Kolose 3:11 - Ka Lamana'a Monoꞌi Lu Mu Tifiꞌehina Ka Yabe

¹¹ To Hu'mau ya nohu lepalago fato fato bona'i meminese moneko bona'i nehabe. Mone Yuta bona'i to mone fegutoga bona'i meni'ina. Ana huto enugufa laga hise bona'i to laga mehise bona'i meni'ina. To naga'i emite koko hise bona'i to naga'i melise bona'i meni'ina. Bona'i hapa'ani fato fato'na ni'inaya ya'mana fa'menena ni'ibe. Kilisitou ai lali fato fato bona'i asaga'i lele'mo moneko babeyafa hu'ehina. Ai bona'i yege yege'na lele'mo moneka hu'ehina. To ana huto ai yege yege bonatoga minalibe.

Kolose 3:11 ပူးပေါင်းရင်းမြစ်များ

Yoni 14:23

Ya ligo Yesu lu emi'ehina: Bo moneuba komopa'a nimito nohutomo kaga'nilo mege'i malalibe. Afo'nifu ana bomofihi komopa'a emilibe. Ya huto Afo'nifi hiti nani hiti ana bomofitoga buto ai hiti moneka minalune.

Yoni 15:5

Bai naga'mofihi hapa'a nani ya'ma nohube. Lenali ya'ma letoha'a nehabe. Mone'a enali nanitoga ete hepite minalana ya'ma nani ana suhi huto enalitoga buto i hepilenogo enalitoga legeya'a babu luto halina'mu yabe. Lenali ya'ma nani hiti i mehepise ana'ina legeya'a lilana'a mone meni'ibe.

Yoni 17:23

Nani nemehi epugo to enali enemehi nimilago enali komopa'anitu mu tifite moneko lolo hite minalabe. Ya hilete nehinogo melugu bona'magi enali noho lifitogo limi'ohunamofihi keheliya ilabe. To komopaka nanitoga mololata nohata nasanauba pana'alobo'ni enalitoga ana huto komopaka mololata yanamofihi melugu bona'magi be gelete keheliya ilabe.

Aposolo 15:17

Ya hu'ehinogo fato fato bona'i asaga'magi Sipi Bomofihi sa sa hilabe. Asaga bona'i noto noto nehanamagihi nani'ni bona'ni yabe luto elesa molo'ohube.

Aposolo 28:2

Ya'mana hepato boana'magi hetofana hite lele'mo bati hi'ahana. To ko'i ilube'mu nohigo yasi higo logo gelete asaga'i lele'mete ana logolo laba hulago lota hu'ohuta yabe.

Aposolo 28:4

Ana osifa'uba Poluhi yaha'alo heni kofigo ana hepato bona'magi be gelete ai lu emigo ai lu emigo ma lite li'ahana: Ma bomagita manauba bo mone ho fili'ehilina ni'ibe. Ai hege nagamilugu mefilinana nohibe. Ya hina bebe sana sipi felemouba minoba minoba mehilibe luto keheli'ehibe.

Romu 1:14

To nani melugu bona'i asaga'namofihi nona'a suhi huto epilube. Hena'mube? Ka keheli bati hi'ahana bona'i hiti ka mekehelise bona'i hiti to sipi hepatoga neminana bona'i hiti kifigu neminana bona'i asaga'i enali'i ka lamana'a lu epiluta to enehe'maluta ya'ma nani lili'na'ni ni'ibe.

Romu 10:12

Ya'ma fayahi keye'ahanamu yege yege boana'magihi keye'ahanamu, Yuta bona'i hiti to fegutoga bona'i hiti enali moneko nehanamo ni'ibe. Hu'mau ai enali li gehe meli'ehina. Ai yege yege bona'magihi kibina bo'ani moneko'isi nohuto'a aitoga kehe ilata nehanamagihi enele'moto lusa gi epalalina'mu yabe.

Romu 3:22

Bona'i moneuba komopa'a Yesu Kilisitotoga molo emigo Hu'mau ana bomo le'mo bati hilibe. Ai asaga bona'i komopa'ani Kilisitotoga mele emi'ahanamagihi enele'mo bati hilibe. Hu'mamofihi bulo silaga bona'i moneko babeyafa hite nehago bu golata nohibe.

Romu 3:29

To Hu'mau lali Yuta bona'magitalogako nominafi? O'e, ya huse'i meni'ibe. Ai fegutoga bona'magitoga hiti minolata nohibe.

1 Koliti 12:13

Sikalafu'i moneko'uba lalitoga limiloto mono kagu lele'mo nupa higo lugufamofihi suhi huto moneko'i lolo huto nohune. Sikalafu'i moneko'uba lali'i asaga'i mono'i folo leto'ehina lugufamofihi suhi huto moneko lolo huto minalune luto lele'mo nupa hu'ehibe. Ya higo lali Yuta bona'i to Giliki bona'i, kele kele bona'i to fa'mene nohuta bona'i lali moneko Hu'mamofihi Sikalafu'i lito komopatigu molo su holoto moneko'i lolo nohune.

1 Koliti 7:19

Enugufa laga hite minalana to enugufa laga mehise minalana enali'i nasana fa'menena meni'ibe. Hu'mamofihi bagaguti kaga'a kehelite lite minalana nasana yamofihi lamana'a ni'ibe.

Galesia 2:20

Ya hu'ohunaya yatai ya'ma minoto lito nohuna ya'ma nani'nigo minoto lito mehube. Kilisitou komopa'nigu minoto lito nohigo nugufaloti minoto lito nohuna. Ya'ma Hu'mamofihi pana'amu keheli ule'ale huto minolatana nohuto minoto lito nohube. Ai ya'ma komopa'a nanitoga mololoto minoto lito hina'a nani kumu yabe luto gufa'a he'miloto fili'ehinamo ni'ibe.

Galesia 5:6

Yesu Kilisitotoga buto i hepito minaluta ya'ma lugufa laga huse'na to lugufa laga mehuse'na li nupa napa huto mone'na legeya'a meni'ina futu'a yabe luto lilune. Keheli ule'ale hulatanamofihi fayaha'a komopatigu minelenogo komopati bona'i asagatoga malaluta'muko legeya'a yabe lilune'mu hune.

Efeso 1:23

To lali Hu'mamofihi bona'magita gumita'a lolo huto nohuto gufa'a lolo hu baga nouta yabe. Ya huto ni'inaya to ai'a silaga'na lolo baga ilata bo nohibe.

Efeso 2:14

Kilisitou ai'a lele'mo fulu hilata bo nohibe. Ai lali asaga'i Yuta bona'i hiti fegutoga bona'i hiti lele'mo fulu higo moneko bona'i lolo nohune. To folagahatigu hasa mino'ehinana li tele bito nohe'mito lele'mo hepi'ehinamo ni'ibe.

Efeso 2:15

To ai Kilisitou Yuta bona'magihi keya kamofihi komopa'agu ya'ma lilo melilo lite fato fato ka li'ahanamo ya'ma pa salube luto ai'a gufa'a nohe'mito fili'ehigo ana ka su ho'ehina ni'ibe. To ya huloto lali loe bona'i fatehi mino'ohuta bona'i kosaba naga'i moneko lele'mo huto huloto aitoga lele'mo hepilago lali fulu huto koguna ito nominota ni'ibe.

Efeso 3:17

To Kilisito kumu keheli amuya melenogo ai'a komopatinigu minoto mino amuya malalibe luto loka nohobe. To Kilisitohi komopa'a lepilinanauba lufusatini limito lenele'mo amuya lolo hinogo,

Efeso 3:6

Suguna kamofihi hapa'a ma luto ni'ibe. Ka lamana'a molo'ehinamofihi legeya'a ya'ma fegutoga bona'i lenalitoga to Yuta bona'i enalitoga moneko babeyafalo koguna moneko'i lolo huto nehinogo Yesu Kilisito kumu yabe luto Hu'mau Yuta bonatoga lu molo epolo'ehina lenali li hetofa hite lilabe luto lu'ehinamo ni'ibe.

Efeso 6:8

Lenali ya'ma keheli'ahabe. Mone'a enali koko pana'a nehanana'a to enigihiti bo lolo hite nehana'a enali lamana'a lolo hite hi'ahanalo'i Sipi Bouba nona'a epilina ni'ibe.

1 Yoni 5:20

To ma luto mone'a hiti keheli'ohune. Hu'mamofihi pana'a ai'a melugu limito keheli fe lulata'na li huto hu limi'ehinamo ni'inaya, Hu'mamofihi lamana'amofihi hapa'a keheliya ito kehelilata nohune. To Hu'mamofihi ka lamana'alo i segito ya'ma pana'a Yesu Kilisitohi nosipenuga minoto lito nohune. Ai'a ya'ma Hu'mamofihi lamana'a to minoba minoba huse'namofihi afo'afu nohibe.

2 Yoni 1:9

Luga'amagi enali Kilisitou mono ka lu limi'ehinamofihi li pili mekese be ligite ka'a mone lilete li sibi hilana enali Hu'mamofihi lite enali'na lolo mehilana'mu yabe. Luga'amagi enali ya mehise Kilisitohi ka lamana'a kehelite lilete minalana yamagi afotifu yagi to pana'a yagi li pili kete lite etalitoga malalana'mu yabe.