Kolose 4:11 - Ka Lamana'a Monoꞌi Lu Mu Tifiꞌehina Ka Yabe

¹¹ To Yosua mone gi'a Yasatasi ai ana huto lenali kumu nolibe. Enali ya'ma loebe monebe bona'magi enaligo Yuta bona kegi'agati ete Hu'mamofihi kapo'a lili'nalo nehe'mete neminabe. Enali amuya melete nehe'melatanamo sipi'a ni'ibe.

Kolose 4:11 ပူးပေါင်းရင်းမြစ်များ

Aposolo 10:45

Yuta bona'i Hu'mamofitoga komopa'ani emise bona'i luga'a Yopa hepatoti Pitahi mege'i e'ahanamagi fegutoga bona'magitoga Hu'ma fokehena Sikalafu'i epina be gelete topa he'ahana yabe.

Aposolo 11:2

Pitau Yelusale tilago fegutoga bona'i enugufa laga huse'nalo amuya nemalana bo luga'amagi ka emeki'ahana.

Romu 16:3

To alobole loemo Akuilagi to Pilisikagi neha'ifihe luto koyonamo lu etimilo. Etali hiti Yesu Kilisitohi lili'na moneka li'ohuta yabe.

Romu 4:12

To Abalahau ai ana huto bona'i luga'a enugufa'ani laga hi'ahanamagihi afo'anifu nohibe. Enugufa'ani laga hi'ahana yamofi kumu afo'anifu nohifiye? O'e, Yata'a Abalahau gufa'a laga mehu'ehina kanagu Hu'mamofihi keheli ule'ale huto mino'ehina suhi luto enali neminana'mu afo'anifu nohinagihe.

2 Koliti 6:1

Hu'mamofihi le'mo bati nehana bona'i lali lenegekesa lito ma luto lu lepilata nohune. Hu'mamofihi lehe'mose'na'a molo lepalalina buto fa'menena lolo mehino.

Efeso 2:11

Lenali koyapa'i fegutoga bona'i mine'ahana lenegekesu meheno. To yamofihi kana'agu Yuta bona'magi enali Hu'mamofihi keya'i kumu yabe lite enugufalo laga hi'ahana hiti mine'ahana lenali kumu fayahatini meni'ina bona'i nehabe lite mega enugufalo faya kumu li'ahanamo ni'ibe.

Filipai 4:3

To foyalo bo nalalu'nigita, lamana'a lenali ya'ma ana'ate loemo ya'ma etele'mo bati hubo. Etali hiti Kelemeto hiti to nalalu'nigi luga'a hiti ka lamana'amofihi ginaga fise foyamu'i fi hetofa hi nete'ahanamo ni'ibe. Hu'mau ya'ma enali hiti enubuto bi'ehigo minoba minoba huse bona'i enali kumu enigi'ani mone ai'a bukugu fayahi koyo'ehina yabe.

Kolose 4:7

Lalalutifu mone gi'a Tikiku nani lenalitoga ho lifilube. Ai ana huto Sipi Botimofihi lili'na bo nohuto kosele'i mehose nehe'molata nohina yabe. Ai lenalitoga buto lali kumu lu lepilenogo kehelilete komopatini keta holatana'mu babahi huto higo lenali lenegelo bilabe.

1 Tesalonika 3:2

To Hu'mamofihi koko pana'a lalalutifu, Timotihi ho lufugo he'mi netoto lenalitoga bilibe luto lu'ohuna. Kilisitohi ka lamana'a lulata nohina bouba monolugu lenele'mo babahi hilibe luto to lenele'mo amuya hilibe luto,

1 Tesalonika 3:7

Lalalutigita, komopatigu lagabu'namofihi komopa'agu to keke'i luse'na yamofihi komopa'agu nohuto lenali Kilisitohi keheli ule'ale hi'ahana ka'a keheliloto komopatigu bati huto babahi hibe.

Taitasi 1:10

To bona'i luga'amagi yege yege'i ka lamana'a lu epi'ohuta'mu enipakafa nehabe. Fa'mene kamu'i li muyalo malo hite enimi'i mololata bona'i nehabe. Yuta bona'i enalitogati Kilisitohi ka lamana'a keheli'ahana bona'i mone'amagi aku i behe hite fato kaga enelepite minete lite ya hilata nehabe.

Filemoni 1:1

Poluita nani Yesu Kilisitohi ai kumu yabe luto naga nonugu nohuna bomofita to lalalutifu Timotiu hiti nani hiti nohutoti'a ya'ma fayaha nasana koyoto nokumube, Oho, Filemonio, komopati'a kimi'ohu'ina bose. Lali hiti moneko foyalo bo nohane.

Filemoni 1:24

Ya huloto moneko foyalo bo Maki, Alisitaka, Temasi to Luku enali ana suhi hite nehafihe lite keke'i neli lepalabe.