Luku 1:17 - Ka Lamana'a Monoꞌi Lu Mu Tifiꞌehina Ka Yabe

¹⁷ Ai Hu'mamofihi ka'a leli'ali bo legi huto bilina'mu ya'ma lu yege hose bo Elaiya suhi huto amuya bo hilibe. Ai afo'anigi yagapana'ani aku'i enele'mo nupa hilina to ai ana huto kegeiyo bona'i komopa'ani li gelehe hinogo komopa'ani bebe sana bona'magihi hapa'ani lilabe. To ai Hu'mamofihi bona'a enele'mo kosaba hinogo Hu'mamofihi geba hite alina'mu minalabe.

Luku 1:17 ပူးပေါင်းရင်းမြစ်များ

Matiu 11:14

To lenali keheli bati hilunemo'mu keheli bati hilo. Yoniu ai'ya Elaiyau yabe, ai ya'mana bo alibe luto lu'ohuta bo yabe.

Matiu 14:4

Yata'a Yoniu nagami folo epolose Heloti kumu'i bati mehina suhi luto ma a'i li'ahane luto lu emi'ehina yabe.

Matiu 3:3

Hu'mamofihi baga'a lu huto huto bo Aisaiyau liyafa huloto ma luto Yoni kumu'i lu'ehina yabe: Bona'i menehanaga meluguti bo mone'mofihi bagaguti ma luto nolibe: Sipi Bomofihi kapo'a li loloba hi etalo. Kapo kuyugu hu'ehilina li fu nelite li yuhufana hi ete'ehinogo ai analo kapo malalibe.

Matiu 3:4

Yoniu gukete'a hepilata hina kameli yaga oka'a gukete hepito humofa'na hu'ehina. To gilimi'a fatipagu ilata hinaya yaga gufa'atu lolo huto i'ehina yabe. To kenu'i hiti to lopi upe'i fi'ehina'a hiti nose'na'a nolata hu'ehina yabe.

Luku 1:16

Ai Isilaeli boana'i asaga'i enipa'ani li gelehe hinogo enali Sipi Bo'ani Hu'mamofitoga bilabe.

Luku 1:76

Pana'nise, enebe ligi'ehina bo Hu'ma, ai'a kaga lu yege hose bo'a huto hilane. To ya'ma gi'a kai kumu bona'magi molo ketalabe. Kai yata'a kohe toto lili'na lito bulotoka Sipi Bomofihi kapo'a li hokolo hilane.

Yoni 1:13

Enali Hu'mamofihi yagapana'a lolo hi'ahana ito'anigihi afo'anigihi enugufa enemeto meni'ibe. Hu'mau ai'a yagapana'ni yabe luloto afo'anifu nohibe.

Yoni 1:34

To nani anana abu go'ohube. Ana bo Hu'mamofihi pana'a nohibe lu nolepube, luto Yoniu lu'ehina yabe.

Yoni 3:28

Koyapa'i kaga mone ma luto lu lepi'ohunamo lenalitini akeheli'ahabe. Nani Mesia'ita menohunaya Hu'mau nele'mo kohe to etoto noho lifigo o'ohube.

Aposolo 10:33

Ya'mu luto kaitoga mele'isi enoho lufugo bi'ahanamo kai bati huto a'noane. To Sipi Bouba lu kabagalo melenogo lilata kaga lali kehelilune luto Hu'mamofihi bulo li gehesa huto nohune luto Koniliasiu Pitahi lu emi'ehina yabe.

Romu 9:23

To bona'i mone'amagihi fana meha'agu enele'mo moloto keke'i lu epoloto minalina ana huto ai foya'a yabe. Ai ya huto lalimo Yuta bona'magitogati fegutoga bona'magitogati mone'a kehe ito lele'moto fuluna'a limito komopa'a lalitoga fi limi'ehina. To henabe lutobe? Asaga bona'magi ai'a fana meha'a sipina ni'ina'mu enali kehelite fokehi lilabe.

Kolose 1:12

Lenali asaga yupahi Hu'mamofihi gepohi lite bati huse ka lu emite enegelo bilata nehilo. Ai afotifu lele'mo bati hu'ehigo ai'a fana tose kapo'a huto hulenogomo anagu minete ai'a bona'a hiti bati hu'ehinana'a fato fato'na lilune.

2 Timoti 2:21

To bona'i mone'amagi ya'ma sibi sabana li he'milete ya'ma enali komopa'ani gulu gulu lilinamagi lape'i lamana'a suhi huto lolo hilenogo nohi afo'afu Hu'mau lusa gito enele'mo ho tito fi hetofa hulenogo fato fato foya yamofihi li etalune'mu habe.

1 Pita 2:9

Ya hu'ehinaya lenali ya'ma lenele'mo eto hu'ehina bona'i yagi gihiti bomofihi mamufa gi emilatana bona'i lolo hite hetofa kapolo tite nupa hi'ahana bona'i to Hu'mamofihi naga'a lolo hite nehabe. Lenali kumu kehe ito metepuguti buyu huto lenele'moto hetofa fana tose'namofitoga lenele'mo molo'ehina yabe. Lenali Hu'ma ai hetofa hatofa hapa'a lu huto hinogo i futili hilabe. Ya hilabe luto lenele'mo'ehibe.

1 Yoni 2:28

Palala'ni pana'nimagitabe, lenali komopatini bati hinogo minete Kilisitou ai nehetilina kana'a huto hu lamana nohinogo koli mehise amuya melete nehago olenogo lubuya mehuse minalune lite ai'a komopa'agu minalo.

Huto Hilina Ka 20:4

To nani sekele mamu'a hiti kefa hisa babu luto ni'igo bu go'ohuna. Bu nogogo bona'i ya'ma heneti su hete kefalo ya'ma minete bila ela he'ahana enali lube laga hibe foya lilabe luto lu epolo'ehina. To Yesu luto lu'ehina ka'a hiti Hu'mamofihi ka'a enelesa meligo lu yege he'ahago lubaha'ani emitatu laga hi'ahana enali enemeha'ani bu go'ohuna. Enali akafu yagakafa ai'a to meha'a enalapusa fite enofokehi mehana'a to ai omiha'a ya'ma enogobisalo to li enayanugu memele'ahana'a bu go'ohuna. Enali'i lubaha'ani laga hi'ahanaguti aku'i ho tite minete Kilisito hiti enigihiti bo foya nelinogo kufu moneko tauseni bilina'mu yabe.