Kolose 3:12 - Ka Lamana'a Monoꞌi Lu Mu Tifiꞌehina Ka Yabe

¹² Lenali Hu'mamofihi bona'a nehabe. Ai keke'i nolu lepoloto lenele'mo'ehibe. Ya hu'ehinagi lenali fato bona kumu leniginaga fi epelete fulu hite enehe'mete agoya hite minalo.

Kolose 3:12 ပူးပေါင်းရင်းမြစ်များ

Matiu 24:22

To Hu'mau ya'mana kana li hupa mone mehititaya asaga boana'i ma melugu meminatita'mu yabe. Ya hu'ehina Hu'ma ai enele'mo eto hu'ehina bona kumu'i ekesu mehalibe. Ya'mu luto ai ya'mana kana'a li hupa mone hilina'mu yabe.

Matiu 24:24

To faga faga Mesiagi to faga faga kaga lu yege hose bo babu lite nehetilete Hu'mau enele'mo eto hu'ehina bona'a enimi'i malalune lite babeyafana lumofihi lumofihi fato fato'i li huto hilana'mu yabe.

Matiu 24:31

To ai agelo'a babu lito enoho lifinogo enali ufehi fu linogo sipi nogo nomelenogo analo bona'a enele'mo eto hu'ehina guna ilina'mu yabe. To enali me'i nekisa'a loegi loegi ninalo mine baga ilete anagati bona'i guna ite ete bite me'i mone kegi'a nekisa'aga su halana'mu yabe.

Maki 13:20

Ya higo, Sipi Bouba ana kana le'mo tupa mehutita asaga bona'magi filitine. To Hu'mau ai'a enele'mo'ehina bona'magi kumu luto kana ale'mo nesi hu'ehina yabe.

Maki 13:22

Akili ka lilabe. To ana kanagu faga faga kaga lu huto huto bomagi hiti to faga mono ka luse bomagi hiti ma lite lilabe: Nani Mesia bo yabe, lite faga lite lilabe. To enali fato fato suhi hite topa hese suhi hite hilete ya'ma Hu'mau enele'mo'ehina bona'magihi keheli sibina hu epalalune lite babeyafa hite enimi'i malalana'mu yabe.

Maki 13:27

To ai agelomagihi enoho lifilenogo, bite ai'a bita hu'ehina bona'i asaga'i noto noto hepa'i fato fato'i anagati asaga melugu hepatogati me'i nekisalo ni'ina hepatogati silaga'i enele'mete elenogo li gehesa hilabe. Yesu ya lu'ehina yabe.

Luku 1:78

To afotifu Hu'mamofihi fuluna hiti keke'i luse'na hiti ya'mana nohibe. Ai kokulumalugu fana tose'na lali kumu'i huto hilina yana'uba lehe'moto ana huto bona'i luga'a filise'namofihi metepugu nehana'a ya'ma enele'mo fana talina'mu yabe. To ai fulu kapogu lele'moto bilina'mu yabe. Sekalaiyau ya luto nama lu'ehina yabe.

Luku 18:7

Ana suhi huto Hu'mau boana'a enele'mo eto hu'ehina enali asaga utehi etehi aitoga kehe ite lehe'malibe lite lilata nehana meenehe'malina ni'ifihe? Hu'mau tala tele huto enehe'malina ni'ifihe?

Romu 1:7

Ya'mu luto nani fayahi lenalitoga asaga Lomu bona'i Hu'mau komopa'a lepito to nani yagapana'i nehabe lu'ehinalo nogobe. Ai Hu'mau afotifu to Sipi Boti Yesu Kilisitohi fuluna'a hiti lenehe'mose'na'a hiti lenalitoga mineno.

Romu 13:14

Lenali lenugufaluga laga besise'namofihi foipa nasanamu'i lenegekesa yigi yigi mehite ananamofihi le'mo laba hilo. Sipi Boti, Yesu Kilisitohi helegu'i lite ya suhi hite neminana bona'i lenali li so kite aitoga minete ule'ale hite minalo.

Romu 9:11

Yata'a etali huto mehi'aha'igo to hapa'atiti hetofanafi sibinafi huto mehuse Hu'mau Lepekahi ma luto lu emi'ehina: Yege pana'uba gona'amofihi kele kele'i hu etalibe luto lu'ehina. Ya huto Hu'mau mone pana'amofihi hapa'a bu goto bati huto yabe luto le'mo ho ti'ehifihe? O'e. Ai foya'a ni'igo mone pana'a fuku luto nani bona'ni yabe luto li gehe li'ehina yabe. Hena'mube? Hu'mau ya huloto asaga bona'magihi li gehe li'ehinamu enelepilube'mu nohibe.

1 Koliti 13:4

Eniginaga fise nehilana bona'magi enipakafa mehese agoya hite minalune'mu habe. Enali siko mehise enali'ani'mu kehelinogo metinogo enali'ani enigi'ani lelite metilana'mu li saga mehilune'mu habe.

2 Koliti 6:6

Ya huto nominotaya komopati besa lago nohuto kehelise'na minoto komopati fulu higo minoto lalalutigihi noenehe'motogo Sikalafu'i hiti minoto komopati bati huto epilata nohune.

Galesia 5:6

Yesu Kilisitotoga buto i hepito minaluta ya'ma lugufa laga huse'na to lugufa laga mehuse'na li nupa napa huto mone'na legeya'a meni'ina futu'a yabe luto lilune. Keheli ule'ale hulatanamofihi fayaha'a komopatigu minelenogo komopati bona'i asagatoga malaluta'muko legeya'a yabe lilune'mu hune.

Efeso 1:4

Ai ya'ma koyapa kana me'mofihi ana'ina huto mehu'ehigo nani naga'i lolo hilabe luto lele'mo'ehibe. To lali kumu yabe luto Kilisitou ho lifinogo lele'mo eto hinogo foipanati meminenogo to sibina mone laliti meni'igo gobisalo minalabe luto lele'mo'ehina yabe.

Efeso 4:2

Ya nehite komopatini lelite limite fulunagu minete agoya hite minete mineme bite kosele'i melepehenogo komopatini epite ai he'mago ai he'mago hite minalo.

Efeso 4:24

To kosaba lenemehi li hepite minalo. Hu'mamofihi eto'ehina mehi to fotogo hu'ehina mehi tegi hite kosaba lenemehi hepite lolo hilo.

Efeso 4:32

Lenali komopatini fulu hinogo ai ginaga fi emigo ai ginaga fi emigo hite minalo. Hu'mau ai'a Kilisito kumu yabe luto foipanatini li he'mi lepolo'ehinamo ni'igo lenali ana suhi hite foipanatini ai li he'mi etenogo ai li he'mi etenogo ihe'ma ahe'ma hite minalo.

Filipai 1:8

Yesu Kilisito nani komopa'a limilata nohina yamofihi kehelito nani lenali kumu yabe luto keke'i lu lepoloto kehelilata nohube. Hu'mau keheli'ehigo lama'naka nolube.

Kolose 3:10

Hu'mau lenele'mo kosaba higo asaga kanagu ai'a meha'a legita minalabe luto lenele'mo bati bati nohuto kehelise'natini hokolo nohigo yuhufa bona'i lolo nehabe.

1 Tesalonika 5:15

To foipanamofihi nona'amu yabe lite ai henogo ai henogo li muyalo li malo mehilo. Ya hu lalune lite lenalitogati to bona'i asagatoga ana'ina li lamana hu epalalune lite amuya melete minalo.

2 Timoti 1:9

Hu'mau ai'a bona'a lolo huto mino eto huto minalune luto lubuto biloto elesa molo limi'ehina. Ya higo minoto lito hu'ohuta ya'ma lamana foyafi lamana hapatifi ni'igo yana'mu lubuto bi'ehinamo ni'ifihe? O'e, ya huto meni'ibe. Ai'a komopa'atu kehelito lehe'mose'na'atu fi hetofa hu leto'ehina. Ai koyapa'i me'i le'mo huto mehu'ohuto'a Yesu Kilisitohi naga'i lolo hilabe luto lu limi'ehinamo ni'ibe.

2 Timoti 2:10

Yana'mu nani keke'i luse foya asaga'i Hu'mau enele'mo eto hu'ehina bona'i enali kumu yabe luto baga'a hiti nasana ya'ma kofilata nohube. Ya nohugo enali ya'ma Yesu Kilisitou enubuto bilata nohina to fana talina hiti mino kosaba huse'na ya'ma lilabe luto ya hulata nohube.

Taitasi 1:1

Poluita nani Hu'mamofihi koko pana'a Yesu Kilisitohi aposolo bo nele'mo ho ti'ehina. Ya hu'ehina Hu'mau enele'mo eto hu'ehina bona'i enali aimo agoya hu emilabe luto enehe'mobo luto to lali mono'mofihi ka lamana'a kapogu enele'mo keheli bati hino luto ya'ma foya'mu nele'mo ho tito noho lifi'ehina yabe.

1 Pita 1:2

Lenaliya afotifu, Hu'ma ai'a Sikalafu'uba lenele'mo etalibe luto to Yesu Kilisitohi kaga'a kehelite agoya hu emilabe luto lenele'mo'ehina. Ai golaha'a folo lepolo'ehina yauba komopatini okala hu lepololenogo minalabe luto Hu'mau afotinifu lu molo'ehinalo mine'ahanaguti lenele'mo eto hu'ehina yabe. Hu'mamofihi lehe'mose'na'a to bati hu'ehinalo fuluna'a hiti lenalitoga minomo tito hofa talibe.

2 Pita 1:10

Nigibo nalalu'nigita, lenali kumu ya'ma Hu'mau lenele'mo ho tito elesa molo lepi'ehina yamofihi legeya'a huto hilibe luto amuya malalo. Lenali ya hite, kosele kasele'i hete fa'mene'mu limite mekalana'mu yabe.

1 Yoni 4:19

Lali ya'ma Hu'mau kohe toto komopa'a limi'ehinamo ni'igo yamu'i lemehi ai emilata nohune.

2 Yoni 1:13

Kai pa'i kogonaka Hu'mau le'mo eto hu'ehina ai yagapana'a enali hiti nehafihe lite keke'i neli ketabe.

Huto Hilina Ka 17:14

Ya nehite Hu'mamofihi sipisipi nala'amofihi luba hi etete minalune'mu habe. Ya nehinogo sipisipi nala'auba to ai'a naga'a hiti enali ya'ma amuya molo lito buto enifitu falube'mu hibe. Ya nohinogo ai ya'ma enigihiti bomagihi enogo'anifu to kibina bomagihi enogo'anifu nohinagihe. Ai kehe i'ehina bo hiti to elesa molo epi'ehina bo hiti to aitoga i ke'mete mine'ahana bo hiti enali ya'ma akafu yagakafamofihi naga'amofihi hiti luba hi etete enebe ligilune'mu habe.