Kolose 3:17 - Ka Lamana'a Monoꞌi Lu Mu Tifiꞌehina Ka Yabe

¹⁷ To asaga'na hilana'a to kaga lilana'a Sipi Boti Yesuhi gi'a liyafa nehite minalo. To ai kumu Hu'mamofihi fokehi lilo.

Kolose 3:17 ပူးပေါင်းရင်းမြစ်များ

Matiu 28:19

Yamu'i lenali asaga melugu bonatoga bite nani naga'ni enele'mo lolo hilo. To ana bona'magihi afo'nifihi gi'alo hiti pana'amofihi gi'alo hiti to Sikalafu'mofihi enigilo li melete nagami'i folo epalalo.

Aposolo 19:17

Asaga Yuta bona'i hiti to Giliki bona'i hiti Efeso hepato neminanamagi foipa feleuba enoho'ehibe lite lana ka kehelilete enelesa'ani gofa ligo sipi koli hi'ahana. Ya hilete Sipi Bo Yesuhi gi'a liyafa hite fokehi he'ahana yabe.

Aposolo 4:30

To kai kayahaka li saga huloto enebesise bona'i enele'mo bati nohuto to topa hose'na fato fato'i to sipi lili'na koko panaka hetofa'a Yesuhi ai gi'alo li huto hubo.

Romu 1:8

Yata'a nani lenali kumu Hu'mamofitoga gelo nohube. Hena'mube? Asaga hepatoga nobunogo noto noto bona'magi lenali Yesu Kilisito mege'i nemalanamu'i ya'ma kaga liba liba nehana yagi akehelito gelo nobube.

1 Koliti 10:31

Nani lenali kalo nona'a ma luto nolube. Lenali nose'na nalune'mu nehitemo to yafi nagami'i nalune'mu to silaga'na hilune'mu Hu'mamofihi gi'a huto huto hilibe lite ya suhi lolo hilabe.

Efeso 1:17

To Hu'mau Yesu Kilisito Sipi Botimofihi afo'afu, fana meha'a hiti afotifu, ai mehi lepito lenegekesa le'mo hokolo hinogo to Hu'mamofihi hapa'a lu lepilenogo lenali keheliya ite Hu'mamofihi hapa'a keheli fotogo hite ya hilabe luto loka nohobe.

Efeso 5:20

Ya nehite Sipi Boti Yesu Kilisito gi'a liyafa hite kana'amu kana'amu silaga'namu Hu'ma afotifihi fokehi hete minalo.

Filipai 1:11

To ana kanagu Yesu Kilisitou lenehe'menogo komopatini bati bati hite minelenogo bona'magi bu lenegete yege nofune lite Hu'mamofihi fokeha'a lilana'mu yabe.

Filipai 2:11

To enabagaguti enabagaguti ya'ma Yesu Kilisitohi ai Sipi Boti nohibe lite nelite kululu kululu tite halana yanauba tito minoto afo'afu Hu'mamofihi gelo bise'na lolo huto minalibe.

Kolose 1:12

Lenali asaga yupahi Hu'mamofihi gepohi lite bati huse ka lu emite enegelo bilata nehilo. Ai afotifu lele'mo bati hu'ehigo ai'a fana tose kapo'a huto hulenogomo anagu minete ai'a bona'a hiti bati hu'ehinana'a fato fato'na lilune.

Kolose 2:7

Lenali yaga legi hite minete aitoga lufusatini limite bati hite tiba tiba hite amuya yafa lolo hilo. To Hu'mamofihi kaga yata'a lu lenelepi'ohunana amuya melete keheli emiba emiba hite minalo. To Hu'mamofitoga lenegelo bite komopatinigu sabiyana bai tenogo minalo.

Kolose 3:15

Hu'mau folagahatinigu Kilisitohi fuluna'a minalibe luto lenele'mo moneko'na hu'ehinagi fuluna'auba lenipagu kaba hinogo fulu hite minalo. To Hu'mamofihi fokehi lilo.

Kolose 3:23

To asaga lili'namo fato fato'na amuya melete lilata minalo. Melugu neminana bona'mofihi lili'na'anisigo meni'ina yagi Sipi Bomofi kumu lili'na liluta nohune lite kehelite amuya melete lilo.

1 Tesalonika 1:1

Lenali Tesalonika metoga bona'ise. Lenali afotifu Hu'ma to Sipi Boti Yesu Kilisitohi bona'ise. Nani Poluita to Silasiugo, Timotiugo lali nohuto lenali ya'ma fayapo koyo nolepune. Hu'mamofihi lenehe'mose'na'a to fuluna'a lenalitoga minomo tito mineno.

1 Tesalonika 5:18

Ana'ina asaga'i ni'ina yana'mu Hu'mamofihi fokehi lilo. Ya'ma Yesu Kilisitohi naga'i lolo hana'mu yabe luto Hu'mau ya'ma luto nolu lepalabe.

Hibulu 1:5

Ya hu'ehina'mu Hu'mau ka mone pana'a lu'ehina ya'ma agelo mone'mofihi ma luto kaga lu emi'ehinamo meni'igo pana'a aisigo kumu ma luto lu emi'ehinaya fayahi keye'ahana: Kai ya'ma pana'ni nohatagihe. Nani'ni ya'ma yata'isi kele'mo huto hu'ohube. To agelo mone'mofihi ma luto meemi'ehina: Nani ya'ma afo'afita lolo huto nohunagihe. To ai ya'ma pana'ni lolo huto minalibe.

Hibulu 13:15

Ya'mu asaga yupahi lali Yesuhi gi'a le'mo saga huto labagaguti Hu'mamofitoga molo emito fokehi hoto minaluta nasanauba lali mamufa gi emilutana lolo hinogo Yesuhi lu eminogo Hu'mamofihi lepilibe.

1 Pita 2:5

Ya lite nehite lenali ana suhi hite mino lito minolata nohina efahi lolo hi su helete aitoga molo emite mine lite bite tilo. Tite Hu'mamofihi Sikalafu'amofihi mono noha'amofihi gise efapo lolo hilabe. Ya hilete ana nonugu mamufa gi emilata bona'i eto eto hite lolo hilabe. Hu'mamofihi Sikalafu'mofihi nasana kuguhi koyo emilenogo Yesu Kilisitotoga nebinogo keheli laga hilibe.

1 Pita 2:9

Ya hu'ehinaya lenali ya'ma lenele'mo eto hu'ehina bona'i yagi gihiti bomofihi mamufa gi emilatana bona'i lolo hite hetofa kapolo tite nupa hi'ahana bona'i to Hu'mamofihi naga'a lolo hite nehabe. Lenali kumu kehe ito metepuguti buyu huto lenele'moto hetofa fana tose'namofitoga lenele'mo molo'ehina yabe. Lenali Hu'ma ai hetofa hatofa hapa'a lu huto hinogo i futili hilabe. Ya hilabe luto lenele'mo'ehibe.

1 Pita 4:11

Luga'a enali mono ka lu huto hilanamagi Hu'mamofihi keheli lamana hilete lu epilabe. To luga'a enali bona'i enele'mo bati hilanamagihi ya'ma Hu'mau amuya epilenogo yanatu'i lolo hi epalalabe. Lenali ya suhi ma suhi lolo nehinogo Hu'mamofihi fayahuba bati huto minalibe lite kehelite ya hilabe. Yesu Kilisito ai kumu yabe luto fayaha'auba hu lamana hilibe. Yamofihi sekele mamu'a hiti fana mehena amuya'a hiti aitoga minalina'mu ya'ma minomo tito buto mino bai toto minalibe. Ma'naka.

1 Yoni 2:23

Enali Hu'mamofihi pana'amu enemegesa hi emilana ya'ma ana suhi huto afo'afi kumu hiti enemegesa hi emilabe. To enali pana'aloga hepito minete ai Hu'mau ho lifi'ehina bo, Kilisito nohibe lite lu huto hilana enali afo'afitoga ana huto neminabe.

1 Yoni 3:18

Palala'ni pana'nimagitabe. Lali komopati Hu'mamofi hiti lalalutigi hiti noepito ya'ma kagatuko to labagagutiko melilune. Komopatiguti layatuko to labagatuko luto moloto hilune.