Kolose 3:1 - Ka Lamana'a Monoꞌi Lu Mu Tifiꞌehina Ka Yabe

¹ Lenali Kilisito hiti ho ti'ahana bona'i nehafiye? Ai nohina kapomu'i sa sa hite lenegekesa yigilo. Anagu Kilisitou Hu'mamofihi yahi lamaga'aga nominabe.

Kolose 3:1 ပူးပေါင်းရင်းမြစ်များ

Matiu 22:44

Sipi Bo Hu'mau ma luto nani Sipi Bo'nimofihi lu emi'ehina: Kai nayahi lamaga'nilo minolotoka to nani fatehaka enoho su holenogo, melugu minelenogo, kai kigigusatu ifi to epalalane.

Matiu 26:64

Yesu ka'alo nona'a lu'ehina: Kai a'nolane. Ya hu'ehina lenali asaga'i kaga mone lu lepilube. Yatai hiti to aliha'a yupa hiti Kokulumaguti limi'ehina Bouba ifo muya Sipi Boti Hu'mamofihi yahi lamaga'aga minoloto kokulumamofihi sopoha'alo aku alina'mu yabe.

Matiu 6:20

Ya hu'ehina lenali kokulumalugu'natini li nupa hilo. Asaga'na kokulumalugu nina ai kagopa melogolata nohibe, to molepa kafauba menolata nohibe, to guminalo bouba kafe sigito tito gumina melilata nohibe.

Matiu 6:33

Ya hu'ehinagi kai yata'a Hu'mamofihi kapo'alo li kubulo moloto mege'i meletogo ai gelo biloto asaga'na bati'a kimilina'mu yabe.

Maki 12:36

Koyapa'a Tebitiu Hetofa Sikalafu'uba lu emi'ehina ka ya'ma luto ma lu'ehina: Sipi Bo Hu'mau nani Sipi Bo'ni ma lu emi'ehina: Kai lamaga'nilo minotoka, to nani fatehakamagihi enoho su holenogo melugu minelenogo kai kigigusakatu enemegesa'anilo kifita ilane.

Maki 14:62

Ya ligo, Yesu ma luto lu'ehina: Nani ana bo nohube. To alihi yupahi nani Kokulumaguti limi'ohuna Bomofita Hu'mamofihi lamaga'alo minenogo'ni bu galane. To aku kokulumaguti sopohi hiti noliminogo'ni bu galane.

Maki 16:19

To Sipi Bo Yesu ai ana kaga lu epi su holoto'a yalo kokulumalugu tito folofa hu'ehibe. Anaga tito Hu'mamofihi yahi lamaga'aga mino moloto mino'ehina yabe.

Luku 12:33

Lenali asaga fe'nohatini bona'i luga'amagihi epinogo efahi ananalo lepilenogo aku'i ana efahi musufalo bona'i epilo. To lenali kosaba gu'i efahi li malalatamo analo'i sibina mehilina'mu yabe. To lenali ifo muya yogo fe'nohatini kokulumalo meminigilina'mu yabe. To kokulumalugu guminalo bona'i menehabe to efahatini sifolohi megilina'mu yabe.

Luku 20:42

Mono nama buku monelugu Tebitiu ai'a ma luto lu'ehina: Sipi Bo Hu'mau ma luto nani Sipi Bo'ni lu emi'ehina: Kai nayahi lamaga'aga minobo.

Luku 22:69

Ya hu'ehinaya yatai hiti to asaga yupahi alihi Kokulumaguti limi'ehina Bo ai Hu'ma asaga amuya aitogago nina Bomofihi yahi lamaga'aga minalina'mu yabe, Yesu lu'ehina.

Aposolo 2:34

Tebitiu ai'a kokulumalugu meti'ehinaya, ai ma luto lu'ehina: Sipi Bo Hu'mau Sipi Bo'nimofihi ma luto lu emi'ehina: Malo nayahi lamaga'aga minobo.

Aposolo 7:55

Ya nehago Sikalafu'uba Sitifenitoga bai tolago kokulumatoga bu golago ti'ehina. Ai Hu'mamofihi fana mehena'agu Yesu yahi lamaga'aga nohigo bu go'ehina.

Romu 8:34

Kiyi kiyi'afu lifisa iloto ka foya lilube'mu nohibe? Yesu ai'asigo lali kumu fililoto ho tito aku Hu'mau lamaga'aga le'mo'ehigo nominabe. Analo nominoto lali kumu Hu'mamofihi amuya loka holata nohibe.

Romu 8:6

To Sikalafu laga lebesise'nalo lali mege'i nomolota bona'magita Hu'mamofihi fuluna'a litoti to hetofa mino kosaba husemofihi lilata nohune. To enali enugufa'aniuba laga enebesise'nalo mege'i nemalana bona'magi filise kapogu bilata nehabe.

2 Koliti 4:18

To ya huto ni'igo lali ana'ina keta'a hiti li limilata nehana yanauba ni'igopa ana'ina suguna nasanauba huto hu limilibe luto ana kegi'a komopatigu bu goloto minolata nohune. Ya'mana metoga ni'ina lubutu bu golata nohuta nasana yauba fa'menena lolo hilina'mu yabe. Ya'ma lubutu bu menogotanauba amuya moloto mino foto'i moloto minoba minoba huto minalina'mu yabe.

Efeso 4:10

To ai limi'ehina bo to aku'i i behe huto kokuluma kokuluma'i be ligito ti'ehina bo moneko'i nohuto yamofihi asaga melugu to kokulumagu mino baga ilube luto ti'ehinamo ni'ibe.

Efeso 5:22

Ana'i lenali bahatinimagihi agoya hu epite minalana yauba Sipi Bomofihi agoya hu emi'ahana ya lolo hilina'mu yabe.

Kolose 2:20

To lenalimoya ma melugu bona'magihi hapa'aniguti ali gulufe su he'ahana. Kilisitou hiti ana hapamu'i afili'ahana yabe. Ya hi'ahanaya lenali ya'ma melugu bona'magi hapa'ani henabe lite aku'i mege'i nemalabe?

Kolose 3:2

To lenali ma melugu ni'ina nasana'mu lenegekesa meyigise kokuluma kapogu ni'ina nasana'muko lenegekesa malalo.

Hibulu 1:13

Hu'mau ai'a pana'amofihi lu emi'ehina ka'a ya'ma agelo mone'i ai ya'ma luto lu emilina'a meni'ibe: Kai oto lamaga'niga mino lito buto nohitogo fatehaka enele'mo tulu hinogo kigigusa'aluga minalana'mu yabe.

Hibulu 1:3

Hu'mamofihi fana meha'amofihi sekele mamu'a hiti fuluna'a aitoga fi besa lo'ehinamo ni'ibe. To Hu'mau minoto lito hu'ehinamofihi legege hu'ehinamofihi aitoga ni'ina yanamofihi amuya'alo molo kehelito lulata nohina kaga'a yauba melugu kokulumagu ana'ina silaga'i le'mo hetofa hulata nohibe. Ai'a ya'ma foipanati nokala hu letolata nohina foya'a li su hoto ifoga gihiti bo amuya'a hiti enebe ligi'ehina bo Hu'ma ai nohinalo lamaga'aga buto mino moloto mino'ehina yabe.

Hibulu 10:12

Kilisitou ya'ma foipanati su halibe luto ai'a golaha'atu mamufa gigo asu ho'ehibe. Yanamofihi gupisalo aku'i mamufa megilina'mu yabe. To ya huloto Hu'mamofihi yahi lamaga'aga mino moloto mino'ehina.

Hibulu 12:2

Ya nohutoti keheli ule'ale huse'nati'mu lele'mo kohe tolatana to yanamofihi legeya'a li huto hulata bo, Yesu ya'ma babeyafa'amofihi suhi huto minoto aigo'isi bu go bati huloto hololu luto buto minalune. Ai gelo bise'na ya'ma o nehetibe luto lu'ohunamo yamofihi keheliloto li pigi bise'na fela'amofihi gupisalo ti'ehina'mu keheligo fa'menena lolo higo malipu yafalo sipi keke'i lu'ehina. Ya huloto Hu'mau nohina sekele mamu'a hiti kefa hisalo yahi lamaga'aga tito mino'ehina yabe.

Hibulu 8:1

Ka noluna yamofihi legeya'a ma luto ni'ibe. Lali'i mamufa gilata bo sipi bo ai ifoga kokulumagu Hu'mamofihi koli'a hiti kefa hisalo maha'aluga yahi lamaga'aga mino moloto nohibe.

1 Pita 3:22

To ai kokulumalugu tito Hu'mamofihi yahi lamaga'aga mino moloto nohibe. Yaga nohigo agelomagi mine'ahana'a hiti to kokulumalugu enigihiti bo mine'ahanaya amuya'a hiti mine'ahanaya Yesu enebe ligito kaba hu epoloto nominabe.