Kolose 3:14 - Ka Lamana'a Monoꞌi Lu Mu Tifiꞌehina Ka Yabe

¹⁴ To amuya melete asaga bona kumu leniginaga filo. Ya hilete lenali asaga'i bati hite koguna ite moneko'na hite minalabe.

Kolose 3:14 ပူးပေါင်းရင်းမြစ်များ

Yoni 13:34

To yuhufa kaga lu molo'ohuna ma lu nolepube. Lenali komopatini lenogotinifihi emilo. Nani komopa'ni lenalitoga lepi'ohunagi lenali ana hite ai komopa'a eminogo ai eminogo hite ya hilo.

Yoni 15:12

Ya'ma luto nolu lepolobe. Komopa'ni lepilata nohuna ana suko hite lenali komopatini ai eminogo ai eminogo helite bilabe.

Yoni 17:23

Nani nemehi epugo to enali enemehi nimilago enali komopa'anitu mu tifite moneko lolo hite minalabe. Ya hilete nehinogo melugu bona'magi enali noho lifitogo limi'ohunamofihi keheliya ilabe. To komopaka nanitoga mololata nohata nasanauba pana'alobo'ni enalitoga ana huto komopaka mololata yanamofihi melugu bona'magi be gelete keheliya ilabe.

Romu 13:8

Bona'i moneuba lepi'ehinamofihi nona'a pa sete mele'isi li emilo. To mone hiti ni'igo lenali boana'i ginaga fi emise'namu ya'ma minoba minoba hite nehanaya su mehalina'mu yabe. Lenali ya ginaga fi emilatanamofihi ya'ma Hu'mamofihi keya ka mege'i melelata nehana'mu yabe.

Efeso 1:4

Ai ya'ma koyapa kana me'mofihi ana'ina huto mehu'ehigo nani naga'i lolo hilabe luto lele'mo'ehibe. To lali kumu yabe luto Kilisitou ho lifinogo lele'mo eto hinogo foipanati meminenogo to sibina mone laliti meni'igo gobisalo minalabe luto lele'mo'ehina yabe.

Efeso 4:3

To fulunamofihi naga'atu mu tifi lepolo'ehinamo ni'ibe. Ya'mu ya hite, naga'i laga hu lalagi ai kaba hu etenogo ai kaba hu etenogo hite nehinogo Hu'mamofihi Sikalafu'uba lenele'mo moneko'na hu'ehina suhi hite minalo.

Efeso 5:2

Ya nehite asaga bona kumu leniginaga fite minalo. Kilisito ai ana huto lali kumu yabe luto ginaga fito gufa'a sibi he'mi'ehina yamofihi Hu'mamofihi kuguhi koyo eminogo Hu'mau tu'a keheligo bati hu'ehinagihe.

Kolose 2:2

To ana lili'na henabe luto nolube? Enali ai he'menogo ai he'menogo hite koguna ite nehite ai ginaga fi eminogo ai ginaga fi eminogo minalabe luto foya nolube. Ana huto enali Hu'mamofihi komopa'a keheli fe lite loe lae mehise minalabe luto to Hu'mamofihi suguna ka l'emo huto hu'ehinana'a hapa'a kehelilabe luto foya nolube. To ana suguna ka hapa'a henana ni'ibe? Yesu Kilisito bo yabe.

1 Tesalonika 4:9

To lenali Yesuhi bona'a luga'amagi komopatini epilabe luto hena'mu fayahana lepiba lepiba hilune? Hu'mau komopatinigu ai lenemehi eminogo ai lenemehi eminogo hite minalabe luto'a hapa'a lu epi'ehinamo ni'ibe.

1 Timoti 1:5

To nani ya'ma henabe luto nolube? Enali kehelilete komopa'ani mone keheli sibina mehise komopa'ani fulu hinogo minete to Hu'mamofihi agoya hu emite minalabe. To ya hite minete, Hu'mamofitoga enemehi emilana'mu yabe luto nolube.

Hibulu 6:1

Ya'mu ya'ma lali ya hu'ehibe luto Kilisitohi kaga'amofihi biha'a hapi fi'ehinamofitoga ya'ma melenogoti ni'inogo ka'amofihi megesa'a lolito tito nebinogo bebe sose kaga lulatanamofihi kapo'a ya'ma moloto mino lito buto bilune. Mono kamofihi luga'a ya'ma tafa'a nomoloto futu'amofihi foya henabe luto aku'i hapi filune? Komopati lemeha'a li gelehe hilatana to Hu'mamofihi keheli emilata nohune.

1 Pita 4:8

Ya nehite lenemehi ai eminogo ai eminogo hite minalo. Ya'ma hilana'auba silaga'na be ligi'ehina nasana ni'ibe. Komopa'ani epilatana yanauba foipana li'ahana asaga'i enebe ligilata nohibe.

2 Pita 1:7

Hu'mamofi kumu keta mehise agoya hu emilata hite neminana enali hepite koguna ite minolata nehana yamofito molo emilabe. Hepito koguna ite minolatanamofihi yalo'i komopatini hiti epite keke'i luse'na'alo molo emilabe.

1 Yoni 3:10

Hu'mamofihi pa'a pana'a to Satahi pa'a pana'a enali hapa hapa'ani ya suhi huto ya'ma huto nohigo bu galune'mu nohune. Luga'a mino fotogo hite meminalana'mu enali kumu Hu'mamofitogati menehabe luto nokehelune. To enali komopa'ani ya'ma enalalu'anigihi meepinogomo enali kumu Hu'mamofihi bona'a menehabe luto ya'ma ana huto lilune.

1 Yoni 3:23

Ka'a lu molo'ehina ka ma luto ni'ibe. Pana'a Yesu Kilisitohi ai gi'alo kehelito mino ule'ale huloto ai lu leto'ehinamofihi suhi huto komopati ai eminogo ai eminogo huto minaluta ni'ibe.

1 Yoni 4:21

Kilisitou lu molo'ehina ka'a ma luto kehelilata nohune. Lenali Hu'mamofihi komopatini emite nehanamagita lenalalutinigihi ya'ma komopatini ana hite epilo.