Kolose 3:25 - Ka Lamana'a Monoꞌi Lu Mu Tifiꞌehina Ka Yabe

²⁵ To Hu'mau kegeiyo nehana bona'magihi ana huto sibi nona'a epilina'mu yabe. Ai bu'alo yege yege bona'i moneko'na nehabe luto nokehelibe. Ai keheli fotogo huto epilina'mu yabe.

Kolose 3:25 ပူးပေါင်းရင်းမြစ်များ

Matiu 16:27

Kokulumaguti limi'ehina Bouba Afo'afihi fana mehena'a hiti aku'i noenogo to agelo'a hiti alana'mu yabe. Ya hilina yupahi asaga boana'magi fato fato suhi hi'ahana hapa hapa'animofihi nona'a li yege ho epalalina'mu yabe.

Luku 20:21

Enali ya'mana Yesuhi mapahi fite bana bona'magi ma lite Yesuhi loka he'ahana: Tisa kai fotogo hina kaga lula to boana'magi hetofa kaga lu epilata nohanogo keheli ketolata nohuta yabe. Kai sipi enigihiti bomagihi koli'ani menohata yabe. Kai lusigago luto Hu'mamofihi mono ka'a boana'i lu epilata nohata yabe.

Aposolo 10:34

Pitau hapi fito kaga lu'ehina: Yatai keheli fotogo nohuto ma'naka luto Hu'mau bona'i moneko legege hite nehabe luto kehelilata nohibe.

Romu 2:11

Hu'mau Yuta bona'i hiti fegutoga bona'i hiti bu'alo moneko babeyafa hi'ahago bu golata huto mino'ehibe.

2 Koliti 5:10

Yamofi kumu ya'ma luto ma keheli'ohune. Mega lugufa hiti nohuto ana'ina lito moloto hu'ohuta bati huto ni'ifi to sibina huto ni'ibe yamofihi mone kegi'a ai eto eto huto kaga loko huto pa sose'na limilibe luto minoto lali asagatoga Kilisitohi ka foya kefa hisalo ho tiloto kululu tito nehetilune.

Efeso 6:8

Lenali ya'ma keheli'ahabe. Mone'a enali koko pana'a nehanana'a to enigihiti bo lolo hite nehana'a enali lamana'a lolo hite hi'ahanalo'i Sipi Bouba nona'a epilina ni'ibe.

Efeso 6:9

To lenali hiti bona'i lenali koko yagapanatinimagihi ana hite keheli bati hi epelete ana suhi hite enehe'mete luba ka lu meepilo. Ya nehite ma lite kehelilo. Koko yagapanatini hiti to lenali hiti ya'ma kokulumagu Sipi Bo afotinigu moneko'i nohibe. Ai enigihiti bona'i to enigi menina bona'i moneko legege nehabe luto kehelito bona'i silaga'i kaba hulata nohibe.

Kolose 4:1

To lenali kaba bo nehanamagita kele kele panatini enele'mo hetofana hite to bebe sose hapa hite enele'mo bati hilo. Lenali Kaba Botini mone kokulumalugu nohinamofihi lenekesu meheno.

1 Tesalonika 4:6

Aku'i lenali folagahatinigu bona'i moneuba ana'i kumu foipana hilina'a meni'ibe. To lalu'afihi liha'a lilina meni'ibe. Yamofihi nasana lilana bona'iya Hu'mau osahi epilina'mu yabe luto kohe toto lu laga huto lu lepi'ohutamo ni'ibe.

2 Tesalonika 1:6

Ya'mu minoto Hu'mau lenali kumu keheli bati higo kaso'a hiti nasana li lepilata nehana bona'i enalitoga ana suhi huto eniginaga fise'na enalitoga aku'i epilina'mu yabe. To lenali hiti lali hiti lele'mo fulu hilube'mu nohuto laga hina hite minalana'mu yabe. Sipi Boti Yesuhi ya'ma amuya'a hiti agelo'a hiti enele'moto kokulumaguti limilina yupahi,

Filemoni 1:18

Koyapa'i ana'ina mone li sibina hu keto'ehilina ya'ma to kai'naka mone gumina li'ehilina kai nanitoga li malalane.

Hibulu 2:2

Agelomagihi enabagaguti kaga keya ka keye'ahana yanauba legeya'a lolo higo lusi kaga huto hu'ehina'mu bona'i moneuba ana agelomagihi kaga'ani hauta holatana ya'ma to keheli he'mito hega holatanamofihi hapa'a huto nohigo ya'ma foipana'a hiti ni'inaya yamofihi mone kegi'a foipana nona'a ali'ehinamo ni'ibe.

1 Pita 1:17

Lenali Hu'mamofi kumu afotifu yabe lite lu emite, nunumu hite lilata nehabe. Ai loe bomale'ititihi bu goloto moneko babeyafa ni'inogo mone bo le'malina to mone bo he'mi etalina meni'ibe. Hapa'a ya huto meni'ibe. Ai asaga bona'magihi komopa'ani bu goto hapa'ani lamana huto eto huto loko hulata nohina bo nohibe. To ya nohigo lenali panana'amagita ma metoga nehana kanagu ai kumu koli hite minete keheli emite mine lite bilo.

Yute 1:16

Bona'i ya hana'a enali megeka lilata to fato bona'i enifisa ilata nehana to moko tako fato fato'mofihi lolo hite minete, enali'anigo li nupa napa hite neminana bona'i enali luga'a hiti ana kapolo enemege'i melete bilabe lite enofokehi lite fi taga hi epelete lite hilata nehabe.