Kolose 4:12 - Ka Lamana'a Monoꞌi Lu Mu Tifiꞌehina Ka Yabe

¹² To lenali bonatini mone gi'a Epafalasi ai Yesu Kilisitohi lili'na bo'a lolo hu'ehina bouba ana huto lenali kumu nehafiye luto nolibe. Ai asaga kanagu lenali Hu'mamofitoga loe lae mehise ule'ale hite minete agoya hi emite minalabe luto nunumu huto amuya moloto Hu'mamofihi loka hoto nominabe.

Kolose 4:12 ပူးပေါင်းရင်းမြစ်များ

Matiu 5:48

Ya hu'ehinagi lenali asaga yupahi hetofanaguti minete hetofa foya lite bebe sete kokulumalugu Afotinifu hina'a hite minalo, luto Yesu lu epi'ehina yabe.

Luku 1:1

Oho, Tiofilusi, nalalu'niga. Babu bona'magi lalitoga huto hu'ehinamofihi kaga'a fayanugu ge'ahana yabe. Enali enubuguti bu ge'ahana to Hu'mamofihi kaga'a lu hokolo hi'ahana bona'magi lu epi'ahago fayahi keye'ahana yabe.

Luku 22:44

Yesuhi sipi keta besilago mone'a hiti nunumu hu'ehina. Ya nohigo golaha gobi holoto melugu limo i'ehina yabe.

Yoni 12:26

To bona'i moneuba foya'ni li netalube'mu nohuto'a nemege'i malalina'mu yabe. Ana kele kele pana'ni suhi huto nani nominonaga ai hiti minalu'ibe. Ana bo foya'ni netalata nohigo afo'nifu le'mo ho tito sipi gi molo etalibe.

Romu 15:14

Nalalu'nigitabe, lenali lamana bona'i nehite to mono ka keheli fe lite to mono kaga ai lu emigo ai lu emigo hilana bati hite ya nehago yamofihi keheli ule'ale nohube.

Romu 15:30

Nalalu'nigitabe, nani lenogo'na bito Sipi Boti Yesu Kilisito kumu yabe luto to ai'a Sikalafu'uba ginaga fi limise'namu yabe luto kehelilo. Lenali hiti nani hiti moneka nohune luto Hu'mamofitoga nunumu hite nani kumu le'mo amuya molobo lite yamofihi loka he netalo.

1 Koliti 14:20

Nalalu'nigita, fato enonogoguti kaga lulatana'mu yagapana inapupagi suhi hite minete foipa hapa'a mekehelilo. Ya hite, minalanaya yagapana inapupagihi kehelise'na hiti meminalo. Enali kaga keheli fe menelibe. To lenali kaga kehelite le'mo fe lilune lite ya'ma olopa bona'magihi kehelise suhi lilo.

1 Koliti 2:6

To ya huto ni'inaya nani ka keheli bati mehuse liluta ni'ifihe? O'e. Nani lama'naka Hu'mamofihi kagu hofa tete mine'ahana bona'amagi ya'ma keheliya ito kagaguti lu lepilata nohube. To ya nohutaya ya'ma metoga enigihiti bona'i fililete fa'menena lolo hilanamagi keheli fe lite kaga lilata nehana ya suhi huto liluna'a meni'ibe.

2 Koliti 13:11

To nalalu'nimagita, kaga lu su hoto ma luto lilube. Lenali lenipagu keheli bati hite minalo. To lipoti lu lepito kaga ya'ma noluna kehelite komopatini le'mo hetofa hite le'mo lamana hilanagihe. Ya nehite lenalitini komopatini le'mo moneko hilete fulunagu minalo. Ya hilenogo Hu'mamofihi mehi lepise'na to fulunamofihi afo'afu lenalitoga minalina'mu yabe.

Galesia 1:10

Ka noluna ya'ma bona'magi bu gete laga'a kehelilabe luto nolufihe? O'e. Hu'mau ai'a bu genogo bati hilibe luto ya'ma nolube. Nani ya'ma bona'magi nani kumu kehelinogo tilibe luto foya ya'ma nolufihe? O'e, to nani bona'magi nani kumu laga epesilina'mu sa sa nohufiye? O'e, Ya'ma hutita Kilisitohi kele kele bo'a lolo huto meminotita'mu yabe.

Galesia 4:19

Panana'nimagita, nani lenali kumu luto keke'i luse aku'i nokehelube. Ana'magi yagapana'i ketalune'mu nehite keke'i lilata nehana, ya suhi huto keke'i luse'na sipi aku'i nokehelube. Kilisitohi babeyafa'a suhi huto lenalitoga huto hilibe luto lenali kumu kehelugo keta nebesilata nohibe.

Kolose 1:28

Hapa'a ya huto ni'inagi le'ali Kilisito kumu luto kaga lu yege hoto leli huto buto asaga bona'i lu epilata nohu'ibe. Le'ali amuya moloto asaga bona'i lipoti epiloto to asaga kaga lu hokolo hu noepito hulata nohu'ibe. Hena'mube? Enali Kilisitotoga mino hepite bati nehinogo Hu'mamofihi bulo enele'moto bilu'ibe luto nohu'ibe.

Kolose 1:29

To nani ana lili'nalo amuya moloto liba liba nohube. Komopa'nigu Kilisitohi amuya'auba nehe'mago ana lili'na nolube.

Kolose 1:7

Lalalutifu gi'a Epafalasiu le'ali hiti Yesuhi lili'na hetofa huto nolina bo to Hu'mamofihi kagamo yata'a lu lepi'ehina bouba yatai lalitoga nehetito Hu'mamofihi Sikalafu'auba enele'mo fulu hu'ehigo enali koguna ite minete ai kaba hinogo ai kaba hinogo hilata hite neminana yabe luto lenali kumu ya lu le'emi'ehina.

Kolose 1:9

To kehelilototi'a yalo Hu'mamofihi lenali kumu loka hoto minolata nohu'ibe. Ai lu keheli'ehinanamofihi lenelepilibe luto loka noho'ibe. To ai Sikalafu'uba lenele'mo eto hinogo bati hite to keheliya ise'natini asaga'i hokolo hilibe luto loka noho'ibe.

Kolose 4:9

To lenali bonatini mone gi'a Onesimasi loe hiti bila'ibe. Onesimasiu ana huto lalalutifu nohuto kosele'i mehose Hu'mamofihi lili'na bo'a lagati lebesina bo nohibe. Ana loe bole lenalitoga bilete ma hepatoga huto nohinana'a asaga'i lu lepila'ibe.

1 Tesalonika 5:23

To Hu'mau fulunamofihi afo'afu ai'a lusi bona'a lenele'mo lolo hu su holoto, to lenele'mo bati bati hulenogo komopatini lenemehatini lenugufatini bati hinogo minenogo Sipi Boti Yesu Kilisitou nehetilina kana'alo kolo tanana meminenogo minalabe.

Filemoni 1:23

Yesu Kilisito kumu yabe luto naga nonugu mino'ohu'ina bo, nalalu'nifu Epafalasi lenali kumu keke'i nolu lepalabe.

Hibulu 5:14

Nose'na amuya melete yamofihi olopa bona'magi enali nasana ni'ibe. Enegekesa komopa'ani hokolo higo foipanamofihi bati'namofihi hapa'a keheli bebe sete nehana enali nasana ya ni'ibe.

Hibulu 5:7

Yesu ai metoga mino'ehina kana'alo Hu'mamofihi kehe sipi igo bu nogoya nolimigo sipi nogo moloto buka tito ya'ma fili'ehinaguti le'mo gelehe higo yamofihi buto bise bo, Hu'mamofihi amuya moloto loka ho'ehina yabe. Ya higo Hu'mamofihi maha'aluga limito mino'ehina'mu luto to agoya hu emise'namu Hu'mau keheli emi'ehina.

Yemesi 1:1

Nani Yemesita Hu'mamofihi koko pana'a to Sipi Bo Yesu Kilisitohi pana'amofita nani'ni fayahi nokoyobe. Lenali Isilaeli bona'magihi naga'i nayahi luga luga su hoto nigigusaga loemo leke ho malago tili tele hite bi'ahana bonatogati Yesuhi naga'a lolo hi'ahanamagihi keke'i lu epoloto ya'ma fayahi nokoyobe.

Yemesi 1:4

Kalana'i nemele lepelenogomo fulu hite ule'ale hite minalana yamofihi komopatinigu mone sibina mehise bati hinogo mino lite bite minalana'mu yabe.

Yemesi 5:16

Hu'mau lele'mo ye kalibe lite nelitemo foipanatini ai he'mi etenogo ai he'mi etenogo lu hokolo hite Hu'mamofitoga lilo. Bati hite minalana bona'magi Hu'mamofitoga loka hete ya'ma ana'ina lamana'a lilana'mu yabe.

2 Pita 1:1

Simoni Pita nani Yesu Kilisitohi koko pana'a to aposolo nohuna bo, nani fayahi ya'ma nokoyobe. Afotifu, Hu'ma lamana hiti nohina bouba to Yesu Kilisitou lubuto bilata bouba lenele'mo bati higo lali suhi hite aitoga keheli ule'ale hilata'na mina'a suhi huto tito nohina'a bona'ise. Ya'ma koyoto nolepube.

Yute 1:24

To Hu'mau lenele'mo hetofa hu'ehigo lele'mo laba hi lalabe lite sekele mamu'a hiti fana mehena'alo foipanatini meminenogo ya nehinogo gobisa'alo lenegelo bise'na hiti amuya'a hiti lenele'mo malalibe.