Kolose 3:4 - Ka Lamana'a Monoꞌi Lu Mu Tifiꞌehina Ka Yabe

⁴ To alihi Kilisitou lali minose bihati nohina bouba fana meha'a hiti aku oto nehetilenogo lenali ana hite fana meha'agu nehetilabe.

Kolose 3:4 ပူးပေါင်းရင်းမြစ်များ

Matiu 13:43

Ya'mana yupahi Hu'mamofitoga komopa'ani melete minalana bona'i enalitoga yege legi huto Afo'anifihi hepa'aloti fi besa lo epalalina'mu yabe. To lenali bomagita lenekesa ni'inogomo keheli bati hite kehelilo.

Luku 17:30

Kokulumaguti limi'ehina Bo aku alina yupahi yana suhi luto hepa'i kugumato huto'i huto hilina'mu yabe.

Yoni 11:25

Ya ligo Yesu lu emi'ehina: Nanisigo fili'ahana bona'i enele'mo ho tilata bo nohuto mino kosaba huse'na epilata bo nohube. To bona'i moneuba nanitoga keheli ule'ale nohinogo gufa'a fililenogo aku ya'ma bo mino lito buto minalube.

Yoni 14:6

Ya ligo Yesu lu emi'ehina: Ya'ma kapomo nani'ni nohube. To ka lamana'a hiti nohuna to mino kosaba huse'na hiti nani'ni nohube. Ya nohunagi bona'i mone'amagi Afo'nifitoga bilune'mu nohune lite aku i pebisa ho netete aitoga bi menehetilabe.

Yoni 17:24

Ke, Afo'niga. Nanitoga enele'mo molo'ahata bona'i ya'ma enali nani minalunaga mine malalabe luto lu nokumube. Yalo nehite ya'ma me'i huto mehu'ehigo komopaka nanitoga molo'ahata kokulumagu fana meha'a molo neto'ahatamofihi bu go fe lilabe.

Yoni 20:31

Yesu ya'mana sipi lili'na li'ehinamofihi kaga lu lenelepi'ehina'a fayahi koyo'ehinago kehelite Hu'mamofihi Pana'a nohinaya to le'mo ho ti'ehina bo, Mesia nohinaya lenali ya'ma keheli ule'ale hilana'mu to aitoga agoya hu emilenogo mino kosaba huse'na lepilina'mu yabe.

Aposolo 3:15

Ai hetofa bo kapo bati'a lelepito mino kosaba huse hepato lele'moto bilube'mu nohina bo lenali ho fili'ahabe. Ya hilago Hu'mau aku'i kene keliguti le'mo ho ti'ehina, le'ali ya'mananamofihi kaga'a lu yege hose bole nohu'ibe.

Romu 8:18

Nani mana keheli hokolo hu lepoloto Yesu kumu lagabu'i nogigo minaluta yamofihi alihi fana meha'a sipi'a moneuba lalitoga huto hilina be ligilina'mu ya'ma lilune luto lu nolepube.

Romu 8:19

To Hu'mau asaga melugu lolo hu'ehina'a yanagu neminanamagi ai pana'amagihi enele'mo ho tilina yupahi geba hite amuya melelata nehabe.

1 Koliti 1:7

Ya'mu lenali fa'mene Sipi Boti Yesu Kilisito alihi metoga huto hilina'mu geba hite nehite Hu'mamofihi kamofihi legeya'a mone lenebe meligise lenalitoga ahuto hu baga i'ehina yabe.

1 Koliti 15:43

Keli hose'na ya'ma futu'a ni'ibe. Gololo tise nasana ya'ma silikeha'a hiti ni'ibe. Keli hose'na ya'ma lapa mebinana ni'ibe. Gololo tise'na ya'ma amuya'a hiti ni'ibe.

2 Koliti 4:17

Metoga kalana'i mele letalana nesi'a yamofihi su halina yanauba sekele mamu'amofihi laga hina'a su mehose minoba minoba hilina'a li huto hu limilibe. Ana sekele mamu'a limilina'a yanauba lali kumu kalana'i nemalana li'ohutana be ligilina'mu yabe.

Galesia 2:20

Ya hu'ohunaya yatai ya'ma minoto lito nohuna ya'ma nani'nigo minoto lito mehube. Kilisitou komopa'nigu minoto lito nohigo nugufaloti minoto lito nohuna. Ya'ma Hu'mamofihi pana'amu keheli ule'ale huto minolatana nohuto minoto lito nohube. Ai ya'ma komopa'a nanitoga mololoto minoto lito hina'a nani kumu yabe luto gufa'a he'miloto fili'ehinamo ni'ibe.

Filipai 3:21

Ai silaga'i li nupa huto kafiluga enele'mo malago ai kafopaluga mololata kaba nohina amuya'aloti ya'ma lapa mebina lugufa li gololo tilenogo ai'a fana mehe gufa'a legitana lolo hilune'mu hibe.

1 Tesalonika 4:17

Ho tilenogo lali lubu hiti nohuta'a Hu'mau lele'mo tilenogo enali hiti Sipi Bo hiti sopopogu fo tula haluta'mu yabe. Ya huloto lali asaga'i Sipi Boti hiti mino lito buto minalune.

1 Timoti 6:14

Kai ya'ma Hu'mau lu molo'ehina ka keheli'ahata yamofihi mege'i molobo luto nolube. Ya hulotoka komopaka gulu gulu linogo foipana meminenogo minoto nobitogo Sipi Boti Yesu Kilisitou nehetilina kana'a huto hilina'mu yabe.

2 Timoti 1:1

Poluita, nani Yesu Kilisitotoga buto i hepito amuya moloto lenemehi emite minalabe luto lu limi'ehina ya'ma kagamo lu huto hilube luto Hu'mamofihi kaga'agu ya'ma Yesu Kilisitohi koko pana'a nele'mo'ehinogo aposolo bo lolo huto nohunamofita.

2 Timoti 4:8

To ya hugo ya'ma kokulumaguti be ligi'ohutamofihi mina sekele mamu'a hiti kakili'i lamana'a Sipi Bouba ya'ma hetofa nona'a guna malalina bo ai anana nimilibe. Minoto kana'a sipi yupahi Sipi Bouba ai'a le'mo bebe soto guna mololata bouba nani hiti silaga bona'i ai nehetilina kana'amu fifa ito geba hulata nohuta bona'i ya'ma ana kakili'i bi letalina'mu yabe.

Taitasi 2:13

Ya nohuto Sipi Boti, Hu'mau lubuto bilata bo, to Yesu Kilisitou fana meha'a hiti huto hilina kana'amu geba hulata nohuta, yamofihi sekele mamu'a hiti nasanamo ni'inaya yana'mu fifa ilata nohune.

Hibulu 9:28

Kilisitou ai ana huto kana moneko'i silaga bona'magihi foipana'ani ai gupisalo tigo he'mu kito Hu'mamofihi kuguhi koyo emiloto fili'ehina. Aku'i foipa nasana li su halibe luto ni'igopa aimofihi geba hite fifa ite minelata nehana bona'i Kilisitou enubuto bise foya aliha'a li su haluna'mu yabe luto aku'i kokulumaluguti limito huto hilube'mu hibe.

1 Pita 1:13

Ya'mu komopatini li hokolo hite lenegekesa kehelilo. Kaba hu bati hite minete Yesu Kilisitou alihi huto hinogo ya'ma lusa gi lepalalina'a yalo'i geba hilete asaga'i keheli ule'ale hite fifa ilete minalo.

1 Pita 5:4

To minoto kaba bo Sipi Bouba nehetito sekele mamu'a hetofana ni'ilina yanamofihi fana tose'na'a sipi'a amuya moloto minolatamofihi yana'a ifi to lepelenogo minalabe.

1 Yoni 2:28

Palala'ni pana'nimagitabe, lenali komopatini bati hinogo minete Kilisitou ai nehetilina kana'a huto hu lamana nohinogo koli mehise amuya melete nehago olenogo lubuya mehuse minalune lite ai'a komopa'agu minalo.

1 Yoni 3:2

Komopa'ni lepi'ohuna bona'ise. Lali ya'ma yata'isi Hu'mamofihi pa'i pana'i nohutagi, to minoto hena hena babeyafalo huto hiluta ni'ibe. Yamofihi hapa'a mele'isi huto hu lamana menohina'mu ma luto keheli'ohune. Kilisitou huto hu lamana hilina yupahi ai'a babeyafa'a bu go bati hulototi ai babeyafaloko minaluta'mu yabe.

1 Yoni 5:12

To ya higo enali Hu'mamofihi pana'a li pili kete lite minalana'a enali mino kosaba huse nasana ali'ahanamo ni'ibe. To luga'a enali Hu'mamofihi pana'a li pili mekalana enali mino kosaba huse'na ya'ma meli'ahabe luto lilune.

Yute 1:24

To Hu'mau lenele'mo hetofa hu'ehigo lele'mo laba hi lalabe lite sekele mamu'a hiti fana mehena'alo foipanatini meminenogo ya nehinogo gobisa'alo lenegelo bise'na hiti amuya'a hiti lenele'mo malalibe.

Huto Hilina Ka 2:7

Sikalafu'uba Hu'mamofihi yagapana'a li gehesa hi'ahana ka'a lu epito lu noepina ya'ma enegekesa hokolo hinogo keheliya ite kehelilabe. Luga'a enali mono ka amuya melete bite Satahi luba'a be ligilana'amagi ya'ma mefilise minoba minoba hilatanamofihi legeya'a Hu'mamofihi foya'agu biha'a ni'ina ya'ma nalabe luto keheli epilube luto nolube.

Huto Hilina Ka 22:1

To agelo ai mino kosaba huse nagami'i napa'a biya nonuhu suhi mone nelepigo bu go'ohuna. Ya'ma bu'a gili gili huto ni'ina to Hu'ma to sipisipi nala'a etali sekele mamu'a hiti kefa hisa maha'alugati ya'ma nagami'i nobuto,

Huto Hilina Ka 22:14

Gukete'ani okala hite gulu gulu gu'ani le'mo bati bati nehana bona'magi kumu kehelugo laga'ni nebesilata nohibe. Enali ya'ma lu epinogo'ni ule'ale huto minolata yafamofihi legeya'a nelete minoba minoba nehana'amagihi ya'ma epinogo'ni nalabe to ya'ma nohi hepa'mofihi kasinugu tilabe.