Kolose 4:3 - Ka Lamana'a Monoꞌi Lu Mu Tifiꞌehina Ka Yabe

³ To lali kumu luto loka nehete Hu'mau ai ka lamana'a suguna ka'a Yesu Kilisito kumu ana kaga babu bona'i lu epiluta kapo hokolo hu letalibe lite loka halo. Nanimoya yatai ana ka lamana'a lu yege hose'na'mu naga'i li'ohuna yabe.

Kolose 4:3 ပူးပေါင်းရင်းမြစ်များ

Matiu 13:11

Ya nelago Yesu lu epi'ehina: Nani Hu'mamofihi Kapo'amofihi suguna ka yamofihi hapa'a lu hokolo hu lepolo'ohuna to lenali ya'ma kagaya keheli'ahabe. Aku'i enali'i ya'ma kamofihi meenelepise nohugo mekeheli'ahana.

Aposolo 14:27

Etali Atioki hepalugu nehetilete Yesutoga komopa'ani melete neminana bona'i kehe i nupa hilete Hu'mau etali'i kaba hu etoto'ehina hiti to fegutoga bona'magi kapo'ani li hokolo higo enali hiti ana hite aitoga komopa'ani mele'ahanamofihi kaga'a lu epi'aha'ina yabe.

Romu 16:25

Lali Hu'mamofihi gi'a liyafa hilune luto nolube. Ai kehelise'natini le'mo amuya hinogo lenali loe lae mehise aitoga ule'ale hite minalabe. Yesu Kilisito kumu ka lamana'a nani lepi'ohunana ya ni'ibe. To ana huto Hu'mau koyapa kanagu suguna ka mone emasana fala ki'ehinamofihi yatai Sipi Botiuba hepa'i kugumato li huto hu'ehina ka ya'ma lu hokolo hu lepolo'ehina yabe.

1 Koliti 16:9

Ya'maga Sipi Bomofihi ka'amofihi kapo'a bili etoto foya'ni huto higo nolugo legeya'a holata nohibe. To ka lamana'amofi kumu fatehe bo'a babu lite nehabe.

1 Koliti 4:1

Lenali lali kumu kehelinogo Kilisitohi lili'nalo bo'a to Hu'mamofihi suguna ka'a kaba huto leli'ali bo lolo nohuta kehelilo.

2 Koliti 2:12

Nani Kilisitohi ka lamana'a lu yege halube luto Toloasi hepatoga nonehetugo Hu'mau ai'a kapo li hokolo hu netago keheliloto'ni bo mone nalalu'nifu Taitasiu ai meago yabe luto sa sa huloto'ni negekesa loe lae higo ana hepato bona'magi nayahi epito he'mi epoloto Masetonia kapoga buto sa hilube luto bu'ohuna yabe.

Efeso 3:1

To ya huto ni'igo Poluita nani Kilisito kumu yabe luto ya'ma fegutoga bona'i lenalitoga ka lamana'a lu lepi'ohunamu'i naga nonugu nele'mo mele'ahana ni'igo nani lenali kumu afotifihi loka nohobe.

Efeso 3:3

Hu'mau ai suguna kamofihi hapa'a lu huto huto lu nimi'ehinamo ni'ibe lite akeheli'ahanamo ni'ibe. Anana'mu luto ya'ma kohe toto hupa mone'isi fayahi koyoto lepi'ohunamo ni'ibe.

Efeso 3:4

Lenali ya'ma leka sete nekehelite nani Hu'mau suguna huto Kilisito kumu lu'ehina suguna ka'amofihi hapa'a ya'ma komopa'nitu keheli fotogo huto kehelilatana to bu go'ohuna'a lenali kehelilabe luto ana fayahi koyoto lepi'ohunamo ni'ibe.

Efeso 3:9

To Hu'mau suguna kamofihi hapa'a ai foya'a lito li su halinamofihi hapa'a ya'ma nani'ni lu huto huto nohugo bona'i kehelilabe luto nele'mo'ehinamo ni'ibe. Ya'ma Hu'mau ana'ina silaga'i li huto hulata nohina bouba koyapa koyapa'i ana suguna ka hapa'a ai'a komopa'agu fala kito minomo buto mino'ehibe.

Efeso 4:1

To ya higo nani Sipi Bomofi kumu luto naga nonugu nohunamofita lenegekesa lito lu lepilube. Hu'mau lamana hite minalabe luto lenele'mo'ehinamofihi hapa'a mege'i melete lamana hite minete lite hilo.

Filipai 1:19

To lenali nani kumu yabe lite kehelite Hu'mamofitoga lilata hi'ahana foya lilenogo to Yesu Kilisitohi Sikalafu'auba nele'mo bati hulenogo bati huto minaluna nasana li huto molo netalube'mu hibe. Komopa'nigu ya'ma luto kehelito keheli bati huto minalube'mu hube.

Filipai 1:7

Lenali komopa'nigu mine'ahanamo ni'inagihe. Nani lenali asaga'i ma luto keheli lepilata hu'ohunamo bati nohibe. Nani maga naga nonugu nohugo to ka lamana'amu yabe luto ka foya lito li hetofa huto nolugo lenali hiti nani hiti moneko nohuto Hu'mamofihi lehe'mose'na'a guna moloto lito minolata nohune.

Kolose 1:26

Ana suguna ka koyapa bona'magihi lu meepise mino'ehinaya to yatai lali aitoga komopati nobina bona'magi kumu lu hokolo hu noletabe. To lenali fegutoga bona'i aitoga neminamagi kumu lu hokolo hu lepalalibe. Ana suguna ka henana ni'ibe? Ma ni'ibe. Kilisitou lenali komopatinigu nominenogomo lenali Hu'mamofihi fana meha'agu minalabe.

Kolose 4:18

Nani Poluita nani'ni nayaha'nitu fayahi koyoto ma luto nolepube. Nalalu'nigita nehafiye? Nani ya'ma noluto to naga'i li'ohunaya lenekesu meheno. Hu'mamofihi lenehe'mose'nauba lenalitoga mino moloto mineno.

1 Tesalonika 5:25

Lalalutigita, lali kumu yabe lite kehelite Hu'mamofitoga nunumu lite minalo.

2 Timoti 1:16

To Sipi Bouba ai Onesifolu ai lalameha'a ginaga fi epino. Hena'mube? Nani ma naga nonugu mino'ohunalo ai lesa meligo kana'amu kana'amu oto nipagu keta hu'ehina li hetofa hu neto'ehinamo ni'ibe.

2 Timoti 2:9

Ka lamana'a yamofi kumu yabe luto amuya'a hiti nasana ligo kalana'i molo nete'ahana'mu keke'i luse'na kehelito kofilata nohube. Ya nohuto kegeiyo bo legi huto seni naga'i nimilago nohunaya Hu'mamofihi ka'a ya'ma naga'i meemi'ahanamo ni'ibe.

2 Timoti 4:2

Kai ya'ma mono ka lu yege hoto lu epilata ya'ma bona'i enali kumu kebesilina'a mekebesilina'a asaga kanagu sibigopa lu epibo. Enegekesa lito, sibina hilana'mu ka epekito enele'mo bati huto komopa'ani enele'mo babahi huto mono ka lu epiba epiba huto kosele'i mekehenogo enele'mo lehe talane.

Filemoni 1:22

To mone kaga hiti lu nokumube. Lenali ya'ma nani kumu Hu'mamofitoga lilata nehana'mu yabe luto Hu'mau nele'mo gelehe hulenogo lenalitoga bilube luto fifa noube. Ya nehago kai hasa mone noha'ni li bati hu netalane.