Kolose 4:18 - Ka Lamana'a Monoꞌi Lu Mu Tifiꞌehina Ka Yabe

¹⁸ Nani Poluita nani'ni nayaha'nitu fayahi koyoto ma luto nolepube. Nalalu'nigita nehafiye? Nani ya'ma noluto to naga'i li'ohunaya lenekesu meheno. Hu'mamofihi lenehe'mose'nauba lenalitoga mino moloto mineno.

Kolose 4:18 ပူးပေါင်းရင်းမြစ်များ

Romu 16:20

To hupa mone kana bulenogo Hu'mau komopatigu fuluna'a limi'ehina bouba ma'asi lenele'moto lenigigusatu Satahi iti kalana'mu yabe. To Sipi Boti Yesu lehe'mose'na'a lenalitoga minalibe luto nunumu nohube.

Romu 16:22

Nani Tetiasita, Poluhi baga'aguti kaga ma noligo fayahi koyolata bo Sipi Boti'mu yabe luto lenebe notugube.

Romu 16:23

To nalalu'nifu, Gaiyasiu nehafihe luto nolibe. Ai'a noha'agu Kilisitohi naga'i mone'amagi li nupa hilata nehana. To Elasatu gamanimofihi efahi kaba bo, to gonamu tamu bo mone Kuotasi hiti lenali kumu nehafihe lite nela'ibe.

1 Koliti 16:21

Nani Poluita fayahi koyolata osahi nehe'mose bona'nimofihi yanuguti lito nani'ni keketini nolu lepoloto fayahi ya'ma nayaha'nitu koyo su nohobe.

Filipai 1:7

Lenali komopa'nigu mine'ahanamo ni'inagihe. Nani lenali asaga'i ma luto keheli lepilata hu'ohunamo bati nohibe. Nani maga naga nonugu nohugo to ka lamana'amu yabe luto ka foya lito li hetofa huto nolugo lenali hiti nani hiti moneko nohuto Hu'mamofihi lehe'mose'na'a guna moloto lito minolata nohune.

Kolose 4:3

To lali kumu luto loka nehete Hu'mau ai ka lamana'a suguna ka'a Yesu Kilisito kumu ana kaga babu bona'i lu epiluta kapo hokolo hu letalibe lite loka halo. Nanimoya yatai ana ka lamana'a lu yege hose'na'mu naga'i li'ohuna yabe.

2 Tesalonika 3:17

Nani Poluita nayaha'nitu fayahi ma nokoyobe. Nehafihe? Nani'ni nigi'ni yabe luto ya'ma koyo'ohube. Nani silaga kana'a nani'ni su halina fayahi ya huto huto koyolata nohube. Nani hapa'ni ya ni'ibe.

1 Timoti 6:21

Yana'mu bona'i mone'amagi ya'ma keheli fe lise'na kagalo bite i hepilete lali mono ka bu go fulu tiloto akeheli su ho'ohune nelana enali lusi mono ka ahe'mite lamana'amofihi kapogu sa sa hite mebilata nehana yabe. Hu'mamofihi lehe'mose'a yamofihi lenalitoga mino moloto mineno.

2 Timoti 1:8

Ya'mu'i Sipi Botimofihi ka lamana'a lu huto hilata'mu kubuya mehino. Ya huto ai kumu yabe luto naga nonugu nohugi yamofihi nani kumu kubuya mehino. Hu'mau ai amuyana'a kimilenogo ka lamana'amu yabe kalana'i mele ketenogo kai hiti ananamofihi gupisa'alo fa'mene minobo.

2 Timoti 4:22

Sipi Bouba kaitoga meha'a hiti minalibe. To Hu'mamofitogati lehe'mose'na lenalitoga mino moloto mineno.

Taitasi 3:15

Nani hiti nehana bona'i enali asaga'i nohapihe lite keke'i neli ketabe. To enali mono kamu'i kehelite enemehi limilata nehana bona'i nehafihe luto ka lu epito keke'i nolu epolone. Hu'mamofihi lehe'mose'nauba lenalitoga mino moloto mineno.

Hibulu 13:25

Hu'mau lehe'mose'na yauba lenalitoga minomo buto mineno.

Hibulu 13:3

Lenigibo lenagabo, mono kumu yabe lite lalutimagihi naga nonugu enele'mo mele'ahana'a enali kumu kehelite ana naga nonugu lali minaluta suhi hite nehabe lite kehelite lenekesu meheno. Ya nehite luga'a enele'mo sibina sabana hi epele'ahana'a enali kumu keke'i luse'namofihi komopa'agu neminana'a ya'ma lenali ana hite keke'i luse'na'ani lenugupisalo suhi huto ti'ehina'a kehelite enali kumu lenekesu meheno.