine'aha'ina.

Luku 1:7 ပူးပေါင်းရင်းမြစ်များ

Luku 1:5

To Yutia bona'i enigihiti bo Heloti ai minana kana'agu mono bo mone mino'ehina gi'a Sekalaiya ai Abaisa mono bo nagaluguti liha'a ai Alonihi nagaluguti to ana a'mofihi gi'a Elisapeti yabe.

Luku 1:6

Etali Hu'mamofihi bulo bati hite mine'aha'ina. Etali asaga keya kafi to Sipi Bomofihi kagafi liyafa hite pelesa meise hite fulu li'aha'ina.

Luku 1:8

To mone yupahi Sekalaiya ai ya'ma Hu'mamofihi okabalo mamufa gi emilatamofihi lili'na nolito ana kanagu mono lili'na luga'a ai'amoya liloto mino'ehina.

Romu 4:19

Ana kanagu Abalahau ai lebato 100 foya kana melugu mino'ehina. Ai oyafamofihi gufa'a pisigi'ehigo to liha'a Selahi litana'i huto pana'i meketalina huto mino'ehina. Etugufa'atiti amuya memolo'ehinagi Abalahau ana kagalo ekesa yigito keheli ule'ale huto komopa'a amuya molo'ehina.

Hibulu 11:11

Selau ai namopa litana'i nohigo Abalahau ai keheli ule'ale hulata bo minoto oyafa loloto yagapana'a ketalina kana'a su hago amuya emigo yagapana'a hiti hu'ehina. Hu'mau ya'ma bulo lu emilago legeya'a huto hulata nohina bouba lu huto hibe luto keheli amuya moloto ya suhi lolo hu'ehina yabe.