Kolose 3:16 - Ka Lamana'a Monoꞌi Lu Mu Tifiꞌehina Ka Yabe

¹⁶ Kilisitohi hetofa hetofa kaga'a komopatinigu mineno. Keheli bati hite ai ka lepinogo ai ka lepinogo hite minalo. To Hu'mamofihi gepohi lite yege fise nama litetini to Sikalafu'i komopatinigu lepi'ehina nama litetini laga hina nama ya'ma lite Hu'mamofitoga ana nama asaga'i lilo.

Kolose 3:16 ပူးပေါင်းရင်းမြစ်များ

Matiu 26:30

Ya luto lu baga igo enali mono nama mone lilete fegutoga heleko limite Oliba kosagu tite mine'ahana yabe.

Luku 2:51

Ya hilete aku'i he'mito ago etali le'mete moneka Nasalete hepato bi'ahana. To kaga'atiti etabaga liyafa huto mino'ehina yabe. To ito'afu asaga ya'mana kaga komopa'agu li moloto ai mino'ehina.

Yoni 15:7

Lenali ya'ma nani hiti minototi kaga'ni komopatinigu minalina ana'ina'mu buka tilana huto hu lepilube'mu hibe.

Romu 10:17

To ya huto ni'igo bona'magi Kilisito kumu hetofa kaga lu yege hago keheli'ohune. To ana kaga keheliloto Hu'mamofitoga agoya hu emilata nohune.

Romu 15:14

Nalalu'nigitabe, lenali lamana bona'i nehite to mono ka keheli fe lite to mono kaga ai lu emigo ai lu emigo hilana bati hite ya nehago yamofihi keheli ule'ale nohube.

1 Koliti 14:15

Ya hu'ehina ya'ma hena hena hilube? Ya suhi hinogo bati hilube'mu hibe. Sikalafu'uba komopa'nigu babahi higo nani Hu'mamofitoga loka nohago negekesauba keheli fe nolinogo nabagatu lu huto hilube. Sikalafu'uba komopa'nigu mono nama hiti noligo ana huto negekesauba keheli fe nolinogo nabagaloti lilube.

1 Koliti 14:26

Nalalu'nigita, ya hu'ehina'mu hena hilune? Lenali mono kamu'i li gehesa hilune lite nehitemo ya'ma Hu'mamofihi kagagu lenele'mo moneko moneko'i hite hofa talanamofihi hapa'a ya'ma hilata nehabe. Moneuba mono nama lelito olata nohibe. To moneuba kaga giyaka lito lu epise kaga lelito olata nohibe. Moneuba Hu'mamofihi bagaguti kaga'a fato fato'mofihi lelito olata nohibe. Moneuba fato enonogoguti lulatamofihi lelito olata nohibe. Moneuba fato enonogoguti lu'ehina kagamofihi hapa'a lu hokolo hilinamofihi lelito olata nohibe. Ana suhi asaga lilana Yesuhi naga'a enehe'moto amuya molo epalalibe lite ya suhi hilo.

Efeso 1:17

To Hu'mau Yesu Kilisito Sipi Botimofihi afo'afu, fana meha'a hiti afotifu, ai mehi lepito lenegekesa le'mo hokolo hinogo to Hu'mamofihi hapa'a lu lepilenogo lenali keheliya ite Hu'mamofihi hapa'a keheli fotogo hite ya hilabe luto loka nohobe.

Efeso 5:17

Ka mekehelise bona'i lolo hite meminese Sipi Bouba foyaka lu lepolo'ehinamo yamofihi bu go bebe sete bu gete minalo.

Efeso 5:19

To kaga ai lu emigo ai lu emigo hilata nehite Hu'mamofihi fokehi hete ya hite i'emi a'emi nama mono nama ai lu eminogo ai lu eminogo hite komopatinigu Sipi Bomofihi fokehi lite nama lite lenegelo biba biba hite minalo.

Efeso 5:26

Kilisitou henabe luto gufa'a he'mito fili'ehibe? Ya'ma lali gufa'a nohuta bona'magita ai ka'aloti nagami okala hu letoto lele'mo eto huloto Hu'mamofihi bulo nugufa'ni lele'moto tilina kanagu bati huto, kolo tanana hiti to mone sibina sabana hinana hiti meni'igo gulu gulu luto lamana'a huto minalune lutomo ni'ibe.

Kolose 1:28

Hapa'a ya huto ni'inagi le'ali Kilisito kumu luto kaga lu yege hoto leli huto buto asaga bona'i lu epilata nohu'ibe. Le'ali amuya moloto asaga bona'i lipoti epiloto to asaga kaga lu hokolo hu noepito hulata nohu'ibe. Hena'mube? Enali Kilisitotoga mino hepite bati nehinogo Hu'mamofihi bulo enele'moto bilu'ibe luto nohu'ibe.

Kolose 1:9

To kehelilototi'a yalo Hu'mamofihi lenali kumu loka hoto minolata nohu'ibe. Ai lu keheli'ehinanamofihi lenelepilibe luto loka noho'ibe. To ai Sikalafu'uba lenele'mo eto hinogo bati hite to keheliya ise'natini asaga'i hokolo hilibe luto loka noho'ibe.

Kolose 4:6

To lenali kaga nelanaya ka laga'a hiti fulu'a hiti lite neminenogomo enali ka kehelilabe. To enali mone kaga lenoloka nehenogomo ka'anilo nona'a bati hite aku'i lu epilabe lite kehelilo.

1 Tesalonika 1:8

Lenalitogati ya'ma Sipi Bomofihi hetofa kagauba sipi huto buto Masetonia metoga to Akaiya metoga bu'ehina. Ya hu'ehina ya'asigo meni'ibe. Lenali Hu'mamofi kumu keheli amuya mele'ahanamofihi kaga'a noto noto hepatoga bulago yamofihi lu lepiluta'a mone mehibe.

1 Tesalonika 4:18

Ya hu'ehina'mu lenali kaga ya'ma lu keheli fa keheli hilete ai'i le'mo bati hinogo ai'i le'mo bati hinogo hite lenegelo bilata hite minalo.

2 Tesalonika 3:15

Yamofihi fatehatini yabe luto melune. Lalalutifu yabe luto ekesa lite lipoti lu emite le'mo bebe salabe luto nolune.

1 Timoti 6:17

Kai bona'i mone'amagi ma metoga nasana yogo fe'nohi babu luto silaga'i li nupa nupa nehana ya luto lu moloto lu epibo. Enugufa'ani lelite tite enemeha'ani sipalo memalalabe. Guna melelata nasana'mu kehelinogo lamana'a lolo mehino. Ya nasanaga bite i mekeleno. Hu'mau ai'a ya'ma lenumu hinogo nete melete laga'amu kehelilabe luto fitu fo limilata nohina bo aitoga ya'ma buto i ke'malune, luto lu epibo.

2 Timoti 3:15

Kai pana'i lagaso'a minoto guna molose mono bukugu lataha'agu leka solito buto mino'ahata ni'ibe. To ana kagauba kegekesa le'mo hokolo huloto Yesu Kilisito kumu keheli amuya malalane, luto Hu'mau kubuto bilina'amofihi kapogu kelepito kele'mo hetofa higo ka'a akeheli'ahane.

Taitasi 3:6

Hu'mau ai'a lubuto bo Yesu Kilisitohi aitogati hetofa Sikalafu'i lalitoga ho lifigo sipi huto lele'mo hetofa hu'ehina.

Yemesi 1:5

Lenalitogati bo moneuba keheliya ise'na'amu sa sa hulotomo Hu'mamofitoga loka henogo emilube'mu nohibe. Hu'mau ya'ma bona'i asaga'i enele'mo hetofa huto nohina bouba ka meepekise ana'ina kehelise'na sipi huto epilata nohibe.

Yemesi 3:17

Kokulumaluguti keheliya ise'na limilina yauba hapi fito komopati gulu gulu linogo minoto agoya bonako minototi fulunamofihi hapa'a lilata nohune. To fato bona'i bu enogoloto ginaga fise'na epiloto enele'mo lamana huto yamofihi legeya'a babu luto li huto hu leto'ehina ya huloto ligitagahi huto kenetufati loe lae hinogo faga faga luto meliluta'mu yabe.

Yemesi 5:13

Folagahatiniguti moneuba keke'i luse'na gupisa'alo notigo nohuto'amo Hu'mamofitoga lino. To folagahatinigu moneuba gelo bise'na lito nohuto'amo Hu'mamofitoga fokehi hoto nama lino.

1 Yoni 2:14

To lenali pa'i pana'i nehanamagita, Hu'mau afotinifihi hapa'a keheliya ite keheli'ahana'mu yabe luto fayahi ya'ma koyo nolepube. Olopa bona'magita, lenali ema kanaguti hapi fi'ehina minomo tito nohina bomofihi ai kumu keheliya ite keheli'ahanamo ni'ibe luto kaga ya'ma fayahi koyo nolepube. Neheya kola, lenali amuya malana'mu yabe luto to Hu'mamofihi kaga'a komopatinigu ni'igo foipanamofihi afo'afihi be ligi'ahana'mu luto kaga ya'ma fayahi koyo nolepube.

1 Yoni 2:24

Lenali hapa'agati koyapa'i mono ka'a kehelite mine lite mine'ahana yamoga keheli melete minalo. To ya'ma kehelite nehite miyagu afotifitogago pana'amofitogago hepite mine melete bati hilana'mu yabe.

1 Yoni 2:27

To lenalitoga Kilisitou Sikalafu'a molo epololata nohina ya'ma lenalitoga nominago mege'i melelata nehago yana'mu bo moneuba faga hiti lamana ka hiti henabe luto lu moloto lu lepilibe? Yamofihi ya'ma meni'ibe. Sikalafu'a molo lepolo'ehina ai ka'a asaga'i giyaka giyaka lito lu lepilata nohina nohibe. To ai ka'a ya'ma faga hiti meni'ibe. Lamana'ago ni'inago yana'mu Sikalafu'uba lu lepi'ehinamo ya'ma keheliya ilete Kilisitohi komopa'agu minalo

2 Yoni 1:2

Ka lamana'a ya'ma komopatigu nohina to lali hiti minoba minoba huto mino lito buto minalinagihe. Ya higo komopati lepilata nohune.

Huto Hilina Ka 14:3

Ya nehago sekele mamu'a hiti kefa hisamofihi maha'aga ya'ma kene'i amuya'a hiti loebe loebe to olopa kaba bona'i luga'amagi enali enubulo yuhufa nama mone lite mine'ahana. Ana nama ya'ma bona'magita keheliluta babeyafa huto memino'ehina. Bona'i 144 tauseni ya'ma noto noto bona'i luga'a enalitogati Hu'mau mina fi'ehina'a enubuto bi'ehina ya'amagi enalisigo kehelilana'a huto ni'ibe.

Huto Hilina Ka 15:3

Enali Hu'mamofihi agoya pana'a Mosehi to sipisipi nala'amofihi nama'a ma lite li'ahana: Amuya bo enebe ligi'ahata, Hu'ma, Sipi Botio, kai lolo huto moloto hu'ahata ya'ma tito mino'ehina. To lamana'a nasana lilata nohane. Noto noto bona'magihi enali gihiti bo'ani nohane. Kai kapoka ya'ma lamana'a to legeya'a lamana'a ni'inagihe.

Huto Hilina Ka 19:10

Ya luto lu nimigo nalapusa fito lipi emilube luto nohugo o'e noluto ma luto lu'ehina: Ya melubo. Nani kele kele bo kalalukafita kigiboka Yesu lu hokolo hu'ehina ka'a li pili kete lilata nehana bo enali enalalu'anifita nohube. Kai Hu'mamofihi aigo ya'ma lipi emilane, luto lu'ehina. Yesu lu hokolo hu'ehina kauba mono ka leli'ali bona'i enele'mo babahi higo mono ka lilata hi'ahanamo ni'ibe luto lu'ehina.

Huto Hilina Ka 5:9

Nama kosaba'i mone ma lite li'ahana: Kai bati bo nohatagi kelebe gi'ahana pepamo lito naga'i gulu foto li paka salata babeyafa huto nohane. Kai kahago filito kai golahakatu bona'i asagatoga fato fato bona'i to fato fato enonogo hiti to fato fato enugufa hiti to fato fato metoga bona'i mina fito enele'mo fato fato huto Hu'ma nohinaga enele'mo molo'ahatamo ni'ibe.