Kolose 4:17 - Ka Lamana'a Monoꞌi Lu Mu Tifiꞌehina Ka Yabe

¹⁷ To mone bo, Akipasi, ma lite lu emilo: Sipi Botiu kimi'ehina lili'na yamofihi mehe'mise li baga ibo.

Kolose 4:17 ပူးပေါင်းရင်းမြစ်များ

Matiu 25:17

To kaba bo'auba 2,000 kina emi'ehina bouba ana huto bisinisi mololoto aku'i 2,000 kina molo emito mone'a hiti efahi huto li'ehina.

Aposolo 1:17

Koyapa'i Yutasiu ai lali hiti moneka minototi ai hiti ya'mana lili'na moneka li'ohuta yabe luto Pitau lu epi'ehina yabe.

Aposolo 14:23

To asaga Yesuhi kaga'a kehelise bona'magi folagaha'aniguti kaba bo'ani mone enele'mo ho tila ho tila hi'aha'ina. Etali nose'na mo site minete nunumu hu epelete Sipi Bomofitoga komopa'ani molo emite minanamofihi yanugu enele'mo molo'ehina yabe.

Aposolo 20:28

To lenali Hetofa Sikalafu'uba kaba bona'i minalabe luto lenele'mo ho ti'ehina bona'i, lenali Hu'mamofihi naga'i kaba hi epalalo. Ai'a golaha'aloti mina fi'ehina bona'i to sipisipi kaba bo suhi huto kaba hi epalalo.

Efeso 4:11

To hetofana limi'ehinamofihi hapa'a ma ni'ibe. Kilisitou lehe'mose'na'a fato fato'na limi'ehina ni'ibe. Lali luga'a aposolo lele'mo molo'ehinamo ni'ibe. To luga'a ai ka'a lu yege holata bo, to luga'a ya'ma ai'a ka leli'ali bo, to luga'a babafi minete ya'ma ka lamana'a lu ha'i fise bo, to luga'a mono kaba bo, lele'mo molo'ehinamo ni'ibe. Ana fato fato lili'nalo lehe'mose'na'a limi'ehina ni'ibe. To hena'mube? Lali Hu'mamofihi bona'a nohutamagita lili'natilo lele'mo amuya nohutamagita lele'mo hofa to su halibe luto yabe.

1 Timoti 4:14

Kohe toto ya'ma ka lu huto huto bona'i kaga'ani kai kumu li'ahanalo ya'ma mono olopa bona'i luga'a enali enayahi latahakalo melete lusa negi ketago hetofa Sikalafu'uba mono'mofihi amuya'a fi hele hu keto'ehinamofihi lamana'a sibi hu laligi mino hetofa huto kaba huto minobo.

1 Timoti 4:16

Kaika hapaka kaba huto to mono ka lu epilata kaga amuya'a hiti kaba huto kaga nokumuna amuya moloto lito minalane. Ya hilata ya'ma kai kaka kehelilata nehana bona'i to kaika hiti mino bati hinogo Hu'mau lenubuto bilibe.

1 Timoti 4:6

Keheli amuya mololata nohuta kaga'a to mono kaga lamana'a ya'mu luto buto i hepi'ohuta yanauba komopakamofihi legeya'a lolo huto ni'inogo kai ya'ma Yesuhu naga'a minanamagihi ya'ma lu nokumuna kaga lu epilane. Ya'ma lu epito enele'mo lamana hilata ya'ma Yesu Kilisitohi hetofa lili'nalo bona'a minalane.

1 Timoti 6:20

Oho, Timotio. Ya'ma amuya nasana Hu'mau ya'ma kimi'ehina'a kaba hu bati huto lito minobo. To fa'mene kaga futu'a ya'ma bona'i luga'amagi lite nehite lali mono ka pelesa ilete ma lite lilata nehabe. Ananamofihi hapa'a akeheli su ho'ohune lite faga hiti enegekesa keheli sibina hilata nehabe. Ya'ma enali kagamofihi li he'mi'ohubo.

2 Timoti 1:6

Anana'mu keheliloto'ni lu'ohuna ka'a ya'ma aku'i kehelilane Nani koyapa'i nayahi latahakalo molo'ohugo lusa negi ketago Hu'mamofihi mono ka'amofihi amuya fi hele hu keto'ehinamofihi ya'ma kaba hu bati huto amuya moloto minomo tito minetogo logo libi suhi huto lolo hino.

2 Timoti 2:2

Silaga bona'magihi enubulo minoto kaga silaga'i fi lehe toto lu lepi'ohunamo yamofihi bona'i luga'amagi kumu kehelite amuya mele'ahana bona'i nehinogo ana kagaya lu hetofa hu epeletogo ana suhi hite bona'i lug'a kaga enelepilabe.

Filemoni 1:2

To letalitifu Afia yagi to mono foyalo amuya moloto lilata nohina panati, Akipasi to kai nohakagu mono kalo li gehesa hilata nehanamo boana'i yagi ya'ma moneko fayahi koyoto nolepu'ibe.