Luku 1:46 - Ka Lamana'a Monoꞌi Lu Mu Tifiꞌehina Ka Yabe

⁴⁶ To Maliau ai lu'ehina: Nipa'niuba Sipi Bomofihi gi'a li saga nohibe. Nipa'niuba Hu'ma kumu yege nofibe.

Luku 1:46 ပူးပေါင်းရင်းမြစ်များ

Romu 5:11

To ya'ma anasigo meni'ibe. Yesu lali hiti Hu'ma hiti lele'mo hepito lalu'agita lolo hu'ehigo ya'mu luto lali sipi legelo nobune.

1 Koliti 1:31

Ya'mu kaga mone mono bukugu ma lite fayahi keye'ahana ya'ma ule'ale hilibe: Lenali fokehi lilune'mu nehana bona'magi Sipi Botiuba hu lepolo'ehina'amofihi fokeha'a lilo.

2 Koliti 2:14

Akae. Hu'mamofihi legelo bi emilune. Hu'mau ai'a Kilisitotoga lele'mo hepilago ai foipana he'mi leto'ehina'mu fokehi hoto kanipo filata nohuto'a megesa'alo lele'mo leli'ali nohina yabe. Ya higo lali noto notoga buto ka'a lu noepinogo ana kagauba hetofa tu'a tili tele huto nobina suhi huto noto noto i futili huto nobibe. Ya'mu lali Hu'mamofihi keke'i lu etoto legelo bi emilune.

Filipai 3:3

Ya'ma lugufati laga hilutauba Hu'mamofihi yagapana'i lele'mo lolo hilina meni'ibe. Lali Hu'mamofihi yagapana'i nohuta bona'i ya'ma lugufalo hu'ohutanamomu'i lamana huto minalune luto menolune. Lali Hu'mamofihi Sikalafu'uba nolehe'menogo Hu'mamofihi agoya emilata nohuta to Yesu Kilisitou lele'mo mino bati higo legelo bito nohuto nominone.

Filipai 4:4

Lenali asaga yupahi Sipi Bomofitoga i ke'mete yanamofihi komopa'agu minete lenegelo bite minalo. Nani aku'i lenegekesa lito lilube. Komopatinigu haya inogo minalo.

1 Tesalonika 5:23

To Hu'mau fulunamofihi afo'afu ai'a lusi bona'a lenele'mo lolo hu su holoto, to lenele'mo bati bati hulenogo komopatini lenemehatini lenugufatini bati hinogo minenogo Sipi Boti Yesu Kilisitou nehetilina kana'alo kolo tanana meminenogo minalabe.

1 Pita 1:8

Lenali Yesuhi meha'a bu mege'ehite sibi komopatini keheligopa hilata nehabe. To lenemehi emilata nehana yabe. Yatai kanagu ya'ma lenubutinitu ai'a bu mege'ehite ai kumu sibigopa keheli ule'ale hite neminabe. Ya nehite lenegelo bite laga'a fato'mofihi bona'magita lenabagaguti lu huto hilata menehanamo ya'ma kehelilata nehabe.